Stock News: யுஎஸ் எச்சரிக்கை தாக்கம்: சென்செக்ஸ் 400+ புள்ளிகள் வீழ்ச்சி!

இந்தியாவுக்கு அமெரிக்கா விடுத்துள்ள வரிவிதிப்பு எச்சரிக்கையின் தாக்கத்தால், இந்திய பங்குச் சந்தைகளில் கடும் வீழ்ச்சி நிலவுகிறது.

மும்பை பங்குச் சந்தையில் இன்று (ஜன.6) காலை வர்த்தகம் தொடங்கும்போது சென்செக்ஸ் 431.95 புள்ளிகள் சரிந்து 85,007.67 ஆக இருந்தது. அதேவேளையில், தேசிய பங்குச் சந்தையில் நிஃப்டி 105.6 புள்ளிகள் சரிந்து 26,144.70 ஆக இருந்தது.

“அமெரிக்க அதிபர் ட்ரம்ப் மீண்டும் எண்ணெய் அரசியலை கையிலெடுத்துள்ளார். ரஷ்யாவிடம் தொடர்ந்து கச்சா எண்ணெய் வாங்குவது தொடர்ந்தால் இந்தியா மீது இன்னும் கூடுதல் வரி விதிக்கப்படும் என்ற அமெரிக்காவின் எச்சரிக்கையால் முதலீட்டாளர்கள் கலக்கம் அடைந்துள்ளனர். இது இந்திய பங்குச் சந்தைகளில் எதிரொலிக்கிறது,” என வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய வர்த்தகத்தில் ஐசிஐசிஐ பேங்க், இண்டஸ்இண்ட் பேங்க், பஜாஜ் ஃபின்சர்வ், எஸ்பிஐ, சன் பார்மா, ஏசியன் பெயின்ட்ஸ் உள்ளிட்ட நிறுவனப் பங்குகள் ஏற்றம் கண்டுள்ளன. ரிலையன்ஸ் இண்டஸ்ட்ரீஸ், அதானி போர்ட்ஸ், இன்போசிஸ்,

என்டிபிசி, ஐடிசி, எம் அண்ட் எம் உள்ளிட்ட நிறுவனப் பங்குகள் சரிவை சந்தித்துள்ளன.

இன்று முற்பகல் 11.30 மணியளவில் சென்செக்ஸ் 438.20 புள்ளிகள் சரிந்து 85,001.42 ஆகவும், நிஃப்டி 89.75 புள்ளிகள் சரிந்து 26,160.55 ஆகவும் இருந்தது.

காரணம் என்ன?

அமெரிக்க பங்குச் சந்தை உயர்வுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஹாங்காங், தென் கொரியா, ஜப்பான், ஷாங்காய் என அனைத்திலும் ஏற்றமே காணப்படுகிறது. சர்வதேச அளவில் சாதகமான போக்கு நிலவுகிறது. எனினும், ரஷ்யாவிடம் தொடர்ந்து கச்சா எண்ணெய் வாங்குவது தொடர்ந்தால் இந்தியா மீது இன்னும் கூடுதல் வரி விதிக்கப்படும் என்று அமெரிக்கா புதிதாக எச்சரிக்கை விடுத்ததன் தாக்கமாக இந்திய பங்குச் சந்தைகளில் வீழ்ச்சி நிலவுகிறது.

ஏற்றம் காணும் பங்குகள்:

ஐசிஐசிஐ பேங்க்

இண்டஸ்இண்ட் பேங்க்

பஜாஜ் ஃபின்சர்வ்

எஸ்பிஐ

சன் பார்மா

ஏசியன் பெயின்ட்ஸ்

ஹெச்சிஎல் டெக்னாலஜிஸ்

பாரதி ஏர்டெல்

டிசிஎஸ்

டைடன் கம்பெனி

அல்ட்ராடெக் சிமென்ட்ஸ்

ஆக்சிஸ் பேங்க்

பஜாஜ் ஃபைனான்ஸ்

டெக் மஹிந்திரா

மாருதி சுசுகி

எல் அண்ட் டி

டாடா ஸ்டீல்

இறங்கு முகம் காணும் பங்குகள்:

ரிலையன்ஸ் இண்டஸ்ட்ரீஸ்

அதானி போர்ட்ஸ்

இன்போசிஸ்

இந்துஸ்தான் யூனிலீவர்

என்டிபிசி

கோடக் மஹிந்திரா பேங்க்

பவர் கிரிட் கார்ப்பரேஷன்

ஐடிசி

எம் அண்ட் எம்

நெஸ்லே இந்தியா

எடர்னல் லிட்

ஹெச்டிஎஃப்சி பேங்க்

டாடா மோட்டாரஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.10 ஆக இருந்தது.