સંપાદનો
Gujarati

IIM-Aના પૂર્વ વિદ્યાર્થીની અનોખી ‘જી-ઑટો’, માત્ર એક ફોન કે ક્લિક પર જ રિક્ષા હાજર!

3rd Feb 2016
Add to
Shares
5
Comments
Share This
Add to
Shares
5
Comments
Share

શેફાલી કે. કલેર

- અમદાવાદ IIMના પૂર્વ વિદ્યાર્થી નિર્મલનો ‘જી-ઑટો’ પ્રોજેક્ટ રિક્ષાચાલકો અને મુસાફરો બન્ને માટે ફાયદાકારક છે

- હિંમત હોય તો કંઈ પણ શક્ય છે, જી-ઑટોના ફાઉન્ડર નિર્મલકુમારે દિવ્યાંગતાને પોતાની તાકાત બનાવી લીધી.

21 હજાર રિક્ષાચાલકોને બતાવી નવી દિશા!

image


image


કહેવાય છે વ્યક્તિમાં હિંમત હોય તો ગમે તેટલો ઉંચો પર્વત પણ નાનો લાગે. પ્રતિભાની સાથે હિંમતનો સંગમ થાય તો સફળતા તમને મળે જ તેમાં કોઈ બેમત નથી. હિંમત, ઉત્સાહ અને ટેલેન્ટના અનેરા સંગમના ધની નિર્મલકુમારની વાર્તા પણ કંઇક એવી જ છે. આઇઆઇએમ અમદાવાદથી એમબીએ કરનાર નિર્મલકુમાર બિહારના સીવાનના રહેવાસી છે. નિર્મલ દિવ્યાંગ છે. જોકે તમામ પડકારો અને મુશ્કેલીઓને પરાસ્ત કરી નિર્મલે ગુજરાતમાં ‘નિર્મલ ફાઉન્ડેશન’ની સ્થાપના કરીને ‘જી-ઑટો’ની શરૂઆત કરી. જે નિર્મલની ઓળખ બની ગઇ. નિર્મલના આ ઉદ્યમને બિરદાવવા ગુજરાત સરકારે નાણાંકીય મદદ પણ કરી.

image


આ એવા ઉમદા અને અનોખા પ્રોજેક્ટની વાત છે જેના વિશે ગુજરાતના તત્કાલિન મુખ્યમંત્રી નરેન્દ્ર મોદીને માહિતી મળતાં પોતે નિર્મલની પ્રથમ ‘જી-ઑટો’ની ટેસ્ટ રાઇડ લેવા મણિનગરના કાંકરીયા ફૂટબોલ ગ્રાઉન્ડ પહોંચી ગયા હતાં. નિર્મલ કુમારનો ‘જી-ઑટો’નો કોન્સેપ્ટ જ એટલો ઉત્તમ છે કે એના વિશે જાણ્યા પછી કોઇ પણ વ્યક્તિ પ્રોજેક્ટના વખાણ કર્યા વગર રહી જ ના શકે. નિર્મલે ગુજરાતના અમદાવાદમાં વર્ષ 2009માં ‘જી-ઑટો’ની શરૂઆત કરી હતી. નિર્મલનું માનવું છે કે કોઇ પણ નવી સેવા કે વસ્તુની શોધ સમાજના મોટા વર્ગ પર પોતાની સારી અસર છોડે છે. વસ્તુની શોધ જેટલી સારી હશે એટલી વધુ સારી રીતે આપણી જરૂરીયાતો પણ સંતોષાશે.

image


આ સ્ટોરી પણ વાંચો:


એક સમયે અમદાવાદની ફૂટપાથ પર ગાંઠિયા વેચનાર આજે IIMના વિદ્યાર્થીઓને શીખવે છે મેનેજમેન્ટના પાઠ!


