EDITIONS
Asamiya

ক'লা বগা টকাৰে মোডীৰ চমক

( AAP নেতা আশুতোষৰ লেখা )

23rd Nov 2016
Add to
Shares
3
Comments
Share This
Add to
Shares
3
Comments
Share

মোৰ মবাইলৰ স্ক্ৰীণখনত হঠাৎ জিলিকি উঠিল এটা খবৰ । প্ৰধানমন্ত্ৰী মোডীয়ে আৰু কিছু সময়ৰ পিছতেই দেশবাসীক সম্বোধন কৰি ভাষণ দিব । কথাটো শুনি অলপ আচৰিত হ'লো । সীমান্তত সামান্য গুলীবৰ্ষণ বাহিৰে এই কেইদিনত বিশেষ ঘটনা ঘটা নাছিল । গতিকে কথাটোক লৈ মোৰ ভিতৰত এতিয়াও মৰি নোযোৱা সম্পাদকজনে চিন্তা কৰিবলৈ ধৰিলে । কিবা এটা নিশ্চয় ডাঙৰ কথাই হ'ব লাগিব । এইবোৰ ভাবি চিন্তি আঠ বজাত টি ভি অন কৰিলো ।

image


প্ৰধানমন্ত্ৰীয়ে ক'লে সন্ত্ৰাসবাদ, দূৰ্নীতি আৰু ক'লা ধনৰ কথা । মই তেতিয়াও একো উৱাদিহ পোৱা নাছিলো । তেনেতে হ'ল বিস্ফোৰণটো । চৰকাৰে সিদ্ধান্ত লৈছে সেই নিশাৰপৰাই কাৰ্যকৰী হোৱাকৈ ১০০০ আৰু ৫০০ টকীয়া নোট নিষিদ্ধ কৰাৰ । উদ্দেশ্য ক'লা ধন নিয়ন্ত্ৰণ কৰা । আমি হতবাক হ'লো । মোৰ হাতত যিকেইখন ৫০০ টকীয়া নোট আছিল সেইকেইখন সেই মূহুৰ্ত্তৰপৰাই মূল্যহীন কাগজত পৰিণত হ'ল । 

সময় শেষ হোৱাৰ আগতেই মই আৰু মোৰ বন্ধুসকলে বাহিৰত খাবলৈ গৈ নোটকেইখন শেষ কৰাৰ সিদ্ধান্ত ল'লো । খাই থকাৰ সময়খিনি আমাৰ মাজত চলিল সৰব আলোচনা । ই সঁচাকৈ ফলপ্ৰসূ হ'বনে ? ইয়াৰ দ্বাৰা খেলিমেলিৰ সৃষ্টি নহ'বনে ? ই তেওঁক ৰাজনৈতিকভাৱে লাভৱান কৰিবনে ? তেওঁৰ ভাৱমূৰ্ত্তিৰ এপৰত ইয়াৰ কি প্ৰভাৱ পৰিব ?

সঁচাকৈ ক'বলৈ গলে মই সম্পূৰ্ণ বিভ্ৰান্ত হৈ পৰিছিলো । মোৰ ভাব হৈছিল ই তেওঁৰ ভাবমূৰ্ত্তি উজ্জল কৰিব । তেওঁক ক'লা ধনৰ বিৰুদ্ধে যুঁজ দিয়া এজন নেতা হিচাপে চোৱা হ'ব । কিন্তু ই তেওঁক ৰাজনৈতিকভাৱে কিমান লাভাম্বিত কৰিব সেই সম্পৰ্কে মোৰ হাতত কোনো উত্তৰ নাছিল । ইতিমধ্যে পেট্ৰল পাম্পত দীঘল শাৰীৰ বাতৰি আহিবলৈ আৰম্ভ হৈছিল । সকলোৱেই চিন্তিত হৈ পৰিছিল ।

