ஆபரணத் தங்கம் விலை நேற்று ஒரே நாளில் ரூ.1,160 உயர்ந்து, சவரம் விலை ரூ.1 லட்சம் என்ற வரலாறு காணாத உச்சத்தை எட்டிய நிலையில், இன்று அதே வேகத்தில் ரூ.1,320 குறைந்துள்ளது.

சென்னையில் திங்கள்கிழமை சில்லரை விற்பனைச் சந்தையில் இருமுறை தங்கம் விலை உயர்ந்தது. 22 காரட் தங்கம் 1 கிராமின் விலை ரூ.12,515 ஆகவும், ஒரு சவரன் விலை ரூ.1,00,120 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.13,653 ஆகவும், சவரன் விலை ரூ.1,09,244 ஆகவும் இருந்தது.

ரூ.1 லட்சத்தை எட்டிய மறுநாளிலேயே ஆபரணத் தங்கம் விலை அதிரடியாக ரூ.1,320 குறைந்துள்ளது. அதேபோல், வெள்ளி விலையும் இன்று வெகுவாக சரிந்துள்ளது. தற்போதைய சூழலில், சுப காரியங்களுக்கு அவசரம் எனில் மட்டும் நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.

தங்கம் விலை நிலவரம் - செவ்வாய்க்கிழமை (16.12.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.165 குறைந்து ரூ.12,350 ஆகவும், ஒரு சவரன் விலை ரூ.1,320 குறைந்து ரூ.98,800 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.180 குறைந்து ரூ.13,473 ஆகவும், சவரன் விலை ரூ.1,440 குறைந்து ரூ.1,07,784 ஆகவும் விற்பனை ஆகிறது.

வெள்ளி விலை:

சென்னையில் இன்று (16.12.2025) 1 கிராம் வெள்ளி விலை ரூ.4 குறைந்து ரூ.211 ஆகவும், ஒரு கிலோ வெள்ளி விலை ரூ.4,000 குறைந்து ரூ.2,11,000 ஆகவும் உள்ளது.

தங்கம் விலை சரிவு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.90.77 ஆக இருந்தது. ரூபாய் மதிப்பு வரலாறு காணாத அளவில் வீழ்ச்சி காண்பது தொடருகிறது. எனினும் கூட, சர்வதேச அளவில் தங்கம் மீதான முதலீடு வெகுவாக குறைந்ததன் காரணமாக, ஆபரணத் தங்கத்தின் இன்று அதிரடியாக சரிந்துள்ளது.

தங்கம் விலை @ சென்னை

> 22 காரட் தங்கம் 1 கிராம் - ரூ.12,350 (ரூ.165 குறைவு)

> 22 காரட் தங்கம் 8 கிராம் - ரூ.98,800 (ரூ.1,320 குறைவு)

> 24 காரட் தங்கம் 1 கிராம் - ரூ.13,473 (ரூ.180 குறைவு)

> 24 காரட் தங்கம் 8 கிராம் - ரூ.1,07,784 (ரூ.1,440 குறைவு)

தங்கம் விலை @ மும்பை

> 22 காரட் தங்கம் 1 கிராம் - ரூ.12,350 (ரூ.165 குறைவு)

> 22 காரட் தங்கம் 8 கிராம் - ரூ.98,800 (ரூ.1,320 குறைவு)

> 24 காரட் தங்கம் 1 கிராம் - ரூ.13,473 (ரூ.180 குறைவு)

> 24 காரட் தங்கம் 8 கிராம் - ரூ.1,07,784 (ரூ.1,440 குறைவு)