சென்னை Agnikul Cosmos நிறுவன இயக்குனர் குழுவில் இணைந்த இஸ்ரோ முன்னாள் தலைவர் Dr.சோம்நாத்!

சென்னையைச் சேர்ந்த விண்வெளி நுட்ப ஸ்டார்ட் அப் 'அக்னிகுல் காஸ்மோஸ்', இஸ்ரோ முன்னாள் தலைவர் எஸ்.சோம்நாத்தை தனது இயக்குனர் குழுவில் பார்வையாளராக (Observer) நியமிப்பதாக அறிவித்துள்ளது. இந்தியா ஏவுவாகன சேவைகளின் எதிர்காலத்தை வடிவமைக்க கூடிய இரண்டு முக்கிய நுட்பங்களை சோதிப்பதற்கான முயற்சியாக கருதப்படும் மிஷன் 02 திட்டத்திற்கு முன்னதாக இந்த அறிவிப்பை வெளியிட்டுள்ளது.

செயற்கைக்கோளை செலுத்திய பின் மேல் பகுதி விலக்கப்படாமல் இயக்கத்திலியே இருப்பதை செயல்படுத்தி காட்டும் அதே நேரத்தில், வட்டப்பாதை தரத்திலான ராக்கெட் பூஸ்டரை மீட்டு கொண்டு வரும் இந்தியவைன் முதல் முயற்சியாக மிஷன் 02 அமையும், என நிறுவனம் தெரிவித்துள்ளது.

2024ல் யுவர்ஸ்டோரியிடம் பேசும் போது, அக்னிகுல் இணை நிறுவனர் மற்றும் முதன்மை செயல்பாட்டு அதிகாரி மொயின் எஸ்பிஎம், ராக்கெட் மறுபயன்பாடு மற்றும் மீட்பு திட்டம் பற்றி குறிப்பிட்டிருந்தார்.

ராக்கெட்டின் மேல் பகுதி என்பது எடையை (பிளேலோடு) இறுதி வட்டப்பாதைக்கு கொண்டு செல்லும் பகுதியாகும். முதன்மை மிஷன் முடிந்த பிறகு, இது ஆர்பிடல் மேடையாக செயல்படும் வகையில் நிறுவன திட்டம் அமைந்துள்ளது.

இந்த திட்டத்தை தொழில்நுட்ப முக்கிய மைல்கல் என்று சோம்நாத் குறிப்பிடுகிறார்.  

“மிஷன் 02 - இந்தியாவுக்கும், ஏன் பல அம்சங்களில் உலகிற்குமான முக்கிய தொழில்நுட்ப மைல்கல். மாற்றக்கூடிய மேல் பகுதி கருத்தாக்கம், இந்தியாவின் சொந்த செமி கிரயோஜெனிக் நுட்பம் மற்றும் சில நாட்களில் உற்பத்தி செய்யக்கூடிய 3டி இஞ்சின் ஆகியவை சீரான மற்றும் பாதுகாப்பான நுட்பங்கள்,” என்று அவர் கூறியுள்ளார்.

சோம்நாத சந்திராயான் 3 மற்றும் ஆதியார் சோலார் திட்டங்களின் போது இஸ்ரோ தலைவராக இருந்தவர், அரசின் கொள்கை ஆதரவு காரணமாக இந்திய வர்த்தக விண்வெளித்துறை தனியார்களுக்கான் அதிக வாய்ப்புகளை கொண்டிருக்கும் சூழலில், அக்னிகுல் இயக்குனர் குழுவில் நியமிக்கப்பட்டுள்ளார்.

இந்திய தேசிய விண்வெளி மேம்பாடு மற்றும் அதிகாரமளிக்கும் மையம் (IN-SPACe) தனியார் பங்களிப்பை ஊக்குவித்து வருகிறது. அதே நேரத்தில் அரசு விண்வெளி ஸ்டார்ட் அப்களுக்கு ஆதரவாக பல திட்டங்களை அறிவித்துள்ளது.

