Stock News: முதலீட்டாளர்கள் நிதானம்; இந்திய பங்குச் சந்தையில் தடுமாற்றம்...

பல்வேறு காரணிகளால் முதலீட்டாளர்கள் நிதானம் காட்டி வருவதன் எதிரொலியாக, மும்பை மற்றும் தேசிய பங்குச் சந்தைகளில் இறக்கமும் ஏற்றமுமாக தடுமாற்றம் நிலவுகிறது.

மும்பை பங்குச் சந்தையில் இன்று (ஜன.14) காலை வர்த்தகம் தொடங்கும்போது சென்செக்ஸ் 53.88 புள்ளிகள் சரிந்து 83,573.11 ஆக இருந்தது. அதேவேளையில், தேசிய பங்குச் சந்தையில் நிஃப்டி 16.55 புள்ளிகள் சரிந்து 25,719.25 ஆக இருந்தது.

“ஈரான் பதற்றம், அமெரிக்க வரி விதிப்பு அச்சுறுத்தல்கள் உள்ளிட்ட சர்வதேச காரணிகளால் முதலீட்டாளர்கள் நிதானம் காத்து வருகின்றனர். அத்துடன், வெளிநாட்டு முதலீடுகள் வரத்தும் குறைந்துள்ளதால் இந்திய பங்குச் சந்தைகளில் தடுமாற்றம் தொடர்கிறது,” என வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய வர்த்தகத்தில் டாடா ஸ்டீல், இண்டஸ்இண்ட் பேங்க், என்டிபிசி, ஆக்சிஸ் பேங்க், டாடா மோட்டார்ஸ், ரிலையன்ஸ் இண்டஸ்ட்ரீஸ் உள்ளிட்ட நிறுவனப் பங்குகள் ஏற்றம் கண்டுள்ளன. எம் அண்ட் எம், எடர்னல் லிட், எல் அண்ட் டி, பஜாஜ் ஃபைனான்ஸ், எஸ்பிஐ, பஜாஜ் ஃபின்சர்வ், டெக் மஹிந்திரா உள்ளிட்ட நிறுவனப் பங்குகள் சரிவை சந்தித்துள்ளன.

இன்று முற்பகல் 11.30 மணியளவில் சென்செக்ஸ் 20.88 புள்ளிகள் உயர்ந்து 83,648.57 ஆகவும், நிஃப்டி 18.60 புள்ளிகள் உயர்ந்து 25,750.90 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஜப்பான், ஷாங்காங், தென் கொரியா மற்றும் ஷாங்காயில் ஏற்றம் நிலவுகிறது. எனினும், இந்திய பங்குச் சந்தைகளில் சரிவுதான் தொடர்கிறது. ஈரான் பதற்றம், அமெரிக்க வரி விதிப்பு அச்சுறுத்தல்கள் உள்ளிட்ட சர்வதேச காரணிகளால் முதலீட்டாளர்கள் நிதானம் காத்து வருகின்றனர். அத்துடன், வெளிநாட்டு முதலீடுகள் வரத்தும் குறைந்துள்ளதும் குறிப்பிடத்தக்கது. இதனால் சென்செக்ஸ், நிஃப்டி புள்ளிகள் தொடர்ந்து தடுமாற்றம் கண்டுள்ளன.

ஏற்றம் காணும் பங்குகள்:

டாடா ஸ்டீல்

இண்டஸ்இண்ட் பேங்க்

என்டிபிசி

ஆக்சிஸ் பேங்க்

டாடா மோட்டார்ஸ்

ரிலையன்ஸ் இண்டஸ்ட்ரீஸ்

அல்ட்ராடெக் சிமென்ட்ஸ்

டைடன் கம்பெனி

அதானி போர்ட்ஸ்

ஐடிசி

இன்போசிஸ்

நெஸ்லே இந்தியா

பவர் கிரிட் கார்ப்பரேஷன்

ஹெச்சிஎல் டெக்னலாஜிஸ்

இறங்கு முகம் காணும் பங்குகள்:

எம் அண்ட் எம்

எடர்னல் லிட்

எல் அண்ட் டி

பஜாஜ் ஃபைனான்ஸ்

எஸ்பிஐ

பஜாஜ் ஃபின்சர்வ்

டெக் மஹிந்திரா

மாருதி சுசுகி

கோடக் மஹிந்திரா பேங்க்

ஹெச்டிஎஃப்சி பேங்க்

பாரதி ஏர்டெல்

சன் பார்மா

ஐசிஐசிஐ பேங்க்

ஹிந்துஸ்தான் யூனிலீவர்

ஏசியன் பெயின்ட்ஸ்

டிசிஎஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.21 ஆக இருந்தது.