পাছদিনা দেশজুৰি হাহাকাৰ পৰিস্থিতিৰ সৃষ্টি হ'ল । চৌদিশে অৰাজকতা আৰু বিভ্ৰান্তি । এ টি এমৰ সন্মূখত দিঘলীয়া শাৰী । চাৰ্চিলে কৈছিল এটা সপ্তাহ ৰাতনীতিৰ বাবে দিঘলীয়া সময় । কিন্তু এতিয়া ৪৫ মিনিট সময় এসপ্তাহতকৈ দীঘলীয়া হৈ পৰিছিল। দুসপ্তাহতকৈ অধিক সময় ইতিমধ্য পাৰ হৈ গৈছে আৰু ভাৰতীয় ৰাজনীতি স্পষ্টভাৱে দুটা শিবিৰত ভাগ হৈ পৰিছে । 

মোডীয়ে এয়া ক'লা ধন আৰু দুৰ্নীতিৰ বিৰুদ্ধে যুঁজ বুলি প্ৰচাৰ চলাইছে । পিছে মোৰ বাবে এই কথাটো হজম কৰিবপৰা কথা নহয় । 

২০১৪ চনৰ নিৰ্বাচনৰ প্ৰচাৰৰ সময়ত তেওঁ কৈছিল কলা ধনৰ বিৰুদ্ধে যুঁজৰ কথা । সকলোৰে একাউন্টত ১৫ লাখকৈ টকা সোমাব বুলি ঘোষণা কৰিছিল । আগৰ কংগ্ৰেছ চৰকাৰখনক দুৰ্নীতিয়ে ডুবাইছিল । ৫০ খনতকৈও কম আসনত সীমাবদ্ধ হৈ ৰোৱা কংগ্ৰেছৰ প্ৰত্যাৱৰ্তনক লৈ বিশেষজ্ঞসকল সন্দিহান । কুৰি শতিকাৰ ইতিহাসৰ আটাইতকৈ সফল ৰাজনৈতিক দলটো এতিয়া নিশ্চিহ্ন ।  

দুৰ্নীতিৰ বিৰুদ্ধে যুঁজিবলৈ জনাদেশ পাইছিল মোডীয়ে । তেওঁ জনাদেশ পাইছিল বিদেশত, বিশেষকৈ ছুইছ বেংকত থকা ক'লা ধন ঘুৰাই আনিবলৈ । ছুইছ বেংক বুলি ক'লেই ভাৰতীয় মানুহৰ মনলৈ আহে এনে এখন ছবি - সকলো ক্ষমতাশালী, দুৰ্নীতিগ্ৰস্ত মানুহে ছুইছ বেংকত এটা একাউন্ট ৰাখে । বিদেশৰ বেংকত এটা একাউন্ট থকা মানে এজন মানুহক শক্তিশালী আৰু ধনী বুলি ধৰা হয় । 

মোডীৰ এসময়ৰ ৰাজনৈতিক গুৰু এল কে আডাৱানিয়ে ক'লা ধনৰ বিৰুদ্ধে ২০০৯ চনৰ সংসদীয় নিৰ্বাচনৰ সময়ত প্ৰথমবাৰৰ বাবে মাত মাতিছিল । কিন্ত সেই সময়ত ভাৰতীয় অৰ্থনীতিৰ জয়জয় ময়ময় অৱস্থাৰ বাবে ই এটা ডাঙৰ ইছ্যু হ'ব নোৱাৰিলে । ২০০৮ চনত গোলকীয় মন্দাৱস্থা স্বত্ত্বেও অৰ্থনীতি ৯ শতাংশ হাৰত বৃদ্ধি পাইছিল । মনমোহন সিং পুনৰ মূখ্যমন্ত্ৰী হৈছিল । ২০০৪ চনতকৈও অধিক সফলতাৰে কংগ্ৰেছৰ প্ৰত্যাৱৰ্তন ঘটিছিল । সেইকাৰণে এইবাৰো ইছ্যুটো জনপ্ৰিয় নহ'ল । কিন্তু ২০১১ চনৰপৰা সমগ্ৰ পৰিস্থিতিটোৱেই সলনি হৈ গ'ল ।

