Licious நிறுவனம் யூனிகார்னாக ஆனது எப்படி?

ஆன்லைன் இறைச்சி மற்றும் கடல் உணவு ஸ்டார்ட் அப் நிறுவனமான லிஷியஸ் நிறுவனர்கள், டெக்ஸ்பார்க்ஸ் 2021 நிகழ்ச்சியில் வாடிக்கையாளர்கள் கருத்தை அறிவதன் மூலம் டி2சி பிரிவில் புதிய வர்த்தகத்தை உருவாக்கியது பற்றி பேசினர்.
1 CLAP
0

ஆன்லைனில் புதிய இறைச்சி மற்றும் கடல் உணவை விற்பனை செய்யும் லிஷியஸ் (Licious) எப்போதும் வாடிக்கையாளர்கள் கருத்தை அறிவதில் கவனம் செலுத்தி வந்திருக்கிறது.

2015ல் அபய் ஹன் ஜுரா மற்றும் விவேக் குப்தாவால் துவங்கப்பட்ட Licious, இந்தியாவில் நேரடியாக வாடிக்கையாளர்களுக்கு விற்பனை செய்யும் பிராண்ட்கள் (D2C) அரிதாக இருந்த காலத்தில் செயல்பாட்டை துவங்கியது.

டெக்ஸ்பார்க்ஸ் 2021ல் யுவர்ஸ்டோரி நிறுவனர் மற்றும் சி.இ.ஓ ஷ்ரத்தா சர்மாவிடம் பேசிய அபய் மற்றும் விவேக், அமுலுக்கு நிகரான பிராண்டை உருவாக்க விரும்புவது பற்றி கருத்துக்களை பகிர்ந்து கொண்டனர்.

கருப்பு பிளாஸ்டிக் பைகளில் விற்பனை செய்யப்பட்டு வந்த ஒரு பிரிவில் இந்நிறுவனம் அளவு நிர்ணயம் மற்றும் தர கட்டுப்பாடுகளைம் கொண்டு வந்துள்ளது. நிறுவனம் ஏற்கனவே இருந்த பழக்கங்கள் மற்றும் நிறுவனங்கள் சார்பை எதிர்கொண்டதோடு, இந்தியாவை சைவ நாடாக கருதிய முதலீட்டாளர்கள் கருத்தையும் எதிர்கொள்ள வேண்டியிருந்தது.

“இந்தியா பலவித இனங்களை கொண்டிருக்கிறது, ஒவ்வொரு 100 கிமீக்கும் உணவு பழக்கம் மாறிக்கொண்டே இருக்கும். பல்வேறு பிரிவுகளில் மேகி போன்ற ஒரு தீர்வை அளிப்பது எப்படி? இதை தான் வெகுஜன பிரத்யேகதன்மை என்கிறோம். சந்தையின் ஆழத்திற்கு ஏற்ற தயாரிப்பை உருவாக்கினால், வாடிக்கையாளர்களை நன்றாக புரிந்து கொள்ளலாம்,” என்கிறார் விவேக்.

நிறுவனத்தின் இந்த இலக்கு சார்ந்த கவனம் முதலீட்டாளர்களின் ஆதரவை பெற்றுள்ளது. Temasek உள்ளிட்ட நிறுவனங்கள் ஆதரவு அளித்துள்ளனர். எனினும், இந்த பயணம் எளிதாக அமையவில்லை என்கின்றனர்.  

மாறும் நுகர்வோர் பழக்கம்

முதல் ஆண்டு செயல்பாட்டில் லிஷியஸ் நிறுவனம் பெங்களூருவின் 40 சதவீத பகுதிகளில் சேவை அளித்தது. ஆறு மாதங்களில் ரூ.1 கோடி வருவாய் ஈட்டியது. இன்று நிறுவனம் 150 சதவீத வருவாய் வளர்ச்சி கண்டுள்ளது.

இந்த மாத துவக்கத்தில் நிறுவனம் 52 மில்லியன் டாலர் நிதி திரட்டி, 1.05 பில்லியன் டாலர் மதிப்பில் யூனிகார்ன் அந்தஸ்து பெற்றுள்ளது. நிறுவனம் மற்ற பகுதிகளிலும் வளர்ச்சி அடைய விரும்புகிறது.

வாடிக்கையாளர்களுக்கு மேலும் சிறப்பாக சேவை அளிக்க, நிறுவனர்கள் துவக்கம் முதல் டெலிவரி எல்லாவற்றையும் கட்டுப்படுத்தும் முறையை பின்பற்ற விரும்புகின்றனர்.

“நாங்கள் துவக்கிய போது, டெலிவரியில் குளிர்பதன வசதி இருக்கவில்லை. எனவே லாஜிஸ்டிக்ஸ் நிறுவனத்தை உருவாக்கினோம். பின்னணியில் உற்பத்தி நிறுவனம் செயல்பட, இடையே இணைய நிறுவனமாக செயல்பட்டோம்,” என்கிறார் அபய்.

முதலீட்டாளர்களை இதை சந்தேகத்துடன் நோக்கினாலும், இந்த வசதியை உருவாக்காவிட்டால் வாடிக்கையாளர் எதிர்பார்ப்பை நிறைவேற்றியிருக்க முடியாது என்கிறார்.

நம்பிக்கை

நிறுவனம் இரண்டாம் சுற்று நிதி திரட்ட மிகவும் கஷ்டப்பட்டது என்கிறார் அபய். பிரதானமாக சைவப் பழக்கம் கொண்ட இந்தியாவில் மக்கள் சிக்கன் உணவை பரவலாக ஆர்டர் செய்வார்கள் என்பதை பலரும் நம்பவில்லை.

“இந்திய வாடிக்கையாளர்கள் தனித்தன்மை மிக்கவர்கள் என்றாலும் சர்வதேச உத்தியை இந்தியாவில் செயல்படுத்த முடியும் என நம்பினோம்,” என்கிறார் விவேக்.

2006ல் நேரடி வாடிக்கையாளர் விற்பனை பெரிய அளவில் இல்லை என்கிறார். மேலும், பரிவர்த்தனைகளும் சிக்கலாக இருந்தது. எனினும் நிறுவனம் படிப்படியாக இந்த சவால்களை சமாளித்தது. 95 சதவீத ஆர்டர்கள் இணையதளம் அல்லது செயலி மூலம் வருகின்றன. 90 சதவீத வாடிக்கையாளர்கள் மீண்டும் மீண்டும் ஆர்டர் செய்கின்றனர்.

நிறுவனர்கள், இப்போது சப்ளை செயின் மற்றும் உணவு தொழில்நுட்பத்தில் கவனம் செலுத்தி வருகின்றனர்.

ஆங்கிலத்தில்: பாயல் கங்குலி | தமிழில்: சைபர் சிம்மன்

Latest

Updates from around the world