વિચાર કરો કે તમને ઓફિસ જવામાં મોડું થઇ રહ્યું છે, તમારી પાસે છાપું વાંચવાનો સમય પણ ન હોય કે ફોન પર વાત કરવાની પણ ફુરસત ન હોય ત્યારે ‘જી-ઑટો’ની સવારી તમારી સવારને ‘ગૂડ મોર્નિંગ’ બનાવી શકે છે. ‘જી-ઑટો’ પ્રોજેક્ટ શરૂ કરવા અંગેનું કારણ જણાવતાં નિર્મલ કહે છે,

“હું આઇઆઇએમના અભ્યાસક્રમના બીજા વર્ષમાં હતો ત્યારે એક રિક્ષાચાલક સાથે ભાડાની બાબતમાં મારી તકરાર થઇ ગઇ હતી. તેણે મારી સાથે ખરાબ વર્તન કર્યુ હતું. સામાન્યત: રિક્ષાચાલકો ગ્રાહકોની પરિસ્થિતિને સમજ્યા વગર અલગ અલગ ભાડાં વસૂલે. બીજી બાજુ રિક્ષાચાલકો માટે પણ કોઇ ખાસ સુવિધાઓ નથી હોતી. તેથી મેં એક એવો પ્રોજેક્ટ બન્યાવ્યો જેના થકી મુસાફરોને સારી સુવિધાઓ મળે અને રિક્ષાચાલકો પણ સન્માનીય જીવન વ્યતિત કરી શકે. રિક્ષા ચાલકો દ્વારા ગ્રાહકોની છેતરપિંડી ન થાય અને તેમને પોતાને પણ કોઇ પણ જાતના નુકસાન વગર યોગ્ય વળતર મળી રહે તે માટે રિક્ષામાં ખાસ પ્રકારની સિસ્ટમ ગોઠવવામાં આવી.”
image


યાત્રીઓ પાસેથી રિક્ષાચાલક વધારે પૈસા વસૂલ કરે અથવા કોઇ પણ પ્રકારનો અન્યાય થાય તો તેના માટે ગ્રાહક કોઇ પણ સમયે ફોનથી જાણ કરી શકે છે. ‘જી-ઑટો’નું પોતાનું કૉલ સેન્ટર છે. જ્યારે પણ કોઇ વ્યક્તિ ટોલ ફ્રી નંબર પર કૉલ કર ત્યારે રજિસ્ટર્ડ રિક્ષાચાલકોના લોકેશન તપાસી જે રિક્ષા પેસેન્જરના લોકેશનથી સૌથી નજીક હોય તે રિક્ષા ચાલકનું નામ, મોબાઇલ નંબર અને રિક્ષાના નંબર સહિતની માહિતી પેસેન્જરને એસએમએસ સ્વરૂપે મોકલી દેવાય છે. માત્ર યાત્રીઓની જ નહીં ‘જી-ઑટો’માં રિક્ષાચાલકોની સવલતોને ધ્યાનમાં રાખવામાં આવે છે. રિક્ષા ડ્રાઇવરોને નિ:શુલ્ક કેશલેસ મેડિકલ અને લાઇફ ઇન્શ્યોરન્સની પોલિસી આપવામાં આવે છે. એટલું જ નહીં, રિક્ષાચાલકોને પેન્શન પ્લાન પણ મળે છે.

image


‘જી-ઑટો’ દિલ્હી વાયા અમદાવાદ, રાજસ્થાન...

નિર્મલ ફાઉન્ડેશન ગુજરાતમાં એક જાણીતું નામ બની ગયુ છે. નિર્મલ આ ઉદ્યમના સી.ઇ.ઓ છે. આજે અમદાવાદ, ગાંધીનગર, સુરત, બરોડા અને રાજકોટમાં ‘જી-ઑટો’ કાર્યરત છે. ‘જી-ઑટો’નું સ્લોગન છે એની ટાઇમ રિક્ષા. તમે ઘરે બેઠા કોઇ પણ સમયે ઑટો રિક્ષા મંગાવી કે બુક કરાવી શકો છો. ‘જી-ઑટો’માં નિયમ પ્રમાણે ભાડાં, આરામદાયક મુસાફરી અને સુરક્ષાની ગેરેન્ટી છે. હવે ‘જી-ઑટો’ દિલ્હી અને ગુડગાવમાં પણ શરૂ થઇ ગઈ છે. આખા દેશમાં ‘જી-ઑટો’ સાથે 21000થી વધુ રિક્ષા ચાલકો જોડાયેલા છે.

