EDITIONS
Odia

କେଲି-କାନନଙ୍କ ‘ଲ'ଟୁନ୍ସ’ ବ୍ୟଙ୍ଗ ମାଧ୍ୟମରେ ଶିଶୁଙ୍କ ପାଇଁ ଆଇନ ଶିକ୍ଷା

13th Nov 2015
Add to
Shares
12
Comments
Share This
Add to
Shares
12
Comments
Share

ଭାରତର ଆଇନ ବ୍ୟବସ୍ଥାରେ ଉନ୍ନତି ପାଇଁ ଦୁଇ ଆଇନଜୀବୀ ଭଉଣୀ କାନନ୍ ଧରୁ ଓ କେଲି ଧରୁ ଯେତେବେଳେ ଉଦ୍ୟମ ଆରମ୍ଭ କରନ୍ତି, ତାଙ୍କ ପାଇଁ ସବୁଠୁ ବଡ଼ ପରିତାପର ବିଷୟ ଥିଲା ଯେ ଦେଶରେ ପାରିତ ଆଇନଗୁଡ଼ିକ ବାବଦରେ ଆମର ନାଗରିକମାନେ ପ୍ରାୟ ଅଜ୍ଞ । ଏବଂ ନାଗରିକମାନେ ବ୍ୟବସ୍ଥା ଠାରୁ ବି ବିଚ୍ଛିନ୍ନ । ତେଣୁ ଆଇନଗୁଡ଼ିକୁ କୌତୁକପ୍ରଦ ଓ ସହଜ କରିବା ଲାଗି ଲ'ଟୁନ୍ସ ପ୍ରକଳ୍ପ(ପ୍ରୋଜେକ୍ଟ ଲ'ଟୁନ୍ସ) ମାଧ୍ୟମରେ ଏକ ବୋଧଗମ୍ୟ ପନ୍ଥା ଆବିଷ୍କାର କଲେ ଏଇ ଦୁଇଭଉଣୀ ।

image


ପାଞ୍ଚ ବର୍ଷ ତଳେ ରିସର୍ଚ୍ଚ ଫାଉଣ୍ଡେସନ୍ ଫର ଗଭର୍ଣ୍ଣମେଣ୍ଟ ଅଫ୍ ଇଣ୍ଡିଆ(ଆର୍ଏଫ୍ଜିଆ) ନାମରେ ଏକ ଅନୁଷ୍ଠାନ ଗଢ଼ି ଭଗ୍ନୀଦ୍ୱୟ ଦେଶରେ ଆଇନ ସୁଧାର ଆଣିବାକୁ ଉଦ୍ୟମ ଆରମ୍ଭ କଲେ । ପ୍ରଧାନମନ୍ତ୍ରୀଙ୍କ ଉପଦେଷ୍ଠା ମଣ୍ଡଳୀରେ ଥିବା ଜାତୀୟ ଜ୍ଞାନ ଆୟୋଗ ସହ କାମ କରିଥିବା କାନନ୍ ପିଲାଙ୍କ ପାଇଁ ଏକ ବୋଧଗମ୍ୟ ଆଇନ ବ୍ୟଙ୍ଗ କାର୍ଟୁନ୍ ମାଳା ପ୍ରକାଶ କରିବାକୁ ଚିନ୍ତାକଲେ । ୨୦୧୩ରେ ୱାର୍ଲ୍ଡ ଇକନୋମିକ ଫୋରମର ଏକ ସଭାରେ ସେ ଏଭଳି ରଚନାତ୍ମକ ଚିନ୍ତାଧାରା ପ୍ରକଟ କଲେ । ୱାର୍ଲ୍ଡ ବ୍ୟାଙ୍କ ଭଳି ବହୁ ଅନୁଷ୍ଠାନର ଗବେଷଣା ପ୍ରକଳ୍ପ ସହ ଜଡ଼ିତ ଥିବା କେଲି ମଧ୍ୟ କାନନଙ୍କ ଯୋଜନାକୁ ବେଶ୍ ମୂଲ୍ୟବାନ ମନେକଲେ । ଏକାଠି ସେମାନେ ଏଭଳି ଯୋଜନାକୁ ଫଳବତୀ କରିବା ଲାଗି ଏକ ଗୋଷ୍ଠୀ ଗଠନ କଲେ ।

image


ବିଦ୍ୟାଳୟମାନଙ୍କରେ ସାମାଜିକ ଶିକ୍ଷା ବେଶ୍ ଜଟିଳ । ତେବେ ଦୁଇ ଭଉଣୀ ସ୍କୁଲ ଛାତ୍ରଙ୍କ ପାଇଁ ଆଉ ଗୋଟେ ମଜାଦାର ଉପାୟ ବାଛିଲେ । କାର୍ଟୁନ୍ ହିଁ ଏଥିପାଇଁ ଥିଲା ସର୍ବୋକ୍ରୃଷ୍ଟ । ଏହିପରି ଭାବେ ଭଳିକି ଭଳି କମିକ୍-ମାଳାକୁ ନେଇ ‘ଲ'ଟୁନ୍ସ’ର ପରିପ୍ରକାଶ ଘଟିଲା ।

