ಜೋಧ್ಪುರದ ಉದ್ಯಮಕ್ಕೆ ಫೇಸ್ಬುಕ್ ಟಚ್- ಸಣ್ಣ ಉದ್ಯಮದಲ್ಲಿ ಸಾಮಾಜಿಕ ತಾಣದ ಮ್ಯಾಜಿಕ್
ಟೀಮ್ ವೈ.ಎಸ್. ಕನ್ನಡ
ಸಾಮಾಜಿಕ ಜಾಲತಾಣ ಫೇಸ್ಬುಕ್ ಬಗ್ಗೆ ಎಲ್ಲರಿಗೂ ಗೊತ್ತಿದೆ. ಫೇಸ್ಬುಕ್ಗೆ ಎಂಟ್ರಿ ಆಗದೆ ಕೆಲವರ ದಿನವೇ ಆರಂಭವಾಗುವುದಿಲ್ಲ. ಆದ್ರೆ ಫೇಸ್ಬುಕ್ನಿಂದ ಲಾಭ ಏನು ಅಂತ ಕೇಳುವವರಿಗೆ ಉತ್ತರವೊಂದು ಸಿಗಲಿದೆ. ಜೋಧಪುರದ ಕರಕುಶಲ ಉದ್ಯಮಿಗಳಿಗೆ ಸಹಾಯಹಸ್ತ ಚಾಚಿದೆ.
ಜೋಧಪುರದ ಕರಕುಶಲಕರ್ಮಿಗಳಿಗೆ ಫೇಸ್ಬುಕ್ ಟೀಮ್ ಹಲವು ವಿಷಯಗಳಲ್ಲಿ ಸಹಾಯಹಸ್ತ ನೀಡಿಲಿದೆ. ಆಮದು ಮತ್ತು ರಫ್ತು ವಿಷಯಗಳ ಬಗ್ಗೆ ಫೇಸ್ಬುಕ್ ತಂಡ ತಿಳಿಹೇಳಲಿದೆ. ಅಷ್ಟೇ ಅಲ್ಲ ಫೇಸ್ಬುಕ್ ತಂಡ ಜೋಧಪುರದ ಕರಕುಶಲ ಉದ್ಯಮಿಗಳಿಗೆ ಸೆಮಿನಾರ್ ಮೂಲಕ ಉದ್ಯಮಕ್ಕೆ ಬೇಕಾದ ಮತ್ತು ಅದನ್ನು ವಿಸ್ತರಿಸುವ ಬಗ್ಗೆ ವಿವರಣೆಯನ್ನು ನೀಡಲಿದೆ.
ಇದನ್ನು ಓದಿ: ಆಟ, ನಟನೆ ಎಲ್ಲದಕ್ಕೂ ಸೈ- ನಿವೃತ್ತಿ ನಂತರ ಬ್ಯುಸಿನೆಸ್ಗೂ ಜೈ..!
ಫೇಸ್ಬುಕ್ ತಂಡ ಈಗಾಗಲೇ ರಾಜಸ್ಥಾನ ಸರ್ಕಾರ ಜೊತೆಗೆ ಈ ಬಗ್ಗೆ ಮಾತುಕತೆಯನ್ನು ಕೂಡ ಯಶಸ್ವಿಯಾಗಿ ನಡೆಸಿದೆ. ಜೋಧಪುರದ ಕರಕುಶಲಕರ್ಮಿಗಳು ತಯಾರಿಸುವ ವಸ್ತುಗಳನ್ನು ಫೇಸ್ಬುಕ್ ಪೇಜ್ ಮೂಲಕ ಪ್ರೊಮೋಟ್ ಮಾಡಲು ಕೂಡ ಪ್ಲಾನ್ ಮಾಡ್ಕೊಂಡಿದೆ. ಈ ಮೂಲಕ ಅತೀ ಹೆಚ್ಚು ಜನರನ್ನು ಆಕರ್ಷಿಸುವ ಬಗ್ಗೆ ಯೋಜನೆಗಳು ನಡೆಯುತ್ತಿದೆ.
