Stock News: பங்குச் சந்தை ரெட் அலர்ட் நீடிப்பு - சென்செக்ஸ் 300+ புள்ளிகள் சரிவு

மேற்காசிய பதற்றம், கச்சா எண்ணெய் விலை உயர்வு உள்ளிட்ட காரணங்களால் மும்பை மற்றும் தேசிய பங்குச் சந்தையில் சரிவுப் போக்கு நீடிக்கிறது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 166.19 புள்ளிகள் சரிந்து 77,070.93 ஆக இருந்தது. அதேவேளையில், தேசிய பங்குச் சந்தையில் நிஃப்டி 59 புள்ளிகள் சரிந்து 24,096.75 ஆக இருந்தது.

“அமெரிக்கா - ஈரான் இடையிலான மோதல், ஹார்முஸ் ஜலசந்தி முடக்கம், கச்சா எண்ணெய் விலை பேரலுக்கு 92 டாலரை நெருங்கியதன் தாக்கத்தால் இந்திய பங்குச் சந்தையில் வீழ்ச்சி தொடர்கிறது” என நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் எடர்னல், சன் பார்மா, கோடக் மஹிந்திரா பேங்க், டைடன் கம்பெனி உள்ளிட்ட நிறுவனப் பங்குகள் ஏற்றம் கண்டிருந்தன. ஆக்சிஸ் பேங்க், பஜாஜ் ஃபைனான்ஸ், ரிலையன்ஸ் இண்டஸ்ட்ரீஸ், இண்டஸ்இண்ட் பேங்க் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11 மணியளவில் சென்செக்ஸ் 323.95 புள்ளிகள் சரிந்து 76,911.51 ஆகவும், நிஃப்டி 101.55 புள்ளிகள் சரிந்து 24,053.35 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளில் பாதகப் போக்கு நிலவுகிறது. அமெரிக்கா - ஈரான் இடையே மோதல், ஹார்முஸ் ஜலசந்தி முடக்கம், கச்சா எண்ணெய் விலை பேரலுக்கு 92 டாலரை நெருங்கியதன் தாக்கத்தால் இந்திய பங்குச் சந்தையில் வீழ்ச்சி தொடர்கிறது.

ஏறுமுகம் காணும் பங்குகள்:

எடர்னல்

சன் பார்மா

கோடக் மஹிந்திரா பேங்க்

டைடன் கம்பெனி

ஹெச்சிஎல் டெக்னாலஜிஸ்

இன்போசிஸ்

எம் அண்ட் எம்

நெஸ்லே இந்தியா

பாரதி ஏர்டெல்

இறங்கு முகம் காணும் பங்குகள்:

ஆக்சிஸ் பேங்க்

பஜாஜ் ஃபைனான்ஸ்

ரிலையன்ஸ் இண்டஸ்ட்ரீஸ்

இண்டஸ்இண்ட் பேங்க்

என்டிபிசி

பவர் கிரிட் கார்ப்பரேஷன்

பஜாஜ் ஃபின்சர்வ்

ஐடிசி

மாருதி சுசுகி

டிசிஎஸ்

டாடா ஸ்டீல்

ஐசிஐசிஐ பேங்க்

அதானி போர்ட்ஸ்

ஹெச்டிஎஃப்சி பேங்க்

டாடா மோட்டார்ஸ்

டெக் மஹிந்திரா

இண்டஸ்இண்ட் பேங்க்

எஸ்பிஐ

இந்துஸ்தான் யூனிலீவர்

ஏசியன் பெயின்ட்ஸ்

எல் அண்ட் டி

டைடன் கம்பெனி

அல்ட்ராடெக் சிமென்ட்ஸ்

ரூபாய் மதிப்பு:

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.95.67 ஆக இருந்தது.