ஆபரணத் தங்கத்தின் விலை தொடர்ந்து ஏறுமுகம் கண்டுள்ளது. வெள்ளி விலையும் புதிய உச்சங்களை நோக்கி நகர்ந்து கொண்டிருக்கிறது.

சென்னையில் திங்கள்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.80 உயர்ந்து ரூ.12,680 ஆகவும், ஒரு சவரன் விலை ரூ.640 உயர்ந்து ரூ.1,01,440 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.87 உயர்ந்து ரூ.13,833 ஆகவும், சவரன் விலை ரூ.696 உயர்ந்து ரூ.1,10,664 ஆகவும் விற்பனை ஆனது.

ஆபரணத் தங்கம் விலை இன்றும் வெகுவாக உயர்ந்துள்ளது. வெள்ளி விலையும் புதிய வரலாறு காணாத உச்சம் நோக்கி செல்கிறது. தங்கம் சவரன் விலை ரூ.1.02 லட்சத்துக்கு மேலாகவே இருப்பதால் சுப காரியங்களுக்கு அவசரம் எனில் மட்டும் நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.

தங்கம் விலை நிலவரம் - செவ்வாய்க் கிழமை (6.1.2026):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.70 உயர்ந்து ரூ.12,830 ஆகவும், ஒரு சவரன் விலை ரூ.560 உயர்ந்து ரூ.1,02,640 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.77 உயர்ந்து ரூ.13,997 ஆகவும், சவரன் விலை ரூ.616 உயர்ந்து ரூ.1,11,976 ஆகவும் விற்பனை ஆகிறது.

வெள்ளி விலை:

சென்னையில் இன்று (6.1.2026) 1 கிராம் வெள்ளி விலை ரூ.7 உயர்ந்து ரூ.271 ஆகவும், ஒரு கிலோ வெள்ளி விலை ரூ.7,000 உயர்ந்து ரூ.2,71,000 ஆகவும் விற்பனை ஆகிறது.

தங்கம் விலை உயர்வு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.90.12 ஆக உள்ளது. ரூபாய் மதிப்பு மீண்டும் கடும் வீழ்ச்சி கண்டு வருவதுடன், வெனிசுலா மீதான அமெரிக்க தாக்குதல் மற்றும் அதையொட்டிய நகர்வுகளின் தாக்கத்தால், பாதுகாப்பு கருதி தங்கம் மீதான முதலீடு அதிகரிக்கத் தொடங்கியுள்ளது. இது, ஆபரணத் தங்கம் விலையிலும் எதிரொலிக்கிறது.

தங்கம் விலை @ சென்னை

> 22 காரட் தங்கம் 1 கிராம் - ரூ.12,830 (ரூ.70 உயர்வு)

> 22 காரட் தங்கம் 8 கிராம் - ரூ.1,02,640 (ரூ.560 உயர்வு)

> 24 காரட் தங்கம் 1 கிராம் - ரூ.13,997 (ரூ.77 உயர்வு)

> 24 காரட் தங்கம் 8 கிராம் - ரூ.1,11,976 (ரூ.616 உயர்வு)

தங்கம் விலை @ மும்பை

> 22 காரட் தங்கம் 1 கிராம் - ரூ.12,830 (ரூ.70 உயர்வு)

> 22 காரட் தங்கம் 8 கிராம் - ரூ.1,02,640 (ரூ.560 உயர்வு)

> 24 காரட் தங்கம் 1 கிராம் - ரூ.13,997 (ரூ.77 உயர்வு)

> 24 காரட் தங்கம் 8 கிராம் - ரூ.1,11,976 (ரூ.616 உயர்வு)