Stock News: ஏற்றம் கண்ட பின் சரிவு... இந்திய பங்குச் சந்தையில் நடப்பது என்ன?

மும்பை மற்றும் தேசிய பங்குச் சந்தையில் இன்று காலை ஏற்றத்துடன் தொடங்கிய வர்த்தகம் பின்னர் சரிவுக்குச் சென்றது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 202.42 புள்ளிகள் உயர்ந்து 77,744.15 ஆக இருந்தது. அதேவேளையில், தேசிய பங்குச் சந்தையில் நிஃப்டி 55.35 புள்ளிகள் உயர்ந்து 24,309 ஆக இருந்தது. பின்னர் சென்செக்ஸ், நிஃப்டி புள்ளிகள் சரியத் தொடங்கின.

“மேற்காசிய பதற்றத்தால் கச்சா எண்ணெய் விலை பேரலுக்கு 93 டாலரை தாண்டிவிட்டது. சர்வதேச சந்தைகளில் பாதகமான போக்கே நிலவுகிறது. இதனால், இந்திய பங்குச் சந்தையிலும் சரிவு நீடிக்கிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் டாடா ஸ்டீல், இன்போசிஸ், ஹெச்சிஎல் டெக்னாலஜிஸ், சன் பார்மா உள்ளிட்ட நிறுவனப் பங்குகள் ஏற்றம் கண்டிருந்தன. ஐடிசி, ஆக்சிஸ் பேங்க், மாருதி சுசுகி, ரிலையன்ஸ் இண்டஸ்ட்ரீஸ் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11.45 மணியளவில் சென்செக்ஸ் 196.48 புள்ளிகள் சரிந்து 77,344.35 ஆகவும், நிஃப்டி 64.00 புள்ளிகள் சரிந்து 24,188.00 ஆகவும் இருந்தது.

காரணம் என்ன?

அமெரிக்க பங்குச் சந்தை சனிக்கிழமை சரிவுடன் நிறைவுற்றது. ஆசிய பங்குச் சந்தைகளில் கலவையான போக்கு நிலவுகிறது. மேற்காசிய பதற்றத்தால் கச்சா எண்ணெய் விலை பேரலுக்கு 93 டாலரை தாண்டிவிட்டது. சர்வதேச சந்தைகளில் பாதகமான போக்கே நிலவுகிறது. இதனால், இந்திய பங்குச் சந்தையிலும் சரிவு நீடிக்கிறது

ஏறுமுகம் காணும் பங்குகள்:

டாடா ஸ்டீல்

இன்போசிஸ்

ஹெச்சிஎல் டெக்னாலஜிஸ்

சன் பார்மா

டெக் மஹிந்திரா

எம் அண்ட் எம்

இண்டஸ்இண்ட் பேங்க்

டிசிஎஸ்

எல் அண்ட் டி

ஹெச்டிஎஃப்சி பேங்க்

எடர்னல்

இறங்கு முகம் காணும் பங்குகள்:

டாடா மோட்டார்ஸ்

எஸ்பிஐ

இந்துஸ்தான் யூனிலீவர்

அல்ட்ராடெக் சிமென்ட்ஸ்

ஏசியன் பெயின்ட்ஸ்

ஐடிசி

ஆக்சிஸ் பேங்க்

மாருதி சுசுகி

ரிலையன்ஸ் இண்டஸ்ட்ரீஸ்

டைடன் கம்பெனி

அதானி போர்ட்ஸ்

பவர் கிரிட் கார்ப்பரேஷன்

கோடக் மஹிந்திரா பேங்க்

என்டிபிசி

நெஸ்லே இந்தியா

ஐசிஐசிஐ பேங்க்

பாரதி ஏர்டெல்

பஜாஜ் ஃபைனான்ஸ்

பாஜாஜ் ஃபின்சர்வ்

ரூபாய் மதிப்பு:

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.95.66 ஆக இருந்தது.