ਸੰਸਕਰਣ
Punjabi

ਇਨਸਾਨੀਅਤ ਨੂੰ ਬਚਾਉਣ ਲਈ ਜਾਨ ਵਾਰ ਦੇਣ ਵਾਲੀ ਨੀਰਜਾ ਭਨੋਟ ਨੂੰ ਲੰਦਨ ਪਾਰਲੀਮੇਂਟ ਨੇ ਦਿੱਤਾ 'ਭਾਰਤ ਗੌਰਵ' ਸਨਮਾਨ

Team Punjabi
4th Jul 2016
  • Share Icon
  • Facebook Icon
  • Twitter Icon
  • LinkedIn Icon
  • Reddit Icon
  • WhatsApp Icon
Share on

ਮੁੰਬਈ ਤੋਂ ਨਿਊਯਾਰਕ ਜਾਣ ਵਾਲੀ ਫ਼ਲਾਈਟ ਤੇ ਯਾਤਰੂਆਂ ਨੂੰ ਬਚਾਉਣ ਲਈ ਆਪਣੀ ਜਾਨ ਵਾਰ ਦੇਣ ਵਾਲੀ ਚੰਡੀਗੜ੍ਹ ਦੀ ਧੀ ਨੀਰਜਾ ਭਨੋਟ ਨੂੰ ਲੰਦਨ ਦੀ ਬ੍ਰਿਟਿਸ਼ ਪਾਰਲੀਮਾਨੀ ਹਾਉਸ ਆਫ਼ ਕਾਮੰਸ ਨੇ ਸਨਮਾਨਿਤ ਕੀਤਾ ਹੈ. ਨੀਰਜਾ ਨੂੰ ‘ਭਾਰਤ ਗੌਰਵ’ ਸਨਮਾਨ ਦਿੱਤਾ ਗਿਆ ਹੈ. ਨੀਰਜਾ ਚੰਡੀਗੜ੍ਹ ਦੀ ਜੰਮ-ਪਲ੍ਹ ਸੀ.

ਅੰਤਰਰਾਸ਼ਟਰੀ ਪੱਧਰ ਤੇ ਪਹਿਚਾਨ ਰੱਖਣ ਵਾਲੀ ਜੈਪੁਰ ਦੀ ਇੱਕ ਗੈਰ ਸਰਕਾਰੀ ਸੰਸਥਾ ਸੰਸਕ੍ਰਿਤੀ ਯੁਵਾ ਸੰਸਥਾ ਵਲੋਂ ਬਣਾਏ ਗਏ ਇਸ ਸਨਮਾਨ ਨੂੰ ਲੰਦਨ ਦੇ ਵੇਸਟਮਿੰਸਟਰ ਪਾਰਲੀਮਾਨੀ ਬਿਲਡਿੰਗ ਵਿੱਖੇ ਹੋਏ ਇੱਕ ਸ਼ਾਨਦਾਰ ਸਮਾਰੋਹ ਦੇ ਦੌਰਾਨ ਦਿੱਤਾ ਗਿਆ. ਨੀਰਜਾ ਦੇ ਦੋਵੇਂ ਭਰਾਵਾਂ ਨੇ ਇਹ ਸਨਮਾਨ ਹਾਸਿਲ ਕੀਤਾ.

image


ਹਾਉਸ ਆਫ਼ ਲਾਰਡ੍ਸ ਦੇ ਮੈਂਬਰ ਅਤੇ ਕੌਮਾਂਤਰੀ ਵਿਕਾਸ ਦੇ ਸਕੱਤਰ ਬੈਰੋਨੇਸ ਸੰਦੀਪ ਵਰਮਾ ਨੇ ਨੀਰਜਾ ਦੇ ਭਰਾਵਾਂ ਅਨੀਸ਼ ਭਨੋਟ ਅਤੇ ਅਖਿਲ ਭਨੋਟ ਨੂੰ ਇਹ ਸਨਮਾਨ ਦਿੱਤਾ. ਇਹ ਸਨਮਾਨ ਰਾਸ਼ਟਰ ਦੀ ਸੇਵਾ ਅਤੇ ਆਪਣੇ ਪੱਧਰ ‘ਤੇ ਵਿਸ਼ੇਸ਼ ਕਾਰਜ਼ ਨੂੰ ਅੰਜਾਮ ਦੇਣ ਲਈ ਦਿੱਤਾ ਗਿਆ ਹੈ.

