Bharat Innovates 2026: பிரான்சில் ஐஐடி மெட்ராஸ், ஐஐஎம் இணைந்து 7 புரிந்துணர்வு ஒப்பந்தங்கள்!

பிரான்சில் நடைபெறும் 'பாரத் இன்னவேட்ஸ் 2026' முதல் நாள் நிகழ்ச்சியில், ஐஐடி மெட்ராஸ் மற்றும் ஐஐடிஎம் குளோபல், இந்திய ஆழ்நுட்ப ஸ்டார்ட் அப்’கள் மற்றும் பிரதானமாக பிரான்ஸ் நிறுவனங்களை உள்ளடக்கிய சர்வதேச பங்குதாரர்களுடன் ஏழு வர்த்தக புரிந்துணர்வு ஒப்பந்தங்களை பரிமாற்றம் செய்துள்ளது.

மேலும், சர்வதேச சந்தை அணுகல், முதலீடு மற்றும் புதுமையாக்கத்திற்கான அமைப்புகள் சார்ந்த புரிந்துணர்வு ஒப்பந்தங்கள் இரண்டும் கையெழுத்தானது.

இந்த ஒப்பந்தங்கள் கூட்டாக, 100 மில்லியன் டாலர் அளவுக்கு மதிப்பை உருவாக்கக் கூடியதாக கருதப்படுகிறது. ஆழ்நுட்ப புதுமையாக்கம் மற்றும் நாடுகளுக்கு இடையிலான கூட்டு முயற்சியில் மையமாக இந்தியாவை நிலை நிறுத்தவும் வழி செய்யும்.

ஸ்டார்ட் அப் கூட்டு முயற்சி ஒப்பந்தங்கள் சில வருமாறு:

• அக்னிகுல் காஸ்மோஸ் - ICEYE பின்லாந்து, சாப்ரான், பிரான்ஸ்
• டைரக்ட் டெக்னாலஜிஸ் – டோடல் எனர்ஜீஸ்
• TuTr ஹைபர்லூப் – thyssenkrupp
• ஐ எல்கெட்ரான் டெக்னாலஜிஸ் - ALTEN
• இந்தியன் ஏஞ்சல் நெட்வொர்க், தி இபிளேன் கம்பெனியில் முதலீடு வாய்ப்பை அறிவித்துள்ளது.

“பாரத் இன்னவேட்ஸ் 2026 இந்திய ஆழ்நுட்ப ஸ்டார்ட் அப்’களுக்கு திருப்புமுனையாக அமைந்துள்ளது. இந்த புரிந்துணர்வு ஒப்பந்தங்கள் வெறும் வழக்கமானவை அல்ல, இவை வர்த்தக நோக்கில் செயல்படக்கூடியவை மற்றும் தீவிர நிதி உறுதி கொண்டவை. இந்திய முன்னணி உயர்கல்வி நிறுவனங்கள் இந்திய புதுமையாக்கம் உலக அரங்கிற்கு தயாராக இருப்பதை நிருபித்துள்ளன,” என்று ஐஐடி மெட்ராஸ் இயக்குனர் வி.காமமோடி கூறினார்.

“அறிவியல் மேன்மை பொருளாதார மதிப்பாக மாறுவதை இங்கே கண்டுள்ளோம். எதிர்பார்க்கப்படும் 100 மில்லியன் டாலர் அளவிலான மதிப்பு உருவாக்கம் ஐஐடி மெட்ராஸ் பல ஆண்டுகளாக ஆழ்நுட்பத்தில் கவனம் செலுத்தி வருவதன் பலன்,” என்று ஐஐடி மெட்ராஸ், டீன் மனு சந்தானம் கூறினார்.

ஐஐடிஎம் குளோபல் மற்றும் அக்னா கேபிடல் இடையிலும் ஒப்பந்தம் கையெழுத்தானது. மேலும், ஐஐடிஎம் மற்றும் SouthwestX இடையிலும் ஜெர்மனி மற்றும் பிரான்ஸ் சந்தை அணுகலுக்கான கூட்டு முயற்சி ஒப்பந்தம் கையெழுத்தானது.

இந்த புரிந்துணர்வு ஒப்பந்தங்கள் மத்திய வர்த்தகத் துறை அமைச்சர் பியூஷ் கோயல் மற்றும் முதன்மை அறிவியல் ஆலோசகர் அஜய் சூட் முன்னிலையில் கையெழுத்தானது. இந்த அறிவிப்புகள் தவிர, ஐஐடி மெட்ராஸ் ஆய்வு குழுக்கள் உருவாக்கிய பல வகையான தொழில்நுட்பங்களை காட்சிப்படுத்தியது.

“ஐரோப்பிய நாடுகளின் பங்கேற்பாளர்களிடம் இருந்து கிடைத்த வரவேற்பு ஐஐடி மெட்ராஸ் புதுமையாக்கத்திற்கான அங்கீகாரமாக அமைகிறது,” என்று ஐஐடிஎம் குளோபல் சி.இ.ஓ.மற்றும் இயக்குனர் திருமலை மாதவநாராயணன் கூறினார்.