Stock News: இந்திய பங்குச் சந்தையில் மீட்சிக்குப் பின் தடுமாற்றம் ஏன்?

மும்பை மற்றும் தேசிய பங்குச் சந்தையில் இன்று பாசிட்டிவாக தொடங்கிய வர்த்தகம் பின்னர் மீண்டும் தடுமாற்றம் காணத் தொடங்கியது.

மும்பை பங்குச் சந்தையில் இன்று (டிச.17) காலை வர்த்தகம் தொடங்கும்போது சென்செக்ஸ் 201.23 புள்ளிகள் உயர்ந்து 84,881.09 ஆக இருந்தது. அதேவேளையில், தேசிய பங்குச் சந்தையில் நிஃப்டி 64.8 புள்ளிகள் உயர்ந்து 25,924.90 ஆக இருந்தது.

“இன்று வர்த்தகம் பாசிட்டிவாக தொடங்கினாலும் கூட, வெளிநாட்டு முதலீடுகளின் வரத்து குறைவு, ரூபாய் மதிப்பு கடும் வீழ்ச்சி உள்ளிட்ட காரணங்களால் உள்ளூர் முதலீட்டாளர்களிடம் நிலவும் அச்சம் காரணமாக இந்திய பங்குச் சந்தையில் தடுமாற்றம் தொடருகிறது,” என வர்த்தக நிபுணர்கள் கூறினர்.

மும்பை பங்குச் சந்தையின் இன்றைய வர்த்தகத்தில் எஸ்பிஐ, பவர் கிரிட் கார்ப்பரேஷன், ஆக்சிஸ் பேங்க், இன்போசிஸ், டாடா மோட்டார்ஸ், மாருதி சுசுகி, டிசிஎஸ் உள்ளிட்ட நிறுவனப் பங்குகள் ஏற்றம் கண்டிருந்தன. ஐடிசி, பஜாஜ் ஃபைனான்ஸ், கோடக் மஹிந்திரா பேங்க், அதானி போர்ட்ஸ், நெஸ்லே இந்தியா, ஹெச்டிஎஃப்சி பேங்க், ஐசிஐசிஐ பேங்க், இண்டஸ்இண்ட் பேங்க் உள்ளிட்ட நிறுவனப் பங்குகள் சரிவை சந்தித்தன.

இன்று பிற்பகல் 1.15 மணியளவில் சென்செக்ஸ் 199.69 புள்ளிகள் சரிந்து 84,480.17 ஆகவும், நிஃப்டி 69.05 புள்ளிகள் சரிந்து 25,791.05 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது ஷாங்காய், தென் கொரியா, ஜப்பான், ஹாங்காங் என அனைத்திலும் ஏற்றமே காணப்படுகிறது. ஆசிய சந்தைகளில் ஏற்றம் நிலவினாலும் கூட, வெளிநாட்டு முதலீடுகளின் வரத்து குறைவு, ரூபாய் மதிப்பு கடும் வீழ்ச்சி உள்ளிட்ட காரணங்களால் உள்ளூர் முதலீட்டாளர்களிடம் நிலவும் அச்சம் காரணமாக இந்திய பங்குச் சந்தையில் தடுமாற்றம் நிலவுகிறது.

ஏற்றம் காணும் பங்குகள்:

எஸ்பிஐ

பவர் கிரிட் கார்ப்பரேஷன்

ஆக்சிஸ் பேங்க்

இன்போசிஸ்

டாடா மோட்டார்ஸ்

எடர்னல் லிட்

மாருதி சுசுகி

டிசிஎஸ்

டெக் மஹிந்திரா

பஜாஜ் ஃபைனான்ஸ்

டாடா ஸ்டீல்

அல்ட்ராடெக் சிமென்ட்ஸ்

சன் பார்மா

இறங்கு முகம் காணும் பங்குகள்:

பாரதி ஏர்டெல்

எல் அண்ட் டி

ரிலையன்ஸ் இண்டஸ்ட்ரீஸ்

என்டிபிசி

ஹெச்சிஎல் டெக்னாலஜிஸ்

ஹிந்துஸ்தான் யூனிலீவர்

ஏசியன் பெயின்ட்ஸ்

ஐடிசி

பஜாஜ் ஃபைனான்ஸ்

கோடக் மஹிந்திரா பேங்க்

டைடன் கம்பெனி

எம் அண்ட் எம்

அதானி போர்ட்ஸ்

நெஸ்லே இந்தியா

ஹெச்டிஎஃப்சி பேங்க்

ஐசிஐசிஐ பேங்க்

இண்டஸ்இண்ட் பேங்க்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.91.01 ஆக இருந்தது.