ಆವೃತ್ತಿಗಳು
Kannada

ಭಾರತದ ರಸ್ತೆಗಳಿಗೆ ಹೊಸ ಪ್ಲಾನ್- ರಿಪೇರಿ ಇಲ್ಲದ ರೋಡ್​ಗಳಿಗೆ ಬ್ಲೂ ಪ್ರಿಂಟ್​

ಟೀಮ್​ ವೈ.ಎಸ್​. ಕನ್ನಡ

YourStory Kannada
14th Oct 2016
10+ Shares
  • Share Icon
  • Facebook Icon
  • Twitter Icon
  • LinkedIn Icon
  • Reddit Icon
  • WhatsApp Icon
Share on

ಯಾವುದೇ ಕಡೆ ಹೋದರೂ ಭಾರತದಲ್ಲಿನ ರಸ್ತೆಗಳ ಬಗ್ಗೆ ಎಲ್ಲರೂ ಮಾತನಾಡುತ್ತಾರೆ. ಕೆಟ್ಟ ರಸ್ತೆಗಳು ಪ್ರಯಾಣಿಕರ ಪ್ರಾಣ ಹಿಂಡುತ್ತಿವೆ. ಕೆಟ್ಟ ರಸ್ತೆಗಳು ಎಲ್ಲಾ ಅಭಿವೃದ್ಧಿಗಳನ್ನು ಒಂದೇ ಏಟಿನಲ್ಲಿ ಹುರಿದು ಮುಕ್ಕುತ್ತವೆ. ಆದ್ರೆ ರಸ್ತೆಗಳ ಅಭಿವೃದ್ಧಿಗೆ ಹೊಸ ಐಡಿಯಾ ಒಂದು ಸಿಕ್ಕಿದೆ.

ನೆಮ್​ಕುಮಾರ್ ಬಂಟಿಯಾ, ಕೆನಡಾದಲ್ಲಿ ವಾಸಿಸುತ್ತಿರುವ ಭಾರತೀಯ ಮೂಲದ ಪ್ರೊಫೆಸರ್. ಆದ್ರೆ ಈ ನೆಮ್​ಕುಮಾರ್​ಗೆ ಭಾರತದ ರಸ್ತೆಗಳನ್ನು ರಿಪೇರಿ ಮಾಡುವ ಕನಸಿತ್ತು. ಇದಕ್ಕಾಗಿ ಇವರು ಕಂಡು ಹಿಡಿದಿದ್ದು ಹೊಸ ತಂತ್ರಜ್ಞಾನ. ನೇಮ್​ಕುಮಾರ್ ತಂತ್ರಜ್ಞಾನದ ಪ್ರಕಾರ ನಿರ್ಮಾಣವಾದ ರಸ್ತೆಗಳು ಕೆಟ್ಟು ಹೋದ್ರೆ ಅವು ತನ್ನಿಂದ ತಾನೇ ರಿಪೇರಿ ಆಗುತ್ತವೆ. ಈ ತಂತ್ರಜ್ಞಾನದ ಪ್ರಕಾರ ನಿರ್ಮಾಣವಾಗುವ ರಸ್ತೆಗಳ ವೆಚ್ಚ ಕಡಿಮೆ ಇದ್ದು, ಬಾಳ್ವಿಕೆ ಹೆಚ್ಚಾಗಿರುತ್ತದೆ. ಅಷ್ಟೇ ಅಲ್ಲ ಇವುಗಳು ಪರಿಸರ ಸ್ನೇಹಿ ರಸ್ತೆಗಳಾಗಿರುತ್ತವೆ.

image


ಫ್ರೊಫೆಸರ್ ನೆಮ್​ಕುಮಾರ್ 34 ವರ್ಷಗಳ ಹಿಂದೆ ದೆಹಲಿಯ ಐಐಟಿಯಲ್ಲಿ ಪದವಿ ಪಡೆದು ಕೆನಾಡದಲ್ಲಿ ವೃತ್ತಿ ಆರಂಭಿಸಿದ್ದರು. ಸದ್ಯ ನೆಮ್​ಕುಮಾರ್ ವ್ಯಾಂಕೋವರ್​ನಲ್ಲಿರುವ ಯೂನಿವರ್ಸಿಟಿ ಆಫ್ ಬ್ರಿಟಿಷ್ ಕೊಲಂಬಿಯಾದ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದಾರೆ. 2014ರಿಂದ ನೆಮ್​ಕುಮಾರ್ ಮತ್ತು ಅವರ ತಂಡ ರಸ್ತೆಗಳ ಬಗೆಗಿನ ತಂತ್ರಜ್ಞಾನವನ್ನು ಪರೀಕ್ಷೆ ಮಾಡಲು ಬೆಂಗಳೂರಿನಿಂದ 90 ಕಿಲೋಮೀಟರ್ ದೂರದಲ್ಲಿರುವ ತೊಂಡೆಬಾವಿಯಲ್ಲಿ ಭಾರೀ ಪ್ರಯತ್ನ ಮಾಡುತ್ತಿದೆ.

ಇದನ್ನು ಓದಿ: "ಧ್ರುವ"ತಾರೆ ಬಗ್ಗೆ ನಿಮಗೆಷ್ಟು ಗೊತ್ತು..?