એની ટાઇમ રિક્ષામાં મુસાફરોને મળતી સુવિધાઓ

‘જી-ઑટો’માં નિર્મલ કુમારે મુસાફરોની નાની નાની જરૂરીયાતોને પ્રાધાન્ય આવ્યુ છે, ‘જી-ઑટો’માં જોડાતા દરેકે દરેક રિક્ષા ડ્રાઇવરને યોગ્ય ટ્રેઈનિંગ આપવામાં આવે છે. ગ્રાહકો સાથે વાત કરવાની યોગ્ય રીત શીખવાડવામાં આવે છે. મુસાફરો 24 ક્લાકમાંથી ગમે ત્યારે ‘જી-ઑટો’ બુક કરાવી શકે છે. રિક્ષામાં સમય પસાર કરવા માટે અખબાર અને પત્રિકાઓ મૂકવામાં આવે છે. ઑટોમાં જે તે શહેરનો વિગતવાર નક્શો પણ રાખવામાં આવે છે. મુસાફરોને ભાડાંનું બિલ પણ આપવામાં આવે છે. અમદાવાદ એરપોર્ટ પર પણ ‘જી-ઑટો’ ઉપલબ્ધ છે. જી-ઑટોના દરેક ડ્રાઇવરને યુનિફોર્મ પણ આપવામાં આવે છે.

image


શહેરી ટ્રાન્સપોર્ટેશનનો ઉત્તમ નમૂનો

આજે ‘જી-ઑટો’ ધીમે ધીમે સમગ્ર દેશમાં ફેલાઈ રહી છે. ‘જી-ઑટો’ને શહેરી ટ્રાન્સ્પોર્ટેશનના એક ઉત્તમ ઉદાહરણ તરીકે જોવામાં આવે છે, નિર્મલકુમારનો ‘જી-ઑટો’ પ્રોજેક્ટ આજે દાખલારૂપ બની ગયો છે, ફક્ત ભારતમાં જ નહીં, વિદેશોમાં પણ નિર્મલ કુમારને ‘જી-ઑટો’ પ્રોજેક્ટ સમજાવવા માટે આમંત્રિત કરવામાં આવે છે. નિર્મલે પોતાની દિવ્યાંગતાને બાધારૂપ ન માનીને મક્કમતાપણે જીવનની મુશ્કેલીઓનો મુકાબલો કર્યો અને હજારો પરિવારોના જીવનમાં સકારાત્મક ઊર્જા ભરી દીધી.

વેબસાઈટ

ફેસબુક પેજ

image



આ પ્રકારની અન્ય પ્રેરણાત્મક સ્ટોરીઝ વાંચવા અમારા Facebook Page ને લાઈક કરો


હવે વાંચો આ સંબંધિત સ્ટોરીઝ:


ન બોલી શકે છે, ન સાંભળી શકે છે છતાં કરે છે કરોડોનું ટર્નઓવર!

જરૂરિયાતમંદ બાળકોને શિક્ષણ, સુવિધાઓ પૂરી પાડવા આ યુવાનો ચલાવે છે IIM-A રોડ પર 'ફૂડ કોર્ટ'

ડાન્સ કરીને પણ કેવી રીતે કરી શકાય સમાજસેવા? જણાવે છે અમદાવાદની આ યુવતીઓ!

Add to
Shares
5
Comments
Share This
Add to
Shares
5
Comments
Share
Report an issue
Authors

Related Tags