Bharat Innovates 2026: ‘IISC லேபில் தொடங்கி ஆர்பிட் வரை’ - இந்திய ஸ்பேஸ்-டெக் ஸ்டார்ட் அப் கதை!

செயற்கைகோள்களை நீள்வட்ட பாதைக்கு கொண்டு செல்வது பாதி பணி தான். அங்கு சென்றதுமே, செயற்கைகோள் எப்படி செயல்படுகிறது, எப்படி நிலை நிறுத்திக்கொள்கிறது, துல்லியமாக செயல்பட்டு தனது ஆயுள் காலதை நீடித்துக்கொள்வதை பிரபல்யூஷனே (எரிபொருள்) தீர்மானிக்கிறது.

பல ஆண்டுகளாக விண்வெளித்துறை இதற்காக ஹைட்ராசைன் எனும் நச்சுத்தன்மை மிக்க, விலை உயர்ந்த ரசாயன எரிபொருளை சார்ந்திருக்கிறது. இதை உற்பத்தி செய்வதும், கையாள்வதும் சவாலானது. வரும் ஆண்டுகளில் குறைவான நீள் வட்ட பாதையில் ஆயிரக்கணக்கான செயற்கைகோள்கள் நுழைய உள்ள நிலையில் மேலும் தூய்மையான, பாதுகாப்பான செயல்திறன் மிக்க மாற்று எரிபொருளுக்கான தேவை உணரப்படுகிறது.

இது போன்ற அதிக ஈர்ப்பில்லாத ஆழ் நுட்பம் சார்ந்த உள்கட்டமைப்பு பிரச்சனைகளையே மத்திய கல்வி அமைச்சகத்தின் 'பாரத் இன்னவேட்ஸ் 2026' கவனத்திற்கு கொண்டு வந்தது. இந்தியாவின் ஆழ்நுட்ப நிறுவனங்களை சர்வதேச முதலீட்டாளர்கள், பங்குதாரர்களுடன் இணைக்கும் வகையில் இந்த நிகழ்ச்சி பிரான்சி, இந்திய- பிரான்ஸ் புதுமையாக்க ஆண்டின் ஒரு பகுதியாக நடைபெற்றது.

இந்த நிகழ்ச்சியில் பங்கேற்க தேர்வு செய்யப்பட்ட ஸ்டார்ட் அப்களில் ஒன்றாக பெங்களூருவைச் சேர்ந்த 'பெல்லாட்ரிக்ஸ் ஏரோஸ்பேஸ்' (Bellatrix Aerospace) அமைகிறது.

2015ல், இந்திய அறிவியல் கழகத்தில் (ஐஐஎஸ்.சி) ரோகன் கணபதி மற்றும் யாஷாஸ் கரணம் ஆகியோரால் இது நிறுவப்பட்டது. ஐஐஎஸ்.சி இந்தியாவில் ஆய்வுக்காக அறியப்படும் பல்கலைக்கழக்கங்களில் ஒன்றாக விளங்குகிறது. சர்வதேச அளவில் பல்கலைக்கழக பட்டியலில் இந்தியா உயர்வதற்கு காரணமான கல்வி நிறுவனங்களில் ஒன்றாகவும் திகழ்கிறது. 

பெல்லாட்ரிக்ஸ் ஏரோஸ்பேஸ் விண்வெளியில் செயற்கைகோள்கள் செயல்படும் விதத்தை மாற்றி சிந்திக்கும் வகையில் அமைகிறது. தற்போதுள்ள எரிபொருள் நுட்பத்தை மேம்படுத்துவதோடு, நுண் செயற்கைகோள்கள் முதல் பெரிய செயற்கைகோள்கள் வரை அனைத்து செயற்கைகோள் திட்டங்களுக்கான சாத்தியங்களை மாற்று அமைக்கும் தன்மை கொண்ட அமைப்புகளை உருவாக்கி வருகிறது.

முழுமையான எரிபொருள் தொகுப்பு

கடந்த பத்தாண்டுகளில் நிறுவனம் பல்வேறு தொழில்நுட்பங்கள் சார்ந்த எரிபொருள் தொகுப்பை உருவாக்கியுள்ளது. ஒவ்வொன்றும் செயற்கைகோள் செயல்பாடு மற்றும் விண்வெளி செயல்பாடுகளில் குறிப்பிட்ட இடைவெளியை போக்குபவையாக உள்ளன.

இதன் புதுமையாக்கங்களில் ஒன்றாக, தண்ணீரை எரிபொருளாக பயன்படுத்தும் மைக்ரோவேவ் பிளாஸ்மா தர்ஸ்டரான ஜல் அமைகிறது. தனியார் நிறுவனங்களில் இதை உருவாக்கிய உலகின் முதல் நிறுவனம், என பெல்லாட்ரிக்ஸ் தெரிவிக்கிறது. இந்த அமைப்பு லேசானது, அரிப்பு இல்லாதது மற்றும் வழக்கமான எரிபொருள் அமைப்பை விட நீடித்த தன்மை கொண்டது.  

ஹைட்ராசைன் சார்ந்த ரசாயன எரிபொருளுக்கான மாற்றான அதிக செயல்திறன் கொண்ட பசுமை தர்ஸ்டர் ருத்ராவையும் நிறுவனம் உருவாக்கியுள்ளது. வழக்கமான எரிபொருள் செயல்திறனை நச்சுத்தன்மை இல்லாமல் வழங்குகிறது. இதன் ஹால் எபெக்ட் தர்ஸ்டர் அக்ரா, நீள்வட்ட பாதையில் அதிக காலம் இருக்கும் வகையில் வடிவமைக்கப்பட்டுள்ளது. சிறிய செயற்கைகோள்களுக்கு ஏற்ப விரல் நுனியில் பொருந்தும் வகையில் கச்சிதமானது.