image


ਨੀਰਜਾ ਭਨੋਟ 22 ਵਰ੍ਹੇ ਦੀ ਸੀ ਜਦੋਂ ਮੁੰਬਈ ਤੋਂ ਕਰਾਚੀ ਹੋ ਕੇ ਨਿਊ ਯਾਰਕ ਜਾ ਰਹੀ ਪੈਨ ਐਮ ਦੀ ਫਲਾਈਟ ਨੂ ਹਾਈਜੈਕ ਕਰਣ ਵਾਲੇ ਅੱਤਵਾਦੀਆਂ ਨੇ ਸਵਾਰੀਆਂ ਨੂੰ ਮਾਰਨਾ ਸ਼ੁਰੂ ਕਰ ਦਿੱਤਾ ਸੀ. ਨੀਰਜਾ ਨੇ ਆਪਣੀ ਜਾਨ ਦੀ ਪਰਵਾਹ ਨਾਹ ਕਰਦਿਆਂ ਅੱਤਵਾਦੀਆਂ ਦੀ ਬੰਦੂਕਾਂ ਮੂਰਹੇ ਖੜ ਕੇ ਕਈ ਲੋਕਾਂ ਦੀ ਜਾਨ ਬਚਾ ਲਈ ਸੀ. ਪੰਜ ਸਿਤੰਬਰ 1986 ਨੂੰ ਵਾਪਰੇ ਇਸ ਹਾਦਸੇ ‘ਚ ਵੀਹ ਲੋਕਾਂ ਦੀ ਜਾਨ ਚਲੀ ਗਈ ਸੀ ਅਤੇ 150 ਫੱਟੜ ਹੋ ਗਏ ਸੀ. ਫ਼ਲਾਈਟ ‘ਚ 200 ਭਾਰਤੀ ਸੀ ਜਿਨ੍ਹਾਂ ਵਿੱਚੋਂ 13 ਜਣੇ ਮਾਰੇ ਗਏ ਸਨ.

ਲੋਕਾਂ ਲਈ ਆਪਣੀ ਜਾਨ ਵਾਰ ਦੇਣ ਕਰਕੇ ਭਾਰਤ ਸਰਕਾਰ ਨੇ ਨੀਰਜਾ ਨੂੰ ਸਭ ਤੋਂ ਸਨਮਾਨਿਤ ਸਿਵਿਲ ਸਨਮਾਨ ‘ਅਸ਼ੋਕ ਚੱਕਰ’ ਨਾਲ ਵੀ ਸਨਮਾਨਿਤ ਕੀਤਾ ਸੀ. ਇਹ ਸਨਮਾਨ ਪ੍ਰਾਪਤ ਕਰਨ ਵਾਲੀ ਉਹ ਸਭ ਤੋਂ ਘੱਟ ਉਮਰ ਦੀ ਕੁੜੀ ਹੈ. ਨੀਰਜਾ ਨੂੰ ਪਾਕਿਸਤਾਨ ਸਰਕਾਰ ਵੱਲੋਂ ਵੀ ਵੱਡਾ ਨਾਗਰਿਕ ਸਨਮਾਨ ਦਿੱਤਾ ਗਿਆ ਸੀ.

image


ਨੀਰਜਾ ਦੇ ਭਰਾ ਅਨੀਸ਼ ਭਨੋਟ ਦਾ ਕਹਿਣਾ ਹੈ ਕੇ ਭਾਰਤ ਗੌਰਵ ਸਨਮਾਨ ਹੋਰ ਵੀ ਲੋਕਾਂ ਨੂੰ ਪ੍ਰੇਰਿਤ ਕਰੇਗਾ. ਰਾਸ਼ਟਰ ਦੀ ਸੇਵਾ ਅਤੇ ਇਨਸਾਨੀਅਤ ਲਈ ਆਪਣੀ ਜਾਨ ਵਾਰ ਦੇਣ ਦਾ ਜਜ਼ਬਾ ਪੈਦਾ ਕਰੇਗਾ. ਇਹ ਸਨਮਾਨ ਨੀਰਜਾ ਨੇ ਉਨ੍ਹਾਂ ਉਸੂਲਾਂ ਨੂੰ ਅੱਗੇ ਲੈ ਕੇ ਜਾਏਗਾ ਜੋ ਲੋਕਾਂ ਨੂੰ ਆਪਣਾ ਫਰਜ਼ ਨਿਭਾਉਣ ਅਤੇ ਜ਼ੋਰ-ਜ਼ੁਲਮ ਬਰਦਾਸ਼ਤ ਨਾਹ ਕਰਨ ਦਾ ਸੰਦੇਸ਼ ਦਿੰਦਾ ਹੈ.

ਲੇਖਕ: ਰਵੀ ਸ਼ਰਮਾ  

  • Share Icon
  • Facebook Icon
  • Twitter Icon
  • LinkedIn Icon
  • Reddit Icon
  • WhatsApp Icon
Share on
Report an issue
Authors

Related Tags