আন্নাৰ আন্দোলনটোৱে দেশজুৰি আলোড়নৰ সৃষ্টি কৰিলে । ইটোৰ পাছত সিটো কেলেংকাৰীয়ে দেশ কঁপাই যোৱাটোৱে মনমোহন সিং আৰু ছোনীয়া গান্ধীৰ ভাৱমূৰ্ত্তি ধ্বংস কৰি পেলালে । কংগ্ৰেছ হৈ পৰিল আটাইতকৈ দুৰ্নীতিগ্ৰস্ত আৰু নিৰ্লজ্জ ৰাজনৈতিক দ'ল । অৰ্থনীতি ক্ৰমান্বয়ে অৱনমিত হৈ আহিছিল । গোলকীয় সংকটে এই অৱস্থাটো আৰু সংকটজনক কৰি পেলালে । জনসাধাৰণ এইবাৰ ক্ষমাৰ মানসিকতাত নাছিল । মোডী নামৰ নতুন ঢৌৱে দেশ কঁপাই গৈছিল । তেওঁ সফলতাৰে এজন সৎ, দক্ষ, শক্তিশালী আৰু নিকা মানুহৰ ভাৱমূৰ্ত্তি এটা ডাঙি ধৰিবলৈ সক্ষম হ'ল । মনমোহনক ওফৰাই মোডীক ৰাইজে প্ৰধানমন্ত্ৰী পাতিলে ।

তেওঁ ডাঙৰ ডাঙৰ আশ্বাস দিছিল যদিও ১০০ দিনৰ ভিতৰত বিদেশৰপৰা ক'লা ধন ঘূৰাই আনিব নোৱাৰিলে । উচ্চতম ন্যায়ালয়ৰ নিৰ্দেশ স্বত্ত্বেও তেওঁ মাত্ৰ এটা বিশেষ তদন্তকাৰী গোটহে গঠন কৰিবলৈ সক্ষম হ'ল যিটো আছিল এটা অৰ্থহীন কুচকাৱাজ । অৱশেষত বি জে পি সভাপতি অমিত শ্বাহ এইবুলি কবলৈ বাধ্য হ'ল যে এয়া মাত্ৰ এটা জুমলা অৰ্থাৎ নিৰ্বাচনৰ সয়য়ৰ বাগাড়ম্বৰ আছিল । আনকি মোডীৰ প্ৰচাৰ অভিযানটো আছিল স্বাধীন ভাৰতৰ আটাইতকৈ খৰচী প্ৰচীৰ অভিযান । কোৱা হয় যে ইয়াত ১০,০০০ কোটিৰপৰা ২০,০০০ কোটি টকা ব্যয় হৈছিল । বৃহৎ পুঁজিপতিসকলে তেওঁলোকৰ চন্দুক উজাৰি দিছিল । এনে ঘটনা আগতে হোৱা নাছিল । এয়া আছিল ধনৰ এক নিৰ্লজ্জ প্ৰদৰ্শন । মোডীয়ে সেই প্ৰচাৰৰ হিচাপ আজিলৈকে দিয়া নাই । তেওঁ এই বিষয়ে কোনো কথাও নকয় । নিৰ্বাচন আয়োগৰ মতে বি জে পিয়ে নিজৰ খৰচৰ ৮০ শতাংশৰ হিচাপ দিবলৈ অসেবীকাৰ কৰিছে । যিকোনো ৰাস্তাৰ মানুহৰপৰা বিশেষজ্ঞলৈকে সকলোৱে বুজিবপৰা এটা কথা হ'ল - এই ধন আছিল ক'লা ধন । হিচাপ দিব নোৱৰা নগদ ধন ।

