Stock News: கலவைப் போக்கில் பங்குச் சந்தை - சரியும் வங்கி, ஐடி நிறுவன பங்குகள்!

வாரத்தின் தொடக்க நாளான நேற்று வெகுவாக ஏற்றம் கண்ட இந்திய பங்குச் சந்தையில் இன்று மீண்டும் தடுமாற்றம் நிலவுகிறது. ஏற்றமும் இறக்கமுகாக கலவையான போக்கு காணப்படுகிறது.

மும்பை பங்குச் சந்தையில் இன்று (டிச.23) காலை வர்த்தகம் தொடங்கும்போது சென்செக்ஸ் 116.57 புள்ளிகள் சரிந்து 85,450.91 ஆக இருந்தது. அதேவேளையில், தேசிய பங்குச் சந்தையில் நிஃப்டி 27.15 புள்ளிகள் சரிந்து 26,145.25 ஆக இருந்தது.

“சர்வதேச பங்குச் சந்தைகளில் சாதகமான போக்கு நிலவினாலும் கூட, கிறிஸ்துமஸ் விடுமுறை சீசன் தாக்கம், வெளிநாட்டு முதலீடுகளின் வரத்து சற்றே குறைந்தது உள்ளிட்ட காரணிகளால் இந்திய பங்குச் சந்தையில் தடுமாற்றம் நிலவுகிறது,” என வர்த்தக நிபுணர்கள் தெரிவித்துள்ளனர்.

மும்பை பங்குச் சந்தையின் இன்றைய வர்த்தகத்தில் ஹெச்சிஎல் டெக்னாலஜிஸ், டெக் மஹிந்திரா, டிசிஎஸ், இன்போசிஸ், ஆக்ஸிஸ் பேங்க், இண்டஸ்இண்ட் பேங்க், ஐசிஐசிஐ பேங்க் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11 மணியளவில் சென்செக்ஸ் 15.73 புள்ளிகள் சரிந்து 85,551.74 ஆகவும், நிஃப்டி 12.65 புள்ளிகள் உயர்ந்து 26,185.05 ஆகவும் இருந்தது.

காரணம் என்ன?

அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஷாங்காய், தென் கொரியா, ஜப்பான், ஹாங்காங் என அனைத்திலும் ஏற்றமே காணப்படுகிறது. எனினும், உள்ளூரில் கிறிஸ்துமஸ் விடுமுறை சீசன் தாக்கம், வெளிநாட்டு முதலீடுகளின் வரத்து சற்றே குறைந்தது உள்ளிட்ட காரணிகளால் இந்திய பங்குச் சந்தையில் தடுமாற்றம் நிலவுகிறது. எனினும், விரைவில் சரிவில் இருந்து மீளலாம், என எதிர்பார்க்கப்படுகிறது.

ஏற்றம் காணும் பங்குகள்:

அல்ட்ராடெக் சிமென்ட்ஸ்

பவர் கிரிட் கார்ப்பரேஷன்

டாடா மோட்டார்ஸ்

என்டிபிசி

கோடக் மஹிந்திரா பேங்க்

டாடா ஸ்டீல்

இந்துஸ்தான் லீவர்

ஐடிசி

பஜாஜ் ஃபைனான்ஸ்

டைடன் கம்பெனி

எல் அண்ட் டி

பஜாஜ் ஃபின்சர்வ்

நெஸ்லே இந்தியா

அதானி போர்ட்ஸ்

எஸ்பிஐ

எடர்னல் லிட்

இறங்கு முகம் காணும் பங்குகள்:

எம் அண்ட் எம்

ஹெச்சிஎல் டெக்னாலஜிஸ்

ரிலையன்ஸ் இண்டஸ்ட்ரீஸ்

மாருதி சுசுகி

சன் பார்மா

ஏசியன் பெயின்ட்ஸ்

ஆக்ஸிஸ் பேங்க்

இண்டஸ்இண்ட் பேங்க்

டெக் மஹிந்திரா

ஐசிஐசிஐ பேங்க்

டிசிஎஸ்

பாரதி ஏர்டெல்

இன்போசிஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.68 ஆக இருந்தது.