ಜನರಲ್ಲಿ ಕೋವಿಡ್-19 ಕುರಿತು ಜಾಗೃತಿಯನ್ನು ಮೂಡಿಸುತ್ತಿವೆ ಕೇರಳದ ಈ ರೋಬೋಟ್‌ಗಳು

ಕರೋನವೈರಸ್ ಭಯ ರಾಜ್ಯಗಳಲ್ಲಿ ಹರಡುತ್ತಿದೆ ಮತ್ತು ಜನರು ಈಗ ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳಲು ಪ್ರಾರಂಭಿಸಿದ್ದಾರೆ. ಆದರೆ, ಜನರು ಮಾಸ್ಕ್‌ಗಳನ್ನು ಏಕೆ ಧರಿಸುತ್ತಾರೆ ಎಂಬುದು ಇನ್ನೂ ಹಲವಾರು ಜನರಿಗೆ ತಿಳಿದಿಲ್ಲ. ಎಲ್ಲರೂ ಧರಿಸಿದ್ಸಾರೆಂದು ಮಾಸ್ಕ್‌ ಹಾಕಿದರೆ ಅದರ ಜೊತೆಗಿರುವ ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ.

ಮಾಸ್ಕ್ ರಕ್ಷಣೆಯನ್ನು ಒದಗಿಸುತ್ತವೆಯಾದರೂ, ಮೂಲಭೂತ ನೈರ್ಮಲ್ಯ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳದಿದ್ದರೆ, ಅವುಗಳನ್ನು ಧರಿಸುವುದು ವ್ಯರ್ಥವಾಗುತ್ತದೆ. ಮತ್ತು ಕರೋನವೈರಸ್‌ ನ ಆರಂಭಿಕ ಪ್ರಕರಣಗಳು ಪತ್ತೆಯಾದ ಕೇರಳವು ಸಮಾಜವನ್ನು ಜಾಗೃತರನ್ನಾಗಿ ಮಾಡುವಲ್ಲಿ ನಿರತವಾಗಿದೆ.

ಕೇರಳ ಸ್ಟಾರ್ಟ್ಅಪ್ ಮಿಷನ್ (ಕೆಎಸ್‌ಯುಎಂ) ಎಂಬ ರಾಜ್ಯ ಸರ್ಕಾರಿ ಸಂಸ್ಥೆ ಸಾಂಕ್ರಾಮಿಕ ರೋಗದ ಬಗ್ಗೆ ಜಾಗೃತಿ ಮೂಡಿಸಲು ಮುಂದಾಗಿದೆ. ಕೇರಳ ಮೂಲದ ಸ್ಟಾರ್ಟ್ಅಪ್ ಅಸಿಮೊವ್ ರೊಬೊಟಿಕ್ಸ್ ಭೀತಿಯನ್ನು ಎದುರಿಸಲು ಎರಡು ರೋಬೋಟ್‌ಗಳನ್ನು ರಚಿಸಿದೆ.

ರೋಬೋಟ್‌ಗಳಲ್ಲಿ ಒಂದು ಮಾಸ್ಕ್, ಕರವಸ್ತ್ರಗಳು ಮತ್ತು ಸ್ಯಾನಿಟೈಸರ್‌ಗಳನ್ನು ವಿತರಿಸುತ್ತದೆ, ಆದರೆ ಇನ್ನೊಂದು ಪ್ರದರ್ಶನ ಪರದೆಯನ್ನು ಹೊಂದಿದ್ದು ಅದು ಕೋವಿಡ್-19 ಹರಡುವುದನ್ನು ತಡೆಗಟ್ಟುವ ವಿಶ್ವ ಆರೋಗ್ಯ ಸಂಸ್ಥೆಯ ಅಭಿಯಾನವನ್ನು ತೋರಿಸುತ್ತದೆ.

ಈ ರೋಬೋಟ್‌ಗಳನ್ನು ಸಾರ್ವಜನಿಕ ಸ್ಥಳಗಳಲ್ಲಿ ಇರಿಸಲಾಗುವುದು, ಅಲ್ಲಿ ಅವರು ಜನರನ್ನು ಸಂಪರ್ಕಿಸಬಹುದು ಮತ್ತು ಸಂದೇಶವನ್ನು ಹರಡಲು ಸಹಾಯ ಮಾಡುತ್ತಾರೆ. ರೋಬೋಟ್‌ಗಳು ಬಾಗಿಲುಗಳನ್ನು ಸ್ವಚ್ಛ್ ಗೊಳಿಸುವುದು ಮತ್ತು ಕರೋನವೈರಸ್‌ಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಉತ್ತರಿಸುವಂತಹ ಇತರ ಕಾರ್ಯಗಳನ್ನು ಸಹ ಮಾಡುತ್ತವೆ.

