EDITIONS
Asamiya

'প্ৰস্তুত কৰা সামগ্ৰী বিক্ৰী কৰাতকৈ বিক্ৰী হোৱা সামগ্ৰী প্ৰস্তুত কৰাত গুৰুত্ব দিব লাগে': ড'নাৰ সচিব নৱীন ৱৰ্মা

12th Mar 2017
Add to
Shares
21
Comments
Share This
Add to
Shares
21
Comments
Share

"প্ৰতি বছৰে চৰকাৰে উত্তৰ পূৰ্বাঞ্চলৰ নামতে প্ৰায় ৪৪,০০০ কোটি টকা ব্যয় কৰে । খাদ্য সংশ্লেষণৰ অধীনত বিভিন্ন উদ্যোগৰ বাবে বিশেষ অনুদানৰ ব্যৱস্থা থকাৰ লগতে উদ্যোগৰ বাবে বিভিন্ন পুঁজিৰ ব্যৱস্থা আছে । অথচ এই সুবিধাবোৰ লবলৈ আগবাঢ়ি অহা লোকৰ সংখ্যা তেনেই কম ।" তেজপুৰ কেন্দ্ৰীয় বিশ্ববিদ্যালয়ৰ ব্যৱসায় পৰিচালনা বিভাগে আয়োজন কৰা সম্পৰ্ক-২০১৭ অনুস্থানত এইদৰে কয় ডনাৰ মন্ত্ৰালয়ৰ সচিব নবীন ৱৰ্মাই এইদৰে মন্তব্য কৰে । অঞ্চলটোত উদ্যমিতাৰ বাবে অনুকূল এটা পৰিবেশ গঢ়াৰ বাবে বহুতো কৰণীয় আছে বুলি তেওঁ মন্তব্য কৰে । অঞ্চলটোত উপলব্ধ বাঁহৰ উদাহৰণ দি তেওঁ কয় যে খৰিছাৰ দৰে সামগ্ৰী জাপানত ভীষণ ভাৱে জনপ্ৰিয়, সেইদৰে বাঁহৰ টাইলছ আদিৰো ব্যাপক জনপ্ৰিয়তা আছে । সেইদৰে অঞ্চলটোত উপলব্ধ সা-সামগ্ৰীৰে বাহিৰৰ বজাৰ দখল কৰাৰ ওপৰত গুৰুত্ব আৰোপ কৰে ।

image


শিক্ষা জগত, উদ্যোগ আৰু চৰকাৰৰ মাজৰ দূৰত্ব নাইকীয়া কৰাৰ ক্ষেত্ৰত সম্পৰ্কৰ দৰে অনুস্থানে পালন কৰা দায়িত্বৰ ওপৰত ৱাৰ্মাই গুৰুত্ব দিয়ে । এই ধৰণৰ অনুস্থানে উঠি অহা প্ৰজন্মক উদ্যমিতাৰ প্ৰতি আকৰ্ষিত কৰাত গুৰুত্বপূৰ্ণ ভূমিকা পালন কৰিব বুলি তেওঁ কয় । তেওঁ কয় যে সমাজত দুই ধৰণৰ মানুহ আছে । যি সাহসী সিদ্ধান্ত লয় আৰু যি সাহসী সিদ্ধান্ত ল'বলৈ ভয় কৰে । সাহসী সিদ্ধান্ত ল'ব পৰা সকলে যিকোনো সুযোগৰ সদব্যৱহাৰ কৰাৰ ওপৰত গুৰুত্ব দিয়ে আৰু আগবাঢ়ি যায় । আনসকলে নিৰাপদ জীৱিকা বিচাৰি কাম কৰে । 

উদ্যোগীসকলে গুৰুত্ব দিব লগীয়া তিনিটা কথাৰ ওপৰত তেওঁ গুৰুত্ব দিয়ে । প্ৰথম- যিকোনো সামগ্ৰীৰ বাবে শ্ৰেষ্ঠ আৰ্হি প্ৰস্তুতকৰণ । "আমি যি সামগ্ৰী প্ৰস্তুত কৰোঁ তাক আমি বিক্ৰী কৰোঁ কিন্তু আমি যি সামগ্ৰী বিক্ৰী কৰিবলৈ সহজ সেই সামগ্ৰী প্ৰস্তুত নকৰোঁ ।" তেওঁ কয় । উত্তৰ-পূৰ্বাঞ্চলৰ উদ্যোগীসকলে এি কথাত গুৰুত্ব দিব লাগে বুলি তেওঁ মন্তব্য কৰে । দ্বিতীয়তে একোটা সামগ্ৰীৰ ব্ৰেণ্ডিং কৰি তাক বজাৰলৈ লৈ যোৱাটোৰ ওপৰত গুৰুত্ব দিবলৈও তেওঁ আহ্বান জনায় । তৃতীয়তে প্ৰতিযোগিতাৰ মাজত সফল হোৱাৰ লক্ষ্য সদায় এজন উদ্যমীৰ থাকিব লাগে বুলি তেওঁ মন্তব্য কৰে ।

আনহাতে উত্তৰ পূৰ্বাঞ্চল ভাৰতৰ মূল ভূ-খণঅডৰ পৰা দূৰত বুলি থকা মনোভাৱ মনৰ পৰা আঁতৰাই পেলাব লাগে বুলি তেওং কয় । বৰঞ্চ প্ৰকৃতিকভাৱে আৰু ভৌগোলিকভাৱে এক অত্যন্ত সুবিধাজনক স্থানত উত্তৰ পূৰ্বাঞ্চল অৱস্থিত হোৱাৰ কথা তেওঁ দোহাৰে আৰু ইয়াৰ সুবিধা লৈ অঞ্চলটোক দেশৰ অৰ্থনীতিৰ এক প্ৰাণকেন্দ্ৰৰূপে গঢ়ি তোলাৰ ওপৰত গুৰুত্ব দিয়ে ।

উল্লেখযোগ্য যে সম্পৰ্ক-২০১৭ অনুস্থানৰ সহ আয়োজক হিচাপে নেডফি আৰু ডনাৰ মন্ত্ৰালয়ে সহযোগ আগবঢ়াইছিল । এই অনুস্থানত ডিজিটেল মিডিয়া পাৰ্টনাৰ হিচাপে জড়িত আছিল য়'ৰ ষ্ট'ৰী অসমীয়া ।

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

অন্যান্য কেতবোৰ কাহিনী  

তেজপুৰ বিশ্ববিদ্যালয় চৌহদত উদ্যমিতাৰ সাধনাৰে সম্পৰ্ক-২০১৭

উদ্যমিতা সময়ৰ আহ্বান: বি পল মুক্তি, নেডফি অধ্যক্ষ তথা পৰিচালন সঞ্চালক

'উত্তৰ-পূৰ্বাঞ্চল বুলি কোৱাতকৈ উত্তৰ-পূবৰ প্ৰতিখন ৰাজ্য নিজা নামেৰে জনাজাত হওক': ড০ জিতেন্দ্ৰ সিং

বিৰক্তি আৰু খঙৰ সৈতে মোকাবিলা কৰাৰ ৯টা কিটিপ

Add to
Shares
21
Comments
Share This
Add to
Shares
21
Comments
Share
Report an issue
Authors

Related Tags