প্ৰধান মন্ত্ৰীয়ে যোৱা ডেৰ বছৰত লোকপাল সম্পৰ্কে কোনো পদক্ষেপ লোৱা নাই । পদ এৰাৰ আগতে মনমোহন সিঙে এই সম্পৰ্কত এখন আইন গ্ৰহণ কৰিছিল । মোডী গুজৰাটৰ মূখ্যমন্ত্ৰী হৈ থকা ১২ বছৰ কালত কোনো লোকায়ুক্তক দায়িত্বভাৰ গ্ৰহণ কৰিবলৈ দিয়া নাছিল । তেওঁৰ কেবিনেটৰ দুৰ্নীতিগ্ৰস্ত মন্ত্ৰীৰ বিৰুদ্ধে আজিলৈকে কোনো ব্যৱস্থা লোৱা হোৱা নাই । বৰঞ্চ তেওঁ বহু দুৰ্নীতিগ্ৰস্ত লোকক মন্ত্ৰীত্ব দিছে । তেওঁ দিল্লীৰ আপ চৰকাৰৰপৰা দুৰ্নীতি বিৰোধী সংস্থাটো কাঢ়ি আনিছিল ।

এতিয়া দুটা ব্যাৱসায়িক গোষ্ঠীৰপৰা ধন লোৱাৰ গুৰুতৰ অভিযোগ তেওঁৰ বিৰুদ্ধে আছে । চৰকাৰী সংস্থাৰ হাতত এই তথ্য আছে । কিন্তু এই অভিযোগ সম্পৰ্কত প্ৰধান মন্ত্ৰীয়ে কোনো মন্তব্য কৰা নাই । এতিয়া একেজন মোডীয়ে বিচাৰে যে দেশবাসীয়ে তেওঁক দুৰ্নীতি বিৰোধী যুঁজৰ নায়ক বুলি ভাবক । মই এই কথা কেনেকৈ বিশ্বাস কৰোঁ । এয়া মাত্ৰ ৰাজনীতি নহয়নে ?

ইয়াত কোনো সন্দেহ নাই যে এই পদক্ষেপক লৈ দেশৰ জনতাৰ মতামত সম্পূৰ্ণ বিভাজিত । তেওঁক দুৰ্নীতি বিৰোধী যুঁজৰ নায়ক হিচাপে দেখা গৈছে আৰু লগতে নিজৰ ভাৱমূৰ্ত্তি উজ্জল কৰাৰ প্ৰয়াস কৰাও দেখা গৈছে । ই তেওঁক সচাকৈ লাভৱান কৰিব নে তেওঁ লোকচানৰ সন্মূখিন হব সেয়া সময়তহে দেখা যাব । এয়া তেওঁৰ বাবে আৰু দেশৰ জনতাৰ বাবে অতি উৎকন্ঠাৰ সময়। গতিকে অলপ সময় ৰৈ চোৱা যাওক ।

( মতামত লেখকৰ নিজৰ । ইয়াৰ লগত য়'ৰ ষ্ট'ৰীৰ সম্পাদকীয় নীতিৰ কোনো সম্পৰ্ক নাই )

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

আপুনি ভাল পাব পৰা অন্যান্য কাহিনী

পিছুৱালে আপষ্টাৰ্ট ২০১৬ ৰ তাৰিখ

ফ্ৰান্সৰ বৃহত্তম সামজিক উদ্যোগ গঢ়ি তোলা উদ্যমীজন

পেলনীয়া সামগ্ৰীৰে বনোৱা এই বাইকখন কেৰাচিন তেলতো চলে

এগৰাকী মূখ্যমন্ত্ৰীৰ নিৰাপত্তাৰ দায়িত্ব লোৱা প্ৰথম মহিলা আই পি এছ সুবাষিণী শংকৰণ


Add to
Shares
3
Comments
Share This
Add to
Shares
3
Comments
Share
Report an issue
Authors

Related Tags