ನೆಮ್​ಕುಮಾರ್ ತಂತ್ರಜ್ಞಾನದ ಪ್ರಕಾರ ನಿರ್ಮಾಣಗೊಂಡ ರಸ್ತೆಗಳು ಮಾಮೂಲಿ ರಸ್ತೆಗಿಂತ ಶೆಕಡಾ 60ರಷ್ಟು ಪ್ರತಿಶತ ತೆಳ್ಳಗಿರುತ್ತದೆ. ಹೀಗಾಗಿ ಖರ್ಚುಗಳು ಕೂಡ ಕಡಿಮೆ ಇರುತ್ತದೆ. ನೆಮ್​ಕುಮಾರ್ ತಂತ್ರಜ್ಞಾನದ ಪ್ರಕಾರ ನಿರ್ಮಾಣಗೊಳ್ಳುವ ಬಹುತೇಕ ರಸ್ತೆಗಳು ಸಿಮೆಂಟ್ ರಸ್ತೆಗಳೇ ಆಗಿದ್ದರು, ಅದ್ರಲ್ಲಿ ಫ್ಲಾಶ್ ಮತ್ತು ಕಾರ್ಬನ್ ಅಂಶಗಳು ಹೆಚ್ಚಾಗಿರುತ್ತವೆ. ಹೀಗಾಗಿ ಈ ರಸ್ತೆಗಳು ಮಾಮೂಲಿ ರಸ್ತೆಗಳಿಗಿಂತ ವಿಭಿನ್ನವಾಗಿದೆ.

“ ಈ ರಸ್ತೆಗಳು ಫೈಬರ್ ಮತ್ತು ಹೈಡ್ರೋಫಿಲಿಕ್​ನ ನ್ಯಾನೋ ಕೋಟಿಂಗ್​ ಹೊಂದಿರಲಿವೆ. ಹೈಡ್ರೋಫಿಲಿಯಾ ನೀರನ್ನು ಹಿಡಿದಿಟ್ಟುಕೊಳ್ಳುತ್ತದೆ. ಇದು ರಸ್ತೆ ಬಿರುಕುಗಳನ್ನು ಒಂದುಗೂಡಿಸಲು ಸಹಾಯ ಮಾಡುತ್ತದೆ. ಈ ಕೆಮಿಕಲ್ ರಿಯಾಕ್ಷನ್ ರಸ್ತೆಗಳು ಗುಂಡಿ ಬೀಳುವುದನ್ನು ಮತ್ತು ಬಿರುಕು ಬಿಡುವುದನ್ನು ತಡೆಯಲು ನೆರವಾಗುತ್ತದೆ. ಈ ಮೂಲಕ ರಸ್ತೆಗಳು ಕೆಟ್ಟು ಹೋಗುವುದು ಕಡಿಮೆ ಆಗುತ್ತದೆ. ”

ಇವೆಲ್ಲದಕ್ಕಿಂತ ಹೆಚ್ಚಾಗಿ ಇದು ಕಾಸ್ಟ್ ಕಟ್ಟಿಂಗ್​​ಗೂ ನೆರವು ನೀಡಲಿದೆ. ಈ ಪ್ರಕ್ರಿಯೆ ಮೂಲಕ ನಿರ್ಮಾಣವಾಗುವ ರಸ್ತೆಗಳು ಕಡಿಮೆ ವೆಚ್ಚದಿಂದ ಕೂಡಿರಲಿದ್ದು, ಕನಿಷ್ಠ 15 ವರ್ಷಗಳ ಕಾಲ ಬಾಳಿಕೆ ಬರಲಿದೆ. ನೆಮ್​ಕುಮಾರ್ ಅವರ ಪ್ರಾಜೆಕ್ಟ್ ಯಶಸ್ಸು ಕಂಡ್ರೆ ಭಾರತದ ರಸ್ತೆಗಳಿಗೆ ಹೊಸ ರೂಪ ಸಿಗಲಿದೆ. ಈಗಾಗಲೇ ನೆಮ್​ಕುಮಾರ್ ಮಾದರಿ ರಸ್ತೆಗಳ ಬಗ್ಗೆ ಕರ್ನಾಟಕ ಸರಕಾರ ಸೇರಿದಂತೆ, ಹರ್ಯಾಣ ಮತ್ತು ಮದ್ಯಪ್ರದೇಶ ಸರಕಾರಗಳು ಆಸಕ್ತಿ ತೋರಿವೆ. ಒಟ್ಟಿನಲ್ಲಿ ಭಾರತದ ರಸ್ತೆಗಳ ಬಗ್ಗೆ ಕೆಟ್ಟದಾಗಿ ಮಾತನಾಡುವವರು ಇನ್ನು ಕೆಲವೇ ದಿನಗಳಲ್ಲಿ ನಮ್ಮ ದೇಶದ ರಸ್ತೆಗಳನ್ನು ಹಾಡಿ ಹೊಗಳುವುದು ಗ್ಯಾರೆಂಟಿ.

ಇದನ್ನು ಓದಿ:

1. "ಹೆಮ್ಮೆಯ ಕನ್ನಡಿಗ"ರು ಇಂದು ಎಂದು ಎಂದೆಂದೂ- ಎಲ್ಲೆಡೆ ಪಸರಿಸಲಿ ಕನ್ನಡ ನುಡಿ

2. ಆನ್​ಲೈನ್​ನಲ್ಲಿ ಕನ್ನಡ ಅಭಿವೃದ್ಧಿಗಾಗಿ ಪಣ ತೊಟ್ಟ ಟೆಕ್ಕಿಗಳು

3. ಸ್ಟಾರ್​ಗಳಿಗೆ ಲುಕ್​ ಕೊಡುವ ಗಟ್ಟಿಗಿತ್ತಿ- ಪಾತರಗಿತ್ತಿಗೂ ಬಣ್ಣ ಹಚ್ಚೋ ಪವಿತ್ರರೆಡ್ಡಿ

10+ Shares
  • Share Icon
  • Facebook Icon
  • Twitter Icon
  • LinkedIn Icon
  • Reddit Icon
  • WhatsApp Icon
Share on
Report an issue
Authors

Related Tags