“பெரிய வளர்ச்சிக்கான உந்து சக்தியே மைக்ரோ ஃபைனான்ஸ்” - ஆர்பிஐ துணை கவர்னர் சுவாமிநாதன்

மும்பையில் நடைபெற்ற MFIN நிகழ்வில் Micro Matters: Macro View - India Microfinance Review FY 2024-25 அறிக்கையை வெளியிடும்போது, ஆர்பிஐ துணை ஆளுநர் சுவாமிநாதன், மைக்ரோஃபைனான்ஸின் முக்கியத்துவத்தை வலியுறுத்தினார்.

சுவாமிநாதன் வெளியிட்ட கருத்துகளின் முக்கிய அம்சங்கள்:

“பொறுப்புடன் வழங்கப்படும் மைக்ரோஃபைனான்ஸ் ‘மைக்ரோ’ அல்ல; அது ‘மேக்ரோ முன்னேற்றமாக’ மாறும்” என அவர் குறிப்பிட்டார்.

“சிறு கடன்கள் வாழ்வாதாரத்தை உருவாக்கி, கடனாளிகளை தொழில் அதிபர்களாக மாற்றும் சக்தி கொண்டவை” என்றார்.

“இந்தியாவின் நிதி உட்சேர்க்கை சூழல் கடந்த 10 ஆண்டுகளில் பெரிதும் விரிந்துள்ளதால், மைக்ரோஃபைனான்ஸ் தாக்கம் மேலும் அதிகரிக்கும்” என்றார்.

மேலும், “ஜன் தன, ஆதார், யுபிஐ, அக்கவுண்ட் அக்கிரிகேட்டர் எனும் பொது தளங்கள், மைக்ரோஃபைனான்ஸ் சேவைகளை பாரம்பரிய கிளைகளுக்கு அப்பால் கொண்டு செல்ல உதவுகின்றன” என்று அவர் கூறினார்.

நிதி உட்சேர்க்கை குறியீடு 2017-இல் 43.4 இருந்தது, தற்போது அது 67.0 ஆக உயர்ந்துள்ளது என அவர் சுட்டிக்காட்டினார்.

மைக்ரோஃபைனான்ஸ் ஏன் முக்கியம்? - சுவாமிநாதனின் நான்கு காரணங்கள்:

• தகவல் மற்றும் அடமான இடைவெளிகளை நிரப்புகிறது.

• பயனாளிகளின் உற்பத்தி திறனை உயர்த்துகிறது.

• நிதி புதுமைகளுக்கான தளம் வழங்குகிறது.

• வெளியேற்றப்பட்ட குடும்பங்களை முறையான நிதி அமைப்புடன் இணைக்கிறது.

அடுத்த கட்ட வளர்ச்சிக்கு அவர் முன்வைத்த 5 யோசனைகள்:

• குடும்ப அளவின் கடன் மதிப்பீடு

• underwriting-இல் Explainable AI

• ஒற்றை தயாரிப்பிலிருந்து மைக்ரோ-என்டர்பிரைஸ் நிதியளிப்புக்கு மாற்றம்

• காலநிலை தாக்கங்களை கருத்தில் கொள்ளும் கடன் மாதிரிகள்

• பொறுப்பான தரவு பாதுகாப்பு

ஒழுங்குமுறை குறித்த எச்சரிக்கைகள்:

2022 மைக்ரோஃபைனான்ஸ் கட்டமைப்பு மாற்றம் கடன் பெறுநர் நலனையே மையமாகக் கொண்டது.

வட்டி விகித சுதந்திரம் வழங்கப்பட்டாலும், பொறுப்பான நடைமுறைக்கு உயர்ந்த தரம் வேண்டியது அவசியம் என்றார்.

ஒப்பந்தங்கள் வெளிப்படையாகவும், உள்ளூர் மொழிகளில் விளக்கப்பட்டும் இருக்க வேண்டும் என்று அவர் வலியுறுத்தினார்.

அதிகப்படியான கடன் சுமை, தவறான வசூல் நடைமுறைகள், கிரெடிட் பியூரோ தகவல் தவறுகள் - இவை தவிர்க்கப்பட வேண்டும்.

வசூல் அவுட்சோர்ஸிங் செய்தாலும், பொறுப்பு குறையாது என அவர் தெளிவுபடுத்தினார்.

இறுதியாக, “தொழில் தரநிலைகள் உயர்ந்தால், கண்காணிப்பு தளர்வாக இருக்கலாம். சுதந்திரத்துக்கும் பொறுப்புக்கும் இணைபிரியா உறவு உள்ளது” என்றார்.

- ஏஎன்ஐ