EDITIONS
Asamiya

মহানগৰীত ৰেষ্টোৰাঁ আৰু গ্ৰাহকৰ মাজত যোগসূত্ৰ স্থাপন কৰিছে এটা এপভিত্তিক সেৱাই

Rhiddhis Chakravorty
27th Jun 2017
Add to
Shares
13
Comments
Share This
Add to
Shares
13
Comments
Share

দ্ৰুত গতিত সলনি হৈ আহিছে গুৱাহাটী মহানগৰীৰ জীৱনযাত্ৰা । নগৰীয়া জীৱনশৈলীয়ে সলনি কৰিছে মানুহৰ ৰূচি । এই পৰিৱৰ্তিত ৰূচি খাদ্য, সাজ-পাৰ সকলো ক্ষোত্তে দেখা গৈছে । ইয়াৰেই আলম লৈ গঢ়ি উঠিছে বিভিন্ন ধৰণৰ ৰেষ্টোৰাঁ কেফে আদি । এতিয়া মহানগৰবাসীয়ে ৰোষ্টোৰাঁ আদিত কেৱল ভোক গুচাবৰ বাবে নাখায় । খোৱাৰ লগত জড়িত থাকে নতুন কিবা এটা অনুভৱ কৰাৰ প্ৰৱণতা অথবা জীৱনশৈলীৰ প্ৰশ্নটোও । বিভিন্ন ধৰণৰ খাদ্যৰ সোৱাদ বিচৰা খাদ্যৰসিকসকল যেন ছচিয়েল মিডিয়াৰ একো একোজন খাদ্য বিশেষজ্ঞও যি নিজৰ অনুভৱ আৰু অভিজ্ঞতা ফটোসহ ছচিয়েল মিডিয়াত প্ৰকাশ কৰিবলৈ সদা প্ৰস্তুত ।

ট্ৰেফিকৰ সমস্যা, বৰযুণ অথবা কৃত্ৰিম বানপানীৰ ভয়ে জুৰুলা কৰি ৰখা মহানগৰবাসীৰ বাবে বহু সময়ত ঘৰৰপৰা বাহিৰলৈ ওলাই যোৱাটো এটা ডাঙৰ সমস্যা । এই সমস্যাৰ বাবেই বহু সময়ত বহুতেই একোখন ৰেষ্টোৰাঁৰ পৰা ঘৰত খাদ্য যোগানৰ সুবিধাটো বিচাৰে । কেতিয়াবা হঠাতে প্ৰয়োজন হোৱা খাদ্যৰ বাবেও বহুদূৰ ওলাই যোৱাটো অসুবিধাজনক । কিন্তু কৰ্মীৰ অভাৱৰ বাবে বেছিভাগ ৰেষ্টোৰাঁই সেই সুবিধা প্ৰদান কৰিব নোৱাৰে । 

image


এই সমস্যাটো সমাধান কেনেকৈ কৰিব পাৰি সেই প্ৰশ্নৰপৰাই আৰম্ভ হৈছিল পিক এণ্ড ডেল গুৱাহাটী ফুড ডেলিভাৰী নামৰ ষ্টাৰ্টআপটো । ই হৈছে এটা এপ নিৰ্ভৰ সেৱা যাৰ যোগেদি একোখন ৰেষ্টোৰাঁৰ খাদ্য ঘৰত পোৱাকৈ অৰ্ডাৰ কৰিব পাৰি । অৰ্থাৎ ৰেষ্টোৰাঁ আৰু গ্ৰাহকৰ মাজৰ যোগসূত্ৰ পিক এণ্ড ডেল ।

২০১৬ চনৰ মে মাহত স্থাপিত এই সেৱাৰ প্ৰতিষ্ঠাতা হৈছে ছফটৱেৰ মেনেজমেন্টৰ ক্ষেত্ৰত ৫ বছৰৰ অভিজ্ঞতাপুষ্ট বিভূজ্জল ৰাজ কাশ্যপ । আৰম্ভণীতে তিনিজন ডেলিভাৰী এক্সিকিউটিভৰ উপৰিও প্ৰয়োজন সাপেক্ষে বিভূজ্জল আৰু তেওঁৰ দুজন বন্ধুৱে নিজেও ডেলিভাৰীৰ কাম কৰিবলগীয়া হৈছিল । বৰ্তমান ১৪ জন লোকেৰে গঠিত পিক এণ্ড ডেলৰ ১১ জন হৈছে ডেলিভাৰী এক্সিকিউটিভ । দুপৰীয়া ১২ বজাৰপৰা নিশা ১১ বজালৈ সপ্তাহৰ সাত দিন সেৱা প্ৰদান কৰে পিক এণ্ড ডেলে । ইতিমধ্যে পিক এণ্ড ডেলৰ এপ ডাউনলোড ৫০০০ অতিক্ৰম কৰিছে । ৬০খনতকৈও অধিক ৰেষ্টোৰাঁ ইতিমধ্যে জড়িত হৈছে আৰু আগন্তুক দিনত এই সংখ্যা ১০০লৈ বৃদ্ধি কৰাৰ লগতে নিজৰ সেৱা সমগ্ৰ উত্তৰ পূবলৈ প্ৰসাৰ কৰাৰ লক্ষ্য আছে পিক এণ্ড ডেলৰ ।

"আমি আমাৰ সহযোগী ৰেষ্টোৰাঁসমূহত একোখন প'ষ্টাৰ লগোৱাৰ বাহিৰে বিশেষ মাৰ্কেটিং বা প্ৰচাৰ চলোৱা নাই । আমাৰ যি প্ৰসাৰ ঘটিছে সেয়া মূখে মূখে চলা প্ৰচাৰৰ বাবেই সম্ভৱ হৈছে । আমি আমাৰ গ্ৰাহকসকলৰ ওচৰত; বিশেষকৈ গুৱাহাটী চিকিৎসা মহাবিদ্যালয়ৰ ছাত্ৰ-ছাত্ৰীসকলৰ ওচৰত কৃতজ্ঞ ।" বিভূজ্জলে কয় ।

এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক

অন্যান্য কেতবোৰ কাহিনী

৬ বছৰীয়া মিনি ব্ৰুচ লী ৰিয়ুজি ইমা

১ টকা মূলধনেৰে আৰম্ভ হৈছিল অগৰৱাল পেকাৰ্ছ এণ্ড মুভাৰ্ছৰ ৪৫০ কোটি টকীয়া ব্যৱসায় 

পঢ়া-শুনা আৰু মডেলিঙত সমানে আগ ৰণুৱা মিছ ইণ্ডিয়া ৰাণাৰ্ছ আপ পঙ্খূৰি গিডৱানি

Add to
Shares
13
Comments
Share This
Add to
Shares
13
Comments
Share
Report an issue
Authors

Related Tags