EDITIONS
Asamiya

স্মাৰ্ট চিটিৰ বাবে আমি প্ৰস্তুত নে?

3rd Aug 2016
Add to
Shares
16
Comments
Share This
Add to
Shares
16
Comments
Share

স্মাৰ্ট চিটি মোডী চৰকাৰৰ এক অন্যতম প্ৰকল্প । প্ৰধান মন্ত্ৰীৰ ভাষাত ই এক গণ আন্দোলন আৰু নগৰ উন্নয়ন মন্ত্ৰী ভেঙ্কাইয়া নাইডুৱে ইয়াক নগৰীয়া ৰেনেছাঁ আখ্যা দিছে । ইতিমধ্যে চৰকাৰে এই প্ৰকল্পৰ বাবে বৃহৎ পৰিমাণৰ ধন ধাৰ্য কৰাৰ লগতে ই ভাৰতৰ নগৰীকৰণৰ ছবিখন বৈপ্লবিকভাৱে সলনি কৰি দিব বুলি কোৱা হৈছে ।

বস্তি অঞ্চলৰ লোকৰ পুনৰ সংস্থাপন, স্মাৰ্ট ষ্ট্ৰীট, বিশেষ পদপথ ইত্যাদিয়ে এই প্ৰকল্পক এক বিশেষ আকৰ্ষণীয় ৰূপ দিছে । বিশেষকৈ যিবোৰ চহৰ বা মহানগৰৰ আন্তঃগাঁঠনি উন্নীতকৰণৰ কথা চলি আছে সেইবোৰ ঠাইত ই যথেষ্ট আগ্ৰহৰ সুচনা কৰিছে । 

image


এই পৰিপ্ৰেক্ষিতত এই পৰ্কল্প ৰূপায়ণৰ বাটত থকা বাধা, সুযোগ আৰু প্ৰয়োজন সমূহৰ ওপৰত এবাৰ চকু ফুৰোৱাটো সমীচিন হব ।

স্মাৰ্ট চিটি মানে কেৱল অত্যাধুনিক প্ৰযুক্তি নহয় । তথ্য প্ৰযুক্তি অথবা ইটো সিটো যন্ত্ৰ-পাতিৰে মানুহৰ জীৱন সহজ কৰাটোও নহয় । এটা কথা ঠিক যে এই যন্ত্ৰবোৰে মানুহক স্মাৰ্ট হোৱাত সহায় কৰে কিন্তু অপৰিকল্পিত নগৰীকৰণ ৰোধ কৰাৰ আহিলা এইবোৰ নহয় । 

মোৰ দৃষ্টিত এনে কিছুমান সমস্যা আছে যিবোৰৰ সমাধান অবিহনে স্মাৰ্ট চিটি প্ৰকল্প সফল হ'ব নোৱাৰে । 

১.স্মাৰ্ট চিটিজেন- স্মাৰ্ট চিটি সফল হ'বলৈ আমাক স্মাৰ্ট চিটিজেন অৰ্থাৎ স্মাৰ্ট নাগৰিকৰ প্ৰয়োজন হ'ব । আজিৰ তাৰিখত আমাৰ অধিকাংশ লোক নাগৰিক হিচাপে উপযুক্ত নহয় । আমি সভ্য সমাজৰ সাধাৰণ নীতি নিয়ম সমূহ মানি চলিবলৈও অপাৰগ । আনকি এই নীতি-নিয়মবোৰ আমি যথেষ্ট ঔদ্ধত্যৰে ভঙ্গ কৰি চলো । স্মাৰ্ট চিটি সফল হ'বলৈ হলে সবাতোকৈ আগতে নাগৰিক সকলক শিক্ষিত কৰিব লাগিব অন্যথা এই প্ৰকল্প সফল নহয় । 

২.স্মাৰ্ট স্থানীয় প্ৰশাসন- আমাৰ নগৰ চহৰবোৰৰ জৰাজীৰ্ণ অৱস্থা, ধ্বংসপ্ৰায় আন্তঃগাঁঠনিৰপৰা এটা কথা স্পষ্ট যে কৰবাত কিবা এটা গণ্ডগোল আছে । স্থানীয় নিকায়সমূহক অধিক প্ৰশাসনীয় অধিকাৰৰ প্ৰয়োজন আছে বিশেষকৈ যিহেতু আমাৰ কিছুমান মহানগৰৰ জনসংখ্যা পৃথিৱীৰ কিছুমান দেশতকৈও বেছি । গতিকে একোখন মহানগৰক যন্তৰৃপাতিৰে ভৰাই তোলাৰ আগতে তাৰ প্ৰশাসন ব্যৱস্থা উন্নত কৰিব লাগিব । 

৩.স্মাৰ্ট পুঁজি- নগৰ সমূহৰ কথা কওঁতে সাধাৰণতে এই বিষয়ে কথা কোৱা নহয় । ৰাজ্য আৰু কেন্দ্ৰ চৰকাৰৰ ৰাজহৰ বুজন অংশ নগৰ সমূহৰপৰা আহে । তাথাপি নগৰ সমূহে সেই ৰাজহৰ সমানিপাতিক অংশ লাভ নকৰে । পৌৰ নিগম আৰু সমিতি সমূহৰ হাতত এক কাৰ্যকৰী কৰ ব্যৱস্থা, পুঁজি গঠন কৰাৰ সুবিধা থকা দৰকাৰ আৰু তাৰ লগতে দৰকাৰ দায়বদ্ধতা। 

