எலெக்ட்ரிக் ஸ்கூட்டரில் அடுத்த அதிரடி; பட்ஜெட் விலையில் புதிய மாடல்களை களமிறக்கிய ஓலா!

ஓலா எலெக்ட்ரிக் நிறுவனம் தனது புதிய மின்சார ஸ்கூட்டரான S1X-யை ரூ.79,999 அறிமுக விலையில் அறிமுகப்படுத்தியுள்ளது.

இந்தியாவில் எலக்ட்ரிக் ஸ்கூட்டர் சந்தையில் முன்னணியில் இருக்கும் ஓலா எலக்ட்ரிக் இரண்டு புதிய மாடல்களை அறிமுகப்படுத்தியுள்ளது. ஒன்று S1X மற்றொன்று S1X+. இவை இரண்டின் விலையும் ஒரு லட்சம் ரூபாய்க்கும் குறைவாக இருப்பது குறிப்பிடத்தக்கது.

இந்த எலக்ட்ரிக் ஸ்கூட்டர்களில் S1X ஸ்கூட்டர் டெலிவரி டிசம்பரிலும், S1X+ டெலிவரி செப்டம்பர் இறுதியிலும் தொடங்கும் என எதிர்பார்க்கப்படுகிறது.

பட்ஜெட் விலை:

ஓலா எலக்ட்ரிக் நிறுவனத்தின் மிகவும் மலிவு விலையில் கிடைக்கும் மின்சார ஸ்கூட்டர்கள் S1X மற்றும் S1X+ ஆகும். இவை இரண்டும் Ola S1 Air-ஐ விட மலிவானவை. Ola S1X விலை ரூ. 79,999. இதில் 2 கிலோவாட் பேட்டரி பேக்அப் உள்ளன. S1X+ விலை ரூ.99,999 ஆகும்.

பேட்டரி பேக் ஆப்ஷன்கள்:

S1X இரண்டு பேட்டரி பேக் ஆப்ஷன்களைக் கொண்டுள்ளது.

3 கிலோவாட் பேட்டரி பேக் கொண்ட எஸ்1எக்ஸ் எலக்ட்ரிக் ஸ்கூட்டரின் அறிமுக விலை ரூ.89,999 ஆகும். இந்த விலையில் ஆகஸ்ட் 21 வரை கிடைக்கும் என ஓலா எலெக்ட்ரிக் நிறுவனம் அறிவித்துள்ளது. அதன் பிறகு, விலை ரூ.99,999 அதிகரிக்கப்படவுள்ளது.

2kW பேட்டரி பேக் கொண்ட S1X எலக்ட்ரிக் ஸ்கூட்டரின் அறிமுக விலை ரூ.79,999 ஆகும். இந்த விலை ஆகஸ்ட் 21 வரை செல்லுபடியாகும். அதன் பிறகு, ரூ.89,999 அதிகரிக்கப்பட உள்ளது.

S1X+ எலக்ட்ரிக் ஸ்கூட்டர் மூன்று கிலோவாட் பேட்டரி பேக்குடனும் வருகிறது. இதன் விலை ரூ.99,999. இந்த விலையும் ஆகஸ்ட் 21 வரை கிடைக்கும் அதன் பிறகு விலை ரூ.1,09,999 அதிகரிக்கப்படவுள்ளது.

150 கிமீ பைக் வரம்பு:

இந்த எலக்ட்ரிக் ஸ்கூட்டர்களின் 3 kW பைக் வரம்பு 151 கிலோமீட்டர் ஆகும். S1X+ அதிகபட்சமாக மணிக்கு 90 கிலோமீட்டர் வேகத்தில் செல்லும். இந்த எலக்ட்ரிக் ஸ்கூட்டர்கள் மல்டி டோன் டிசைனில் வருகிறது. அதாவது, ஸ்கூட்டரின் கீழ் பாதி கருப்பு மற்றும் மேல் பாதி வேறு நிறத்தில் உள்ளது. இந்த ஸ்கூட்டர்களில் அலாய் வீல்களுக்குப் பதிலாக ஸ்டீல் ரிம்கள் பயன்படுத்தப்பட்டுள்ளன. முன் மற்றும் பின்புற டயர்களில் டிரம் பிரேக்குகள் பொருத்தப்பட்டுள்ளன.

ஓலா எலெக்ட்ரிக் நிறுவனம் S1X (2khw), S1X, S1X+, S1Air மற்றும் S1 Pro ஆகிய ஸ்கூட்டர்களை ரூ.89,999 முதல் ரூ.1.47 லட்சம் வரை விற்பனை செய்து வருகிறது. இந்நிகழ்ச்சியில் ஓலா எலக்ட்ரிக் தனது நான்கு மின்சார மோட்டார் சைக்கிள்களையும் குரூசர், அட்வென்ச்சர், ரோட்ஸ்டர் மற்றும் சூப்பர் ஸ்போர்ட்ஸ் பிரிவுகளில் காட்சிப்படுத்தியது.