பதிப்புகளில்

இணைய சமநிலைக்கு ஆதரவாக டிராய் உத்தரவு; கொண்டாடும் இணையம்!

cyber simman
8th Feb 2016
Add to
Shares
0
Comments
Share This
Add to
Shares
0
Comments
Share

இணையம் கொண்டாடிக்கொண்டிருக்கிறது. இணைய சமநிலை காப்பாற்றப்படும் வகையில் டிராய் பிறப்பித்துள்ள உத்தரவு தான் காரணம். மாறுபட்ட கட்டணங்கள் தொடர்பாக டிராய் வெளியிட்டுள்ள உத்தரவு, இந்தியாவில் ஃபேஸ்புக்கின் பிரிபேசிக்ஸ் திட்டத்தை செல்லாததாக ஆக்கியிருப்பதோடு, எந்த விதத்திலும் இணைய சேவைகளுக்கு உள்ளடக்கத்தின் அடிப்படையில் வேறு வேறு கட்டண விகிதங்களை வசூலிக்க முடியாது என்றும் திட்டவட்டமாக தெரிவித்துள்ளது. இதன் பொருள் இணைய சேவைக்கான கட்டணம் ஒரே விதமாக தான் இருக்க வேண்டும்.

இந்த உத்தரவை தான் இணைய சமநிலை ஆதரவாளர்கள் உற்சாகமாக கொண்டாடுகின்றனர். ட்விட்டரில் இந்த கொண்டாட்டம் குறும்பதிவுகள் பொங்கி கொண்டிருக்கின்றன. இணைய சுதந்திரத்திற்கு கிடைத்த வெற்றியாக இது போற்றப்படுகிறது. இணைய சமநிலைக்கு ஆதரவான கருத்துக்களை பிரதிபலிப்பதுடன், இந்த விவகாரத்தில் ஃபேஸ்புக் மண்ணை கவ்விய விதத்தையும் அவை கேலி செய்து கொண்டிருக்கின்றன.

image


இணைய சமநிலை ஆதரவாளர்களின் மனநிலையை உணர்த்தும் குறும்பதிவுகள் #NetNeutrality எனும் ஹாஷ்டேகின் கீழ் குவிந்து கொண்டிருக்கின்றன. இந்திய இணையவாசிகள் மட்டும் அல்லாமல் சர்வதேச இணையவாசிகளும் இந்த பிரச்சனை தொடர்பாக ஆர்வத்துடன் குறும்பதிவிட்டு, இணைய சமநிலைக்கு ஆதரவான உத்தரவை வரவேற்றுள்ளனர்.

இந்த குறும்பதிவு அலைகளை பார்ப்பதற்கு முன்பாக, டிராய் உத்தரவின் சாரம்சம், அதன் முக்கியத்துவத்தை சுருக்கமாக பார்த்துவிடலாம்.

  • எந்த ஒரு இணைய சேவை நிறுவனமும் உள்ளடக்கத்தின் அடிப்படையில் டேட்டாவுக்கான கட்டணத்தை பாரபட்சமான முறையில் வழங்கக் கூடாது.
  • எந்த இணைய சேவை நிறுவனமும், பாரபட்சமான முறையில் இணைய சேவையை வழங்க யாருடனும் ஒப்பந்தம் செய்து கொள்ளக்கூடாது.

கடந்த ஆண்டு செப்டம்பர் மாதம் டிராய் அமைப்பு டிபரன்ஷியல் பிரைசிங் என்று சொல்லப்படும் மாறுபட்ட கட்டண விகிதங்கள் தொடர்பாக ஒரு அறிக்கையை வெளியிட்டு பொது மக்கள் உள்பட அனைத்து தரப்பினரின் கருத்துக்களை கேட்டது. மாறுபட்ட கட்டணங்கள் என்பது இணைய சேவைக்கு அவை பயன்படுத்தும் விதங்களுக்கு ஏற்ப வேறு வேறு கட்டணங்களை வழங்குவதாகும். ஒரு சில இணையதளங்களை மட்டும் டேட்டா கட்டணம் இல்லாமல் இலவசமாக வழங்கும் ஜிரோ ரேட்டிங் திட்டமும் இதன் கீழ் தான் வருகிறது.

image


உள்ளடக்கத்திற்கு ஏற்ப மாறுபட்ட கட்டணங்கள் முறை இணையசமநிலைக்கு எதிரானது என எதிர்ப்பு தெரிவிக்கப்பட்டது.

இதனிடையே ஃபேஸ்புக் நிறுவனம் தனது பிரிபேசிக்ஸ் திட்டத்திற்கு ஆதரவு திரட்டும் பிரச்சாரத்தை மேற்கொண்டது. பிரிபேசிக்ஸ் திட்டத்திற்கு ஆதரவு தெரிவித்து மெயில் அனுப்புமாறு ஃபேஸ்புக் தனது பயனாளிகளுக்கு கோரிக்கை வைத்தது கடும் கண்டனத்திற்கும் விமர்சனத்திற்கும் இலக்கானது. தேர்ந்தெடுக்கப்பட்ட சில இணையதளங்களை மட்டுமே இலவசமாக வழங்கும் பிரிபேசிக்ஸ் திட்டம் இணைய சமநிலைக்கு எதிரானது என வாதிடப்பட்டது.