image


ବେଶ୍ ବୋଧଗମ୍ୟ ଓ ଉତ୍ସାହପ୍ରଦ କାର୍ଟୁନ୍ ମାଧ୍ୟମରେ ଜଟିଳ ଆଇନ ଓ ଅଧିକାରକୁ ଚିତ୍ରିତ କଲା ଲ'ଟୁନ୍ସ । ଶିଶୁ ମନସ୍ତତ୍ତ୍ଵବିତଙ୍କ ସହ ପରାମର୍ଶ କ୍ରମେ ଛାତ୍ରଛାତ୍ରୀଙ୍କୁ ବାନ୍ଧିରଖିବା ଭଳି ଲ'ଟୁନ୍ସ ପ୍ରସ୍ତୁତ କରାଗଲା । ଉଭୟ ମନୋରଂଜନ ଓ ଶିକ୍ଷାର ଏକ ଫେଣ୍ଟାଫେଣ୍ଟି ରୂପ ହୋଇ ଉଭା ହୋଇଥିବା ଏ ଲ'ଟୁନ୍ସ କେବଳ ଛାତ୍ର ନୁହେଁ, ଯେ କୌଣସି ବୟସର ନାଗରିକ ପାଇଁ ମଧ୍ୟ ଖାପ ଖାଇଲା । ଭାରତୀୟ ଆଇନ ବ୍ୟବସ୍ଥା ବିଷୟରେ ଜଣାଇବା ଲାଗି ଲ'ଟୁନ୍ସ ଏବେ ଶିକ୍ଷାନୁଷ୍ଟାନମାନଙ୍କ ପାଇଁ ସର୍ବୋକ୍ରୃଷ୍ଟ ଉପାୟ ପାଲଟିଛି ।

image


ଉଭୟ ଡିଜାଇନ୍ ଓ ଶିକ୍ଷା କ୍ଷେତ୍ରର ଦକ୍ଷ ବ୍ୟକ୍ତିଙ୍କୁ ନେଇ ଲ'ଟୁନ୍ସ ଗୋଷ୍ଠୀ ଗଠିତ ହୋଇଛି । ମୌଳିକ ଅଧିକାର, ମାନବାଧିକାର, ଶିଶୁମାନଙ୍କ ଅଧିକାର, ସାମାଜିକ ଦାୟିତ୍ୱ ଏବଂ ବହୁ ପ୍ରସଙ୍ଗକୁ ଏବେ ଲ'ଟୁନ୍ସ ମାଧ୍ୟମରେ ବେଶ୍ ବୋଧଗମ୍ୟ କରାଯାଇ ପାରିଛି ।

ଜାନୁଆରୀ ୨୦୧୪ରେ ପ୍ରଥମ ପରୀକ୍ଷାମୂଳକ ଲ'ଟୁନ୍ସ ପ୍ରଦର୍ଶନ କରାଯାଇଥିଲା । ଛାତ୍ରମାନେ ଏହାକୁ ଏତେମାତ୍ରାରେ ପସନ୍ଦ କଲେ ଯେ ଏହାର ଉଦ୍ୟୋକ୍ତା ଓ ଶିକ୍ଷାବିତମାନେ ମଧ୍ୟ ଉତ୍ସାହିତ ହେଲେ । ପଢ଼ା ବହି ଅପେକ୍ଷା ଅଧିକ ଛାତ୍ର ଲ'ଟୁନ୍ସ ମାଧ୍ୟମରେ ପଢ଼ିବାକୁ ପସନ୍ତ କଲେ । ପରିସଂଖ୍ୟାନ ଅନୁସାରେ ୭୦ ପ୍ରତିଶତ ଛାତ୍ର ଲ'ଟୁନ୍ସ ପଛରେ ଥିବା ଆଇନ କୁ ଧରିପାରିଲେ । ନଭେମ୍ବର ୨୦୧୪ରେ ଦୁଇଟି ମୌଳିକ ଅଧିକାରକୁ ନେଇ ପ୍ରଥମ ଭାଗ ଲ'ଟୁନ୍ସ ପ୍ରକାଶ ପାଇଲା । ଲ'ଟୁନ୍ସର ନାୟକ ପୁଗ୍ଲୁକୁ କୁନି ପାଠକମାନେ ବେଶ୍ ପସନ୍ଦ କଲେ।

ଏହାପରେ ଲ'ଟୁନ୍ସମାଳା ପ୍ରସ୍ତୁତିରେ ଲାଗିପଡ଼ିଲେ ଧରୁ ଭଗ୍ନୀଙ୍କ ସହଯୋଗୀ ଗୋଷ୍ଠୀ । ଏହି ପ୍ରକଳ୍ପକୁ ଚୂଡ଼ାନ୍ତ ରୂପରେଖ ଦେବାକୁ ଏବେ ଦୁଇ ଭଉଣୀ ଜନସାଧାରଣଙ୍କ ଠାରୁ ଅର୍ଥ ଅନୁଦାନ ଗ୍ରହଣ(କ୍ରାଉଡ୍ ଫଣ୍ଡିଂ)ରେ ଲାଗିଛନ୍ତି । ଭବିଷ୍ୟତରେ ସାରାଦେଶରେ ଉଭୟ ଅନ୍ଲାଇନ୍ ଓ ଅଫ୍ଲାଇନ୍ ଲଟୁନ୍ସ ଉପଲବ୍ଧ କରିବାକୁ ସେମାନେ ଲକ୍ଷ୍ୟ ରଖିଛନ୍ତି । ପୁଣି ଅନୁଦାନ ବଢ଼ିଲେ ଭାବବିନିମୟ ଭିତ୍ତିକ ୱେବସାଇଟ୍ ଓ ମୋବାଇଲ୍ ଆପ୍ସ ମଧ୍ୟ ପ୍ରସ୍ତୁତ କରାଯିବାକୁ ଲକ୍ଷ୍ୟ ରହିଛି ।

Add to
Shares
12
Comments
Share This
Add to
Shares
12
Comments
Share
Report an issue
Authors

Related Tags