ஆபரணத் தங்கத்தின் விலை இன்று சற்றே உயர்ந்துள்ளது, நகை வாங்க விழைவோருக்கு கலக்கம் தந்துள்ளது. அதேவேளையில், வெள்ளி விலை புதிய உச்சம் தொட்டுள்ளது.

சென்னையில் செவ்வாய்க்கிழமை சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.30 குறைந்து ரூ.12,040 ஆகவும், ஒரு சவரன் விலை ரூ.240 குறைந்து ரூ.96,320 ஆகவும் இருந்தது. அதேவேளையில், 24 காரட் சுத்தத் தங்கம் 1 கிராம் விலை ரூ.32 குறைந்து ரூ.13,135 ஆகவும், சவரன் விலை ரூ.256 குறைந்து ரூ.1,05,080 ஆகவும் விற்பனை ஆனது.

தற்போது அமெரிக்க டாலருக்கு நிகரான ரூபாய் மதிப்பு வரலாறு காணாத அளவில் வீழ்ச்சி கண்டுள்ளதும் தங்கம் விலை உயர்வில் எதிரொலித்து வருகிறது. ஆபரணத் தங்கம் கிராம் விலை ரூ.12,000-க்கும் மேலாகவும், சவரன் விலை ரூ.96,000-க்கு மேலாகவுமே நீடிக்கிறது.

அதேவேளையில், வெள்ளி விலை இன்று புதிய உச்சம் தொட்டுள்ளது. தற்போதைய சூழலில், சுப காரியங்களுக்கு அவசரம் எனில் மட்டும் நகை வாங்கலாம். ஆனால், முதலீடு என்று வரும்போது உங்களின் நிதிச் சூழலைப் பொறுத்து, தனிப்பட்ட ஆலோசனை பெறுவது அவசியம் என்கின்றனர் வர்த்தக நிபுணர்கள்.

தங்கம் விலை நிலவரம் - புதன்கிழமை (3.12.2025):

சென்னையில் இன்று சில்லரை விற்பனைச் சந்தையில் 22 காரட் தங்கம் 1 கிராமின் விலை ரூ.20 உயர்ந்து ரூ.12,060 ஆகவும், ஒரு சவரன் விலை ரூ.160 உயர்ந்து ரூ.96,480 ஆகவும் இருக்கிறது. அதேவேளையில், 24 காரட் சுத்தத் தங்கம் 1 கிராம் விலை ரூ.22 உயர்ந்து குறைந்து ரூ.13,157 ஆகவும், சவரன் விலை ரூ.176 உயர்ந்து ரூ.1,05,256 ஆகவும் விற்பனை ஆகிறது.

வெள்ளி விலை:

சென்னையில் இன்று (3.12.2025) 1 கிராம் வெள்ளி விலை ரூ.5 உயர்ந்து ரூ.201 ஆகவும், ஒரு கிலோ வெள்ளி விலை ரூ.5,000 உயர்ந்து ரூ.2,01,000 ஆகவும் உச்சம் தொட்டுள்ளது.

தங்கம் விலை உயர்வு ஏன்?

சர்வதேச பொருளாதார சூழல், ரூபாய் - டாலர் மதிப்பு உள்ளிட்ட காரணிகளால் தங்கம் விலையில் மாற்றம் ஏற்படுகிறது. குறிப்பாக, அமெரிக்க டாலருக்கு நிகரான ரூபாய் மதிப்பு வீழ்ச்சி காணும்போதெல்லாம் தங்கம் விலை உயரும். தற்போது, டாலருக்கு நிகரான ரூபாய் மதிப்பு ரூ.90.23 ஆக உள்ளது.

தற்போது ரூபாய் மதிப்பு வரலாறு காணாத வீழ்ச்சியை எட்டி இருப்பதாலும், சர்வதேச அளவில் தங்கம் மீதான முதலீடு அதிகரித்து வருவதாலும் இந்தியாவில் ஆபரணத் தங்கம் விலை மென்மேலும் அதிகரிக்கும் அபாயம் உள்ளதாக வர்த்தக நிபுணர்கள் கூறுகின்றனர்.

தங்கம் விலை @ சென்னை

> 22 காரட் தங்கம் 1 கிராம் - ரூ.12,060 (ரூ.20 உயர்வு)

> 22 காரட் தங்கம் 8 கிராம் - ரூ.96,480 (ரூ.160 உயர்வு)

> 24 காரட் தங்கம் 1 கிராம் - ரூ.13,157 (ரூ.22 உயர்வு)

> 24 காரட் தங்கம் 8 கிராம் - ரூ.1,05,256 (ரூ.176 உயர்வு)

தங்கம் விலை @ மும்பை

> 22 காரட் தங்கம் 1 கிராம் - ரூ.12,060 (ரூ.20 உயர்வு)

> 22 காரட் தங்கம் 8 கிராம் - ரூ.96,480 (ரூ.160 உயர்வு)

> 24 காரட் தங்கம் 1 கிராம் - ரூ.13,157 (ரூ.22 உயர்வு)

> 24 காரட் தங்கம் 8 கிராம் - ரூ.1,05,256 (ரூ.176 உயர்வு)