৪.স্মাৰ্ট পৰিকল্পনা- ভাৰতত নগৰ সমূহ সম্পূৰ্ণ অপৰিকল্পিতভাৱে প্ৰসাৰিত হৈছে । একমাত্ৰ পৰিকল্পিত মহানগৰী আছিল চণ্ডিগড় (৬০ বছৰৰ আগতে) । নগৰ পৰিকল্পনাকৰীসকল দূৰদৃষ্টিসম্পন্ন হোৱা দৰকাৰ । অন্ততঃ ৩০-৫০ বছৰৰ পৰিকল্পনা কৰিব পৰাকৈ দূৰদৃষ্টিৰ প্ৰয়োজন । ভৱিষ্যতে আৱিষ্কাৰ হ'বলগীয়া প্ৰযুক্তিৰ বাবে নগৰ এখনৰ ব্লুপ্ৰিন্টত কিছু সাল-সলনি ঘটোৱাৰ থল ৰখাও প্ৰয়োজন । অৰ্থাৎ আমাক এনেকুৱা স্মাৰ্ট চিটি পৰিকল্পনাকাৰীৰ প্ৰয়োজন যি প্ৰযুক্তি, সৌন্দৰ্য এই আটাইবোৰ দিশ চকুত ৰাখি আগবাঢ়িব । 

৫.স্মাৰ্ট আমোলাতন্ত্ৰ- আমোলাতন্ত্ৰৰ বৰ্তমানৰ মনোভাৱ সলনি হোৱাটো দৰকাৰী । আমাক এনেকুৱা স্মাৰ্ট আমোলাৰ প্ৰয়োজন যি এই কথা বুজিব যে স্মাৰ্ট চিটিখন চলোৱাৰ দায়িত্ব তেওঁলোকৰ কান্ধত । এখন স্মাৰ্ট চিটি নিৰ্মাণৰ পাছত তাত জীৱন ধাৰণৰ মান উন্নত কৰিবলৈ প্ৰযুক্তিৰ ব্যৱহাৰ আৰু তথ্য বিশ্লেষণ কৰিবলৈ তেওঁলোকক প্ৰশিক্ষম দিয়াৰ প্ৰয়োজন । 

এই তালিকাখন দিঘলীয়া কৰি নি থাকিব পাৰি । শুন্যৰপৰা এখন স্মাৰ্ট চিটি নিৰ্মাণ কৰাটো এখন মহানগৰক স্মাৰ্ট চিটিলৈ উল্লীত কৰাতকৈ সহজ । কিয়নো ইয়াৰ বাবে আমি মহানগৰীখনৰ বাসিন্দা,কলৰ অভ্যাস সলনি কৰিব লাগিব যিটো সহজ কথা নহয় । তদুপৰি, বাট-পথ, আবৰ্জনা নিষ্কাশন, নলা-নৰ্দমাৰ ব্যৱস্থা আদি উন্নীত কৰাটোও প্ৰয়োজনীয় । 

মহানগৰবাসী হিচাপে আমি কিছুমান সেৱা বিনামূল্যে অথবা ৰাজসাহাৰ্য ভিত্তিত পাওঁ । যেনে বিদ্যুৎ, পাৰ্কিং, পানী, জাবৰ নিষ্কাশন ইত্যাদি । আমি এইবিলাকৰ কাৰণে কৰ দিওঁ কিন্তু এই কৰ সেইবোৰ কামতে ব্যৱহাৰ হৈছে নে নাই সেই কথা আমি গম নাপাও । শিক্ষাৰ নামত সংগ্ৰহ হোৱা কৰৰ ১২,০০০ কোটি অব্যৱহৃত হৈ পৰি আছে । স্বচ্ছ ভাৰত কৰেও ইতিমদ্যে ১০০০ কোটি অতিক্ৰম কৰিছে । 

যেতিয়া এজন নাগৰিকে গম পাব যে তেওঁ দিয়া ৰাজহ প্ৰকৃততে সেই উদ্দেশ্যতে ব্যৱহাৰ হৈছে যি উদ্দেশ্যত তাক সংগ্ৰহ কৰা হৈছে, তেতিয়াহে , স্মাৰ্ট চিটি প্ৰকল্প সফল হ'ব । স্মাৰ্ট চিটিৰ বহুবোৰ খৰচ নাগৰিক সকলে বহন কৰিব লাগিব । তাৰ কাৰণে তেওঁলোকে তাৰ যথাৰ্থতা সম্পৰ্কে পতিয়ন যাব লাগিব । 

গতিকে, স্মাৰ্ট চিটি স্থাপন কৰাটো সহজ নহয় । ই কেৱল প্ৰযুক্তি অথবা যন্ত্ৰ-পাতিৰ ব্যৱহাৰ নহয় । ইয়াৰ অৰ্থ হ'ল প্ৰকৃত ছবিখন বুজা আৰু এনে একোখন স্মাৰ্ট চিটিৰ বুনিয়াদ স্থাপন কৰা যি বুনিয়াদ কেইবাটাও প্ৰজন্মৰ নাগৰিকে দেখিবলৈ পাব । 

মূল- টি চিট্টি বাবু

(প্ৰকাশিত মতামত লেখকৰ নিজৰ । )

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

আপুনি ভাল পাব পৰা অন্যান্য কাহিনী

চকুৰ পচাৰতে ঋণ দিয়ে কীৰ্তি জৈনে

বিশ্বৰ আটাইতকৈ বেছি বয়সীয় মহিলা শৰীৰচৰ্চাবিদগৰাকী

মুক-বধিৰ কৰ্মচাৰীৰে চলোৱা, মুম্বাইৰ এখন আগশাৰীৰ ৰেষ্টোৰাঁ

'এই কামটো আগৰ পৰাই কোনোবাই কৰিছে'-এজন উদ্যমী ব্যক্তিয়ে এই কথাষাৰৰ কেনে প্ৰতিক্ৰিয়া কৰিব

Add to
Shares
16
Comments
Share This
Add to
Shares
16
Comments
Share
Report an issue
Authors

Related Tags