EDITIONS
Asamiya

মেলেৰিয়া নিৰ্মূলৰ ক্ষেত্ৰত ভাৰতে শ্ৰীলংকাৰপৰা কি শিকিব পাৰে

8th Sep 2016
Add to
Shares
15
Comments
Share This
Add to
Shares
15
Comments
Share

জনস্বাস্থ্যৰ ক্ষেত্ৰত এক অন্যতম সফলতা লাভ কৰিছে শ্ৰীলংকাই । শেহতীয়াকৈ বিশ্ব স্থাস্থ্য সংস্থাই শ্ৰীলংকাক মেলেৰিয়া মুক্ত ঘোষণা কৰিছে । পৃথিবৱীৰ এক অন্যতম মেলেৰিয়া প্ৰৱণ অঞ্চলৰপৰা সম্পূৰ্ণ মেলেৰিয়া মুক্ত অঞ্চললৈ পৰিণত হোৱাৰ আঁৰত আছে দেশখনৰ চৰকাৰৰ নিৰলস প্ৰয়াস । 

image


এই ক্ষেত্ৰত প্ৰথম পদক্ষেপ আছিল স্বাস্থ্যখণ্ডত ব্যাপক সংস্কাৰ । শ্ৰীলংকাৰ জনবসতিৰ ৮০ শতাংশই গ্ৰাম্যাঞ্চলৰ বাসিন্দা । গ্ৰাম্যাঞ্চলত ভ্ৰাম্যমান চিকিৎসালয়ৰ ব্যৱস্থা কৰাৰ লগতে মহ নিৰ্মূলৰ লক্ষ্য লৈও আগবাঢ়িছিল । লগতে স্বাস্থ্য সজাগতাৰ বাবেও ব্যাপক ব্যৱস্থা গ্ৰহণ কৰা হৈছিল । 

শ্ৰীলংকাত মেলেৰিয়াই বহু বছৰ ধৰি সংহাৰ ৰূপ ধাৰণ কৰি আহিছিল । ১৯৩৫ চনত ১৫ লাখ লোক মেলেৰিয়াত আক্ৰান্ত হৈছিল আৰু ৮০,০০০ মৃত্যুমূখত পৰিছিল । ১৯৬৩ চনত এই সংখ্যা নামি ১৭ জন হ'লগৈ । কিন্তু ইয়াৰ পাছত মেলেৰিয়া নিৰ্মূলৰ বাবে থকা পুঁজি আন শিতানত ব্যয় কৰিবলৈ আৰম্ভ কৰাত ১৯৬৯ চনত পুনৰ ৫ লাখ লোক মেলেৰিয়াত আক্ৰান্ত হয় । 

ইয়াৰ পিছৰ কেইটামান দশকত শ্ৰীলংকাই মেলেৰিয়াৰ সৈতে যুঁজিবলৈ যথেষ্ট কষ্ট কৰিবলগীয়া হৈছিল । ১৯৯৯ চনত ২,৭০,০০০ লোক মেলেৰিয়াত আক্ৰান্ত হয় । ইয়াৰ পিছতে শ্ৰীলংকা চৰকাৰে মেলেৰিয়া নিৰ্মূল আঁচনিত কেতবোৰ সালসলনি ঘটায় । 

ইয়াৰ পূৰ্বে মূলতঃ মহ খেদোৱা দৰৱ আৰু আঠুৱা প্ৰয়োগৰ ওপৰতে গুৰুত্ব আৰোপ কৰা হৈছিল । এইবাৰ মেলেৰিয়া ৰোগ ধৰা পেলোৱা আৰু ইয়াৰ চিকিৎসাৰ ওপৰত গুৰুত্ব প্ৰদান কৰা হয় । এই কৌশলৰ ফলত ২০০৬ চনত মেলেৰিয়া আক্ৰান্তৰ সংখ্যা ১০০০ লৈ হ্ৰাস পায় । ২০১২ চনৰপৰা শ্ৰীলংকাত মেলেৰিয়াৰ কোনো নতুন ঘটনা দেখিবলৈ পোৱা হোৱা নাই । 

মালদ্বীপৰ পিছত শ্ৰীলংকাই হৈছে দক্ষিণ পূৱ এছিয়াৰ দ্বিতীয়খন ৰাষ্ট্ৰ যাক মেলেৰিয়া মুক্ত ঘোষণা কৰা হৈছে । বিশ্বজুৰি মেলেৰিয়াৰ বিৰুদ্ধে যুঁজ চলি আছে । বিশ্ব স্বাস্থ্য সংস্থাৰ মতে যোৱা ১৫ বছৰত মেলেৰিয়াৰ আক্ৰমণ ৩৭ শতাংশ হ্ৰাস পাইছে । মেলেৰিয়াত হোৱা মৃত্যৰ সংখ্যা হ্ৰাস পাইছে ৬০ শতাংশ । 

ভাৰতত মেলেৰিয়া আক্ৰমণৰ সংখ্যা ২০০০ চনৰ ২ কোটিৰপৰা হ্ৰাস পাই ২০১৫ চনত ১ লাখ ১২ হাজাৰ হয়হি । তথাপিও পাহাৰীয়া আৰু সেমেকা অঞ্চল সমূহত মলেৰিয়া এতিয়াও এক প্ৰত্যাহ্বান । ভাৰতৰ ৮০ শতাংশ মেলেৰিয়া আক্ৰমণেই উত্তৰ আৰু উত্তৰ-পূব অঞ্চলত দেখা যায় য'ত দেশৰ জনসংখ্যাৰ মাত্ৰ ২০ শতাংশহে বাস কৰে । যোৱা বছৰ ভাৰতত মেলেৰিয়াত হোৱা মৃত্যুৰ সংখ্যা আছিল ২৮৭ । 

সমগ্ৰ বিশ্বৰ বাবে মেলেৰিয়া এতিয়াও এক প্ৰত্যাহ্বান । ২০১৫ চনত ২১ কোটিতকৈও অধিক লোক মেলেৰিয়াত আক্ৰান্ত হোৱাৰ লগতে ৪ লাখ ৩৮ হাজাৰ লোকৰ মৃত্যু ঘটিছিল । ২০৩০ চনৰ ভিতৰত বিশ্বজুৰি মেলেৰিয়া নিৰ্মূলৰ লক্ষ্য লৈছে বিশ্ব স্বাস্থ্য সংস্থাই । 

মেলেৰিয়াৰ বিৰুদ্ধে শ্ৰীলংকাৰ যুঁজ আৰু ইয়াত জয়লাভ ভাৰতৰ বাবেও এক উদাহৰণ । সঠিক আঁচনি আৰু কৌশল প্ৰয়োগ কৰি মেলেৰিয়া নিৰ্মূলত ভাৰতে নিশ্চিতভাৱে শ্ৰীলংকাৰ উদাহৰণ ল'ব পাৰে ।

মূল- সৌৰভ ৰয়

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

আপুনি ভাল পাব পৰা অন্যান্য কাহিনী 

গাৱঁৰ নিৰক্ষৰ মহিলাই স্থাপন কৰা এটা কোটিটকীয়া কোম্পানী

নৱেম্বৰত উত্তৰ-পূব ষ্টাৰ্টআপ সমাৰোহ 'আপষ্টাৰ্ট' 

১০০ বছৰীয়া এথলীটে ভাৰতলৈ আনিলে স্বৰ্ণপদক

অবিবাহিত দম্পতিৰ বাবে অয়' ৰুমছৰ সেৱা

Add to
Shares
15
Comments
Share This
Add to
Shares
15
Comments
Share
Report an issue
Authors

Related Tags