“ ಇಂತಹ ಕರಕುಶಲ ಕರ್ಮಿಗಳು, ರಫ್ತು ಮಾಡುವವ ವರ್ತಕರಿಂದ ಆರ್ಡರ್ಗಳನ್ನು ಪಡೆಯುತ್ತಾರೆ. ಕಷ್ಟಪಟ್ಟು ಬೆವರು ಸುರಿಸಿ ವಸ್ತುಗಳನ್ನು ತಯಾರಿಸುತ್ತಾರೆ. ಆದ್ರೆ ಲಾಭದ ಹೆಚ್ಚಿನ ಅಂಶ ಮಧ್ಯವರ್ತಿಗಳಿಗೆ ಹೋಗುತ್ತದೆ. ಆರ್ಥಿಕ ಮುಗ್ಗಟ್ಟು ಮತ್ತು ಮಾರುಕಟ್ಟೆ ಬಗ್ಗೆ ಇರುವ ಕಡಿಮೆ ಜ್ಞಾನ ಈ ಕರಕುಶಲಕರ್ಮಿಗಳಿಗೆ ಸಾಕಷ್ಟು ಹಿನ್ನಡೆಯನ್ನು ಉಂಟುಮಾಡಿವೆ.”
- ವೈ.ಎಸ್. ಮಾಥುರ್, ಜಿ.ಎಂ. ಡಿಸ್ಟ್ರಿಕ್ಟ್ ಇಂಡಸ್ಟ್ರೀಸ್ ಸೆಂಟರ್
ರಾಜಸ್ಥಾನದ ಕರಕುಶಲ ವೈವಿಧ್ಯತೆ ಜೈಪುರ, ಜೋಧ್ಪುರ ಮತ್ತು ಉದಯ್ಪುರಗಳಲ್ಲಿ ವಸ್ತುಸಂಗ್ರಹಾಲಯದಲ್ಲಿ ಕಣ್ಣಿಗೆ ಕಳೆಕಟ್ಟುತ್ತವೆ. ಸ್ಥಳೀಯ ಕರಕುಶಲ ಕರ್ಮಿಗಳು ರಾಜಸ್ಥಾನದ ಸಂಸ್ಕೃತಿ ಮತ್ತು ರಾಜವೈಭವವನ್ನು ತಮ್ಮ ಕಲೆಗಳ ಮೂಲಕ ಪ್ರಸ್ತುತ ಪಡಿಸುತ್ತಿದ್ದಾರೆ. ಅಷ್ಟೇ ಅಲ್ಲ ಈ ಕಲೆಗಳಲ್ಲಿ ಸಾಮಾಜಿಕ ಮತ್ತು ಆರ್ಥಿಕ ವರ್ಚಸ್ಸುಗಳು ಕೂಡ ಕಾಣಸಿಗುತ್ತದೆ.
ಜೋಧಪುರದ ಕರಕುಶಲ ಉದ್ಯಮ ವಾರ್ಷಿಕವಾಗಿ 1700 ಕೋಟಿ ರೂಪಾಯಿಗಳ ವಹಿವಾಟನ್ನು ಹೊಂದಿದೆ. ಸುಮಾರು 400 ಸಣ್ಣ ಮತ್ತು ಮಧ್ಯಮ ಕೈಗಾಗಾರಿಕೆಗಳು ಮರ, ಟೆಕ್ಸ್ಟೈಲ್, ಕಲ್ಲು ಮತ್ತು ಮೆಟಲ್ಗಳಿಂದ ಹಲವು ಉತ್ಪನ್ನಗಳನ್ನು ಮಾರುತ್ತಿವೆ. ಆದ್ರೆ ಇವೆಲ್ಲವೂ ನೇರವಾಗಿ ಕರಕುಶಲ ಕರ್ಮಿಗಳ ಕೈ ಸೇರದೆ ಮಧ್ಯವರ್ತಿಗಳ ಮೂಲಕ ವಹಿವಾಟು ನಡೆಯುತ್ತಿದೆ. ಈಗ ಫೇಸ್ಬುಕ್ ಎಂಟ್ರಿ ಜೋಧಪುರದ ಸಂಸ್ಕೃತಿಗೆ ಹೊಸ ಟಚ್ ನೀಡಲಿದೆ.
1. ಬಣ್ಣಗಳ ಅರಿವಿಲ್ಲದಿದ್ದರೂ ಪೈಂಟಿಂಗ್ ಮಾಡ್ತಾರೆ- ದೃಷ್ಟಿ ವಿಕಲ ಚೇತನರಾಗಿದ್ರೂ ಬದುಕಿನ ಆಸೆ ಬಿಟ್ಟಿಲ್ಲ..!
2. 15,000 ಯುವ ನಿರುದ್ಯೋಗಿಗಳಿಗೆ ಬದುಕು ಕಟ್ಟಿಕೊಟ್ಟ ಉದ್ಯಮಿ..
3. ಬೆಂಗಳೂರಿನ ಅಭಿವೃದ್ಧಿ ಬಗ್ಗೆ ಹೊಸ ಕನಸು- ಬಜೆಟ್ನಲ್ಲಿ ನಿಮ್ಮ ಐಡಿಯಾಗಳಿಗೂ ಇದೆ ಬೆಲೆ
