দিল্লী আৰু কাষৰীয়া অঞ্চল সমূহৰ বস্তি অঞ্চলৰ শিশুৰ দ্বাৰা পৰিচালিত এখন বাতৰি কাকত হৈছে 'বালকনামা' । আঠ পৃষ্ঠাৰ এই কাকতখনত পথৰ শিশুৰ জীৱন, শিশু শ্ৰমিক, শিশুৰ ওপৰত যৌন শোষণ, আৰক্ষীৰ অাতিশ্য আদি বিষয়ৰ লগতে যোগাত্মক কাহিনীও প্ৰকাশ হয় ।
Image : Al Jazeera
"যদি কোনো বলীউড তাৰকাৰ কুকুৰ এটাই দুখ পালে সি ব্ৰেকিং নিউজ হয় আৰু সকলো বাতৰি কাকত আৰু চেনেলে তাক লৈ বাতৰি পৰিবেশন কৰে । কিন্তু যদি পথৰ শিশু এটা ৰেলৱে প্লেটফৰ্মত নিহত হয় অথবা দুৰ্ঘটনাত পতিত হয় তেনেহলে কোনেও গুৰুত্ব নিদিয়ে, " বালকনামাৰ সাংবাদিক বিকাশ কুমাৰে অল জজীৰাক এইদৰে কয় । বিকাশে এসময়ত আবৰ্জনা বুটলি জীৱিকা নিৰ্বহ কৰিছিল আৰু তেঁ আছিল নিচাসক্ত । কিন্তু তেওঁ এতিয়া এচা জীৱন বিচাৰি পাইছে ।
দিল্লীত বালকনামাৰ ১৪ জন সাংবাদিক আছে । ইয়াৰ উপৰিও উত্তৰ প্ৰদেশ, মধ্য প্ৰদেশ আৰু হাৰিয়ানাৰো সাংবাদিক আছে ।৫,৫০০ কপি প্ৰচলন থকা এই কাকতখন চেতনা নামৰ এটা স্বেচ্ছাসেৱী সংগঠনে প্ৰকাশ কৰে । অৱশ্যে বিজ্ঞাপন আৰু চৰকাৰী সহায়ৰ বাবে এতিয়াও যুঁজিবলগীয়া হৈছে ।
Image : Al Jazeera
এই কাকতখনৰ সম্পাদক হৈছে চান্দনী । এসময়ত তেওঁ পথত আৱৰ্জনা বুটলি আৰু নাচ-গন কৰি জীৱিকা নিৰ্বহ কৰিছিল । তেওং ইণ্ডিয়া টুডেক কয়, মই এই কাকতখনৰ সম্পাদনা কৰিবলৈ পাই গোৰৱান্বিত । শৈশৱ হেৰুউৱা, ভোকাতুৰ, ভিক্ষা মাগিবলৈ বাধ্য, শোষিত শিশুবোৰৰ বিষয়ে আমি লিখো আৰু তেওঁলোকৰ সমস্যাৰ ওপৰত আলোকপাত ।
এনেকুৱা আৰু কাহিনীৰ বাবে আমাৰ ফেচবুক পেজ লাইক কৰক
অন্যান্য কেতবোৰ কাহিনী
সামাজিক বাধা স্বত্বেও সাক্ষীয়ে ৰচিলে ইতিহাস
গুৱাহাটীৰ বজাৰত উবেৰৰ নতুন কৌশল
