தங்கம் விலை இன்று சவரனுக்கு 728 ரூபாய் உயர்ந்துள்ளது அனைத்து தரப்பு மக்களையும் அதிர்ச்சியில் ஆழ்த்தியுள்ளது.

தங்கம் விலை நிலவரம் (03/05/2023)

கடந்த சில நாட்களாக மாற்றமின்றி நீடித்து வந்த தங்கம் விலை, நேற்று யாருமே எதிர்பாராத வகையில் சற்றே குறைந்தது. ஆனால், அந்த மகிழ்ச்சியை முழுமையாக அனுபவிப்பதற்குள் இன்று தங்கத்தின் விலை தடாலடியாக உயர்ந்துள்ளது. ஆபரணத்தங்கத்தின் விலை சவரனுக்கு 728 ரூபாய் உயர்ந்து நகை வாங்க ஏக்கத்துடன் காத்திருக்கும் நடுத்தர மக்களை பேரதிர்ச்சியில் ஆழ்த்தியுள்ளது.

சென்னையில் நேற்றைய வர்த்தகத்தின் போது, 22 காரட் ஆபரண தங்கம் கிராம் 5,615 ரூபாய்க்கும், சவரன் 44,920 ரூபாய்க்கும் விற்பனையானது.

இன்றைய நிலவரப்படி, (புதன் கிழமை) 22 காரட் ஆபரண தங்கத்தின் விலை கிராமுக்கு 91 ரூபாய் அதிகரித்து 5,706 ரூபாயாகவும், சவரனுக்கு 728 ரூபாய் அதிகரித்து 45,648 ரூபாய்க்கும் விற்பனையாகி வருகிறது.

இன்றைய மார்க்கெட் நிலவரப்படி, 24 காரட் சுத்த தங்கத்தின் விலை, கிராமுக்கு 91 ரூபாய் அதிகரித்து 6,157 ரூபாயாகவும், சவரனுக்கு 728 ரூபாய் அதிகரித்து 49,256 ரூபாய்க்கும் விற்பனையாகி வருகிறது.

தங்கத்தை போலவே இன்று வெள்ளியின் விலையும் அதிகரித்துள்ளது. வெள்ளி விலை கிராமிற்கு 30 காசுகள் அதிகரித்து 80 ரூபாய் 80 காசுகளுக்கும், கிலோவிற்கு 300 ரூபாய் அதிகரித்து 80 ஆயிரத்து 800 ரூபாய்க்கும் விற்பனையாகி வருகிறது.

உயர்வுக்கான காரணம் என்ன?

அமெரிக்க ஃபெடரல் வங்கி வட்டி விகிதத்தை உயர்த்தும் நடவடிக்கை முன்பாக பணவீக்கம் உயர்ந்து வருவதை கருத்தில் கொண்டு முதலீட்டாளர்கள் மீண்டும் தங்கத்தின் மீது முதலீடு செய்ய ஆரம்பித்துள்ளனர்.

மல்டி கமாடிட்டி எக்ஸ்சேஞ்சில் தங்கத்தின் விலை 99 ரூபாய் அதிகரித்து ரூ.60,727 ஆகவும், வெள்ளியின் விலை 112 ரூபாய் அதிகரித்து கிலோவிற்கு ரூ.76,360 ஆகவும் விற்பனையாகிறது.

தங்கம் விலை @ சென்னை

> 22 காரட் தங்கம் 1 கிராம் - ரூ. 5,706 (மாற்றம்: ரூ.91 அதிகரிப்பு)

> 22 காரட் தங்கம் 8 கிராம் - ரூ.45,648 (மாற்றம்: ரூ.728 அதிகரிப்பு)

> 24 காரட் தங்கம் 1 கிராம் - ரூ.6,157 (மாற்றம்: ரூ.91 அதிகரிப்பு)

> 24 காரட் தங்கம் 8 கிராம் - ரூ. 49,256 (மாற்றம்: ரூ.728 அதிகரிப்பு)

தங்கம் விலை @ மும்பை

> 22 காரட் தங்கம் 1 கிராம் - ரூ. 5,650 (மாற்றம்: ரூ.80 அதிகரிப்பு)

> 22 காரட் தங்கம் 8 கிராம் - ரூ.45,200 (மாற்றம்: ரூ.640 அதிகரிப்பு)

> 24 காரட் தங்கம் 1 கிராம் - ரூ.6,164 (மாற்றம்: ரூ.88 அதிகரிப்பு)

> 24 காரட் தங்கம் 8 கிராம் - ரூ. 49,312 (மாற்றம்: ரூ.704 அதிகரிப்பு)