டாக்டர் சோம்நாத் பலவிதங்களில் இந்தியாவின் ராக்கெட் கதையை சுமந்து கொண்டிருப்பவர் என்பதால் இந்த நியமனம் மிகவும் முக்கியமானது,” என அக்னிகுல் இணை நிறுவனர் மற்றும் தலைமை செயல் அதிகாரி ஸ்ரீநாத் ரவிசந்திரன் கூறியுள்ளார்.

“அவர் இஸ்ரோவை அதன் தீர்மானமான பல தருணங்களில் வழிநடத்தியுள்ளார். மிஷன் 02 முயற்சியின் போது அவரைப் போன்ற ஒருவரை இயக்குனர் குழுவில் பார்வையாளராக கொண்டிருப்பது என்பது, பூஸ்டர் வடிவமைப்பு, மீட்பு, வட்டப்பாதை செயல்பாடுகளில் அனுபவம் உள்ள ஒருவரை வழிகாட்ட கொண்டிருக்கிறோம்,” என பொருள் என்று அவர் கூறியுள்ளார்.

உலக அளவில் மறு பயன்பாடு ஏவு அமைப்புகள் விண்வெளி திட்டங்களின் மையமாக மாறி வருகின்றன. ஸ்பேஸ் எக்ஸ் நிறுவனம் பால்கான் பூஸ்டர்களை மீட்டு மீண்டும் பயன்படுத்துவதன் வர்த்தக முக்கியத்துவத்தை உணர்த்தியுள்ளது. இது தொடர் செயல்பாடு மூலம் செலவை குறைக்கிறது. புளுஆரிஜின் மற்றும் ராக்கெட் லேப் ஆகிய நிறுவனங்களும் இதே அணுகுமுறையை பின்பற்றுகின்றன.

“இப்போது ஸ்பேஸ் எக்ஸ் ஏன் மறு பயன்பாட்டை நாடுகிறது என புரிகிறது. ஏனெனில் ஒன்றை உருவாக்கி கடலில் வீசுவது கடினமானது,” என மொயின் கூறியுள்ளார்.

மறு பயன்பாடு என்பது தொழில்நுட்ப சாதகம் என்பதை விட துறைக்கான தேவையாக மாறு வருவதாக நிறுவனம் கருதுகிறது.

3டி அச்சு மூலமான செமி கிரயோஜெனிக் இஞ்சினை கொண்ட தனது அக்னிபான் ஏவு வாகனத்தின் இரண்டு அடுக்கு வடிவ நிறுவனம் பயன்படுத்த திட்டமிட்டுள்ளது. இது திரவ ஆக்சிஜன் மற்றும் சுத்திகரித்த கெரோசினை பயன்படுத்துவது அதிக செயல்திறனை அளிக்கிறது. அதே நேரத்தில் உற்பத்தி செய்யவும் எளிதானது.

பூஸ்டரை மீட்பது என்பது, பொறியியல், எரிபொருளாக்கம், வழிகாட்டல், அமைப்புகள், ஏவியானிக்ச் என ஒவ்வொரு கட்டத்திலும் துல்லியத்தை எதிர்நோக்குவது என்றும், சிக்கலான பல ஏவு திட்டங்களை வழிநடத்திய சோம்நாத் போன்ற ஒருவர் அருகில் இருப்பது மிகவும் மதிப்பு மிக்கது என மொயின் கூறியுள்ளார்.

பிரான்சில் நடைபெற்ற பாரத் இன்னவேட்ஸ் 2026 ல், அக்னிகுல் நிறுவனம் பின்லாந்தின் ICEYE மற்றும் பிரான்ஸ் ஏரோஸ்பேஸ் நிறுவனம் சாப்ரானுடன் ஒப்பந்தம் செய்து கொண்டது. இதன் சர்வதேச வர்த்தக மற்றும் தொழில்நுட்ப கூட்டுறவை வலுவாக்கும் வகையில் இவை அமைவதாக நிறுவனம் தெரிவித்தது.

ஐஐடி மெட்ராசில் நிறுவப்பட்ட அக்னிகுல் இந்தியாவின் முதல் தனியார் ஏவுதளத்தில், ஸ்ரீஹரிகோட்டாவில் 2024ல் தனது முதல் துணை வட்டப்பாதை ஏவுதல் திட்டத்தை மேற்கொண்டது.

யுவர்ஸ்டோரி குழு