விண்வெளியில் நிருபனம்

விண்வெளியின் கடினமான சூழலில் தனது எரிபொருள் அமைப்பு செயல்படும் என்பதை நிறுவனம் நிருபித்துக்காட்டியுள்ளது. நீள்வட்ட பாதையில் பசுமை எரிபொருள் செயல்பாட்டிகான மூன்று சோதனையை வெற்றிகரமாக நிறைவேற்றி ருத்ராவின் செயல்பாட்டை நிருபித்துள்ளது. மின் எரிபொருள் தொழில்நுட்ப வளர்ச்சிக்காக இஸ்ரோ கூட்டாக செயல்பட தேர்வு செய்த ஒரே ஸ்டார்ட் அப்’பாக நிறுவனம் விளங்குகிறது. இந்திய விண்வெளி பரப்பில் நிறுவனத்தின் மதிப்பை இந்த கூட்டு உணர்த்துகிறது.

2024 அக்டோபரில் நிறுவனம் இஸ்ரோவின் வர்த்தக பிரிவு நியூஸ்பேஸ் இந்தியா லிட் உடன் ஒப்பந்தம் கையெழுத்திட்டது. இதன் ஆர்பிடல் மாற்று வாகன, புஷ்பக்கை என்.எஸ்.ஐ.எல் திட்டங்களில் ஒருங்கிணைக்க இந்த ஒப்பந்தம் வழி செய்கிறது. செயற்கைகோள் செலுத்தல், வட்ட பாதை செயல்பாடு, பிளே லோடு ஆதரவு உள்ளிட்ட பல திறன் கொண்ட மேடையாக இது உருவாக்கப்பட்டுள்ளது. திட்டமிட்ட இலக்கை அடைய செயற்கைகோள் இயக்குபவர்களுக்கு இது உதவுகிறது.

வளர்ச்சி நோக்கம்

நிறுவனம் அண்மையில் 20 மில்லியன் டாலர் பி சுற்று நிதி திரட்டியது. கேக்டஸ் பார்டனர்ஸ் தலைமையிலான சுற்றில், இன்பிலக்சார் வென்சர்ஸ், பாவ்ஸ்டோன் விசி, குரோஎக்ஸ் வெசனர்ஸ், ஸ்டார்ட் அப் அக்ஸீட் வென்சர்ஸ், ஹீரோ எண்டர்பிரைஸ், 25 நார்த் வென்சர்ஸ், இண்டஸ் பிரிட்ஜ் வென்சர்ஸ், மோனார்க் ஹோல்டிங்க்ஸ் பங்கேற்றன.

நிறுவனம் தற்போது இந்தியா மற்றும் அமெரிக்காவில் செயல்பட்டு வருகிறது. தகுதி வாய்ந்த எரிபொருள் அமைப்புகள், சர்வதேச வாடிக்கையாளர் பரப்பு, பல மில்லியன் டாலர் ஆர்டர்களை பெற்றுள்ளது. உற்பத்தி காத்திருப்பு காலத்தை ஆறு மாதமாக குறைத்து, செய்ற்கைகோள் சந்தை தேவைக்கு ஏற்ப வேகமான செயல்பாட்டை கொண்டுள்ளது.

இந்திய உயர் கல்வி அடித்தளம்

இந்த முன்னேற்றம் தனியே நிகழவில்லை. இந்தியாவின் அறிவியல் லட்சியத்தை முன்னெடுக்கும் கல்வி நிறுவனத்தில் இருந்து நேரடியாக வந்துள்ளது. ஆய்வுக்கு அதிக முக்கியத்துவம் அளிக்கும் பெங்களூரு இந்திய அறிவியல் கழகத்தில் இருந்த போது கணபதி மற்றும் கரணும் இந்த ஸ்டார்ட் அப்பை துவக்கினர். இந்த கல்வி நிறுவனம் இந்திய ஆய்வு பரப்பில் சாதனை படைத்த பல விஞ்ஞானிகள், பொறியாளர்களை உருவாக்கியுள்ளது.

நிறுவனர்கள் இருவருக்கும், இந்த கல்வி நிறுவனம் வெறும் அறிமுக மேடையாக மட்டும் இல்லாமல், ஆய்வு சூழல், தொழில்நுட்ப தீவிரம், சரியான தொடர்புகள் ஆகியவற்றை சாத்தியமாக்கியது.

நிறுவனம் பத்தாண்டுகளில் இந்தியாவின் மிகவும் கவனிக்கப்படும் விண்வெளி நுட்ப நிறுவனங்களில் ஒன்றாக வளர்ந்திருக்கிறது. இந்திய தனியார் விண்வெளித்துறையில் ஏற்பட்டு வரும் மாற்றத்தையும் இது பிரதிபலிக்கிறது.

இந்திய அறிவியல் கழக ஆதரவு, இந்தியாவின் முதல் தண்ணீர் த்ரஸ்டர், இஸ்ரோவின் வர்த்தக பிரிவுடன் ஒப்பந்தம்: இத்தகைய வெற்றிக்கதையை தான் கல்வி அமைச்சகம் வெளிச்சத்திற்கு கொண்டு வர விரும்புகிறது. இந்திய கல்வி நிறுவனங்களில் உருவான ஆய்வு சார்ந்த நிறுவனங்கள் உலகை எதிர்கொள்ள தயாராக உள்ளன.

ஆங்கிலத்தில்: கேண்டிடா டிசில்வா, தமிழில்: சைபர் சிம்மன்