இந்த விஷயத்தில் தான் டிராய் அமைப்பு இன்று முக்கிய உத்தரவை பிறப்பித்துள்ளது. டேட்டா சேவைகளுக்கான பாரபட்சமான கட்டண முறைகள் தடை கட்டுப்பாடுகள், 2016 எனும் பெயரிலான அறிக்கையில் இது தொடர்பாக கட்டுப்பாடுகள் இடம்பெற்றுள்ளன.

தொழில்நுட்ப வார்த்தைகளை விலக்கி விட்டுப்பார்த்தால், இணைய சேவைகளுக்கு எல்லா நிறுவனங்களும் ஒரே மாதிரியான கட்டணத்தை வசூலிக்க வேண்டும் என்பதை இது குறிக்கிறது. மாறுபட்ட கட்டணங்களுக்கு அனுமதிக்க முடியாது என கூறப்பட்டிருப்பது ஃபேஸ்புக்கின் பிரிபேசிக்ஸ் திட்டத்திற்கு தடை விதிப்பதாக அமைந்துள்ளதோடு, இணைய சமநிலைக்கு ஆதரவாகவும் அமைந்துள்ளது. இணையம் திறந்த வெளி தன்மை கொண்டதாகவும், பாரபட்சமற்ற முறையிலும் இருக்க வேண்டும் என்றும் டிராய் கூறியுள்ளது.

இணைய சமநிலை ஆர்வலர்கள் கோரி வந்ததும் இது தான். ஃபேஸ்புக்கின் பிரிபேசிக்ஸ் திட்டத்திற்கு எதிரான முன்வைக்கப்பட்ட வாதமும் இது தான். கட்டுப்பாட்டு அமைப்பான டிராயும் இதை ஏற்றுக்கொண்டு அங்கீகரித்திருப்பது இணைய சமநிலை ஆதரவாளர்களை மகிழ்ச்சியில் ஆழ்த்தியுள்ளது. இணைய சுதந்தர போராட்டத்திற்கு வெற்றி கிடைத்திருக்கிறது, இணைய சமநிலை காக்கப்பட்டுள்ளது எனும் நிம்மதியையும் ஏற்படுத்தியுள்ளது.

image


இந்த மனநிலையையும், இதன் பின்னே உள்ள நிலைப்பாட்டையும் புரிய வைக்கும் ட்விட்டர் பதிவுகள் வருமாறு:

  • மீடியாநாமா; டிராய் உத்தரவு இணைய சேவைகளுக்கு மாறுபட்ட கட்டண விகிதங்கள் சாத்தியமில்லை என தெரிவிக்கிறது.
  • ரெனேடா அவிலா; உலகின் மிகப்பெரிய ஜனநாயகம் ஜீரோ ரேட்டிங்கிற்கு தடை விதித்துள்ளது. துணிச்சலான இந்தியா.
  • கார்த்திக் பாலகிருஷ்ணன்; மாறுபட்ட கட்டணங்களுக்கு டிராய் தடை. இணையமாகிய நாம் சாதித்துவிட்டோம்.
  • வீணா வேனுகோபால்; டிராய் இணைய சமநிலைக்கு ஆதராவாக உத்தவு. மாறுபட்ட கட்டணங்கள் இல்லை.
  • ஸ்பார்கிள்; வேலைவாய்ப்பு, கல்வி, தகவல் போலவே இணைய சமநிலையும் மக்களின் உரிமை.
  • குணால் பால்; இணைய சமநிலைக்கு டிராய் ஆதரவு மகிழ்ச்சி அளிக்கிறது. இணையத்தை சுந்திரமாக வைத்திருப்போம்.

எனும் ஹாஷ்டேகில் இவற்றை பின் தொடரலாம்.

இவை எல்லாவற்றையும் விட ஜேக்கர்ஹேக் எனும் ட்விட்டர் பயனாளியின், இந்த குறும்பதிவு மிக அழகாக இந்த போராட்டத்தின் வெற்றியை உணர்த்துகிறது; நாம் வென்று விட்டோம். #SaveTheInternet இனி #SavedTheInternet.

இது போன்ற சுவாரசியமான கட்டுரைகளை உடனடியாக பெற லைக் செய்யுங்கள் தமிழ் யுவர்ஸ்டோரி முகநூல்


இணைய சமநிலை தொடர்பு கட்டுரை:

Free Basics கோரிக்கை மூலம் பயனர்களை ஏமாற்றப் பார்க்கிறதா ஃபேஸ்புக்?

Add to
Shares
0
Comments
Share This
Add to
Shares
0
Comments
Share
Report an issue
Authors

Related Tags