Stock News: பங்குச் சந்தையில் தொடரும் ‘ரெட்’ அலர்ட் - மவுசு குறையாத பங்குகள் எவை?

இந்திய பங்குச் சந்தையில் இன்றும் ரெட் அலர்ட் போக்குதான் நிலவுகிறது. ஒரு சில நிறுவனப் பங்குகள் மட்டுமே ஏற்றம் கண்டுள்ளன.

மும்பை பங்குச் சந்தையில் இன்று (டிச.26) காலை வர்த்தகம் தொடங்கும்போது சென்செக்ஸ் 183.42 புள்ளிகள் சரிந்து 85,225.28 ஆக இருந்தது. அதேவேளையில், தேசிய பங்குச் சந்தையில் நிஃப்டி 46.45 புள்ளிகள் சரிந்து 26,095.65 ஆக இருந்தது.

“இந்தியா - அமெரிக்கா இடையிலான வர்த்தகப் பேச்சுவார்த்தையில் எதிர்பார்த்த முன்னேற்றம் இல்லாதது, உள்ளூர் முதலீட்டாளர்கள் பங்குகளை விற்பதில் ஆர்வம் காட்டுவது, வெளிநாட்டு முதலீடுகளின் வரத்து குறைந்தது உள்ளிட்ட காரணங்களால் இந்திய பங்குச் சந்தையில் சரிவுப் போக்கு நீடிக்கிறது,” என வர்த்தக நிபுணர்கள் தெரிவித்துள்ளனர்.

மும்பை பங்குச் சந்தையின் இன்றைய வர்த்தகத்தில் டைடன் கம்பெனி, இண்டஸ்இண்ட் பேங்க், அல்ட்ராடெக் சிமென்ட்ஸ், நெஸ்லே இந்தியா, அதானி போர்ட்ஸ், பவர் கிரிட் கார்ப்பரேஷன், ஆக்சிஸ் பேங்க், ரிலையன்ஸ் இண்டஸ்ட்ரீஸ் ஆகிய நிறுவனப் பங்குகள் ஏற்றம் கண்டிருந்தன; ஏனைய பல்வேறு நிறுவனப் பங்குகள் சரிவை சந்தித்தன.

இன்று முற்பகல் 11.30 மணியளவில் சென்செக்ஸ் 227.20 புள்ளிகள் சரிந்து 85,181.51 ஆகவும், நிஃப்டி 63.50 புள்ளிகள் சரிந்து 26,078.60 ஆகவும் இருந்தது.

காரணம் என்ன?

அமெரிக்க பங்குச் சந்தைக்கு கிறிஸ்துமஸ் விடுமுறை. ஆசிய பங்குச் சந்தைகளைப் பொறுத்தவரையில் தென் கொரியா, ஜப்பான், ஹாங்காங்கில் ஏற்றமும், ஷாங்காயில் சரிவும் நிலவுகிறது. இந்தியா - அமெரிக்கா இடையிலான வர்த்தகப் பேச்சுவார்த்தையில் எதிர்பார்த்த முன்னேற்றம் இல்லாதது, உள்ளூர் முதலீட்டாளர்கள் பங்குகளை விற்பதில் ஆர்வம் காட்டுவது, வெளிநாட்டு முதலீடுகளின் வரத்து குறைந்தது உள்ளிட்ட காரணங்களால் இந்திய பங்குச் சந்தையில் சரிவுப் போக்கு நீடிக்கிறது.

ஏற்றம் காணும் பங்குகள்:

டைடன் கம்பெனி

இண்டஸ்இண்ட் பேங்க்

அல்ட்ராடெக் சிமென்ட்ஸ்

நெஸ்லே இந்தியா

அதானி போர்ட்ஸ்

பவர் கிரிட் கார்ப்பரேஷன்

ஆக்சிஸ் பேங்க்

ரிலையன்ஸ் இண்டஸ்ட்ரீஸ்

இறங்கு முகம் காணும் பங்குகள்:

பஜாஜ் ஃபைனான்ஸ்

மாருதி சுசுகி

எம் அண்ட் எம்

என்டிபிசி

பாரதி ஏர்டெல்

கோடக் மஹிந்திரா பேங்க்

எடர்னல் லிட்

ஹெச்டிஎஃப்சி பேங்க்

டாடா ஸ்டீல்

எஸ்பிஐ

எல் அண்ட் டி

ஐடிசி

ஹெச்சிஎல் டெக்னாலஜிஸ்

டெக் மஹிந்திரா

ஐசிஐசிஐ பேங்க்

இந்துஸ்தான் யூனிலீவர்

ஏசியன் பெயின்ட்ஸ்

இன்போசிஸ்

பஜாஜ் ஃபின்சர்வ்

டாடா மோட்டார்ஸ்

சன் பார்மா

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.82 ஆக இருந்தது.