ಇಂಡಿಯಾ ಟುಡೆ ಪ್ರಕಾರ, ಕೆಎಸ್‌ಯುಎಂನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಸಾಜಿ ಗೋಪಿನಾಥ್, “ವಿಮಾನ ನಿಲ್ದಾಣಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಇಂತಹ ರೋಬೋಟ್‌ಗಳನ್ನು ಸ್ಥಾಪಿಸುವ ಬಗ್ಗೆ ಸಂಸ್ಥೆ ಮುಂದಾಗಿದೆ. ಕೆಎಸ್‌ಯುಎಂನಲ್ಲಿ ಎಲ್ಲಾ ಸ್ಟಾರ್ಟ್‌ಅಪ್‌ಗಳಿಗೆ ಕರೋನವೈರಸ್ ಸಂದರ್ಭದಲ್ಲಿ ಆರೋಗ್ಯ ಮಾರ್ಗಸೂಚಿಗಳನ್ನು ನೀಡಲಾಗುತ್ತಿದೆ," ಎಂದು ಅವರು ಹೇಳಿದರು.

ಅಸಿಮೊವ್ ರೊಬೊಟಿಕ್ಸ್‌ನ ಸ್ಥಾಪಕ ಮತ್ತು ಸಿಇಒ ಜಯಕೃಷ್ಣನ್ ಟಿ, ಎಎನ್ಐ ಜೊತೆ ಮಾತನಾಡುತ್ತಾ,

"ರೋಬೋಟ್‌ಗಳು ಸುಲಭವಾಗಿ ಗುಂಪನ್ನು ಆಕರ್ಷಿಸುತ್ತವೆ, ಆದ್ದರಿಂದ ನಾವು ನಮ್ಮ ಸಂದೇಶವನ್ನು ಪರಿಣಾಮಕಾರಿಯಾಗಿ ಹರಡಬಹುದು. ಅವರು ಹ್ಯಾಂಡ್ ಸ್ಯಾನಿಟೈಜರ್‌ಗಳು, ಮುಖವಾಡಗಳು ಮತ್ತು ಸಾಂಕ್ರಾಮಿಕ ರೋಗದ ಬಗ್ಗೆ ಮಾಹಿತಿಯನ್ನು ಹಂಚಿಕೊಳ್ಳುತ್ತಿದ್ದಾರೆ," ಎಂದು ಹೇಳಿದರು.

ತಿರುವನಂತಪುರಂ ಸಂಸತ್ ಸದಸ್ಯ ಶಶಿ ತರೂರ್ ಅವರು ರೋಬೋಟ್‌ಗಳ ವಿಡೀಯೊದೊಂದಿಗೆ ಈ ಉಪಕ್ರಮದ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ಒಂದು ರೋಬೋಟ್‌ಗಳಲ್ಲಿ ಒಂದು ಮುಖವಾಡಗಳು ಮತ್ತು ಸ್ಯಾನಿಟೈಸರ್ಗಳೊಂದಿಗೆ ಗುಂಪನ್ನು ಸಮೀಪಿಸುತ್ತಿರುವುದನ್ನು ವೀಡಿಯೊ ತೋರಿಸಿದೆ, ಮತ್ತು ಇತರ ರೋಬೋಟ್ ಪ್ರಶ್ನೆಗಳಿಗೆ ಉತ್ತರಿಸುತ್ತಿರುವುದು ಕಂಡುಬರುತ್ತದೆ.

ಕೋವಿಡ್-19 ಹರಡುವುದನ್ನು ತಪ್ಪಿಸಲು ಸಾರ್ವಜನಿಕರು ಸಾಮಾಜಿಕವಾಗಿ ದೂರವಾಗುತ್ತಿರುವ ಸಮಯದಲ್ಲಿ ಜನಸಾಮಾನ್ಯರಿಗೆ ಸಹಾಯ ಮಾಡುವಂತಹ ಹೊಸ ಆವಿಷ್ಕಾರಗಳು ಬರುತ್ತಿರುವುದು ಆಶಾದಾಯಕ.