Stock News: வரிவிதிப்பு அச்சம் எதிரொலி: சென்செக்ஸ் 600+ புள்ளிகள் வீழ்ச்சி!

அமெரிக்காவின் வரிதிப்பு அச்சுறுத்தல் உள்ளிட்ட காரணங்களால் இந்திய பங்குச் சந்தைகளில் கடும் வீழ்ச்சி நீடிக்கிறது.

மும்பை பங்குச் சந்தையில் இன்று (ஜன.8) காலை வர்த்தகம் தொடங்கும்போது சென்செக்ஸ் 255.86 புள்ளிகள் சரிந்து 84,705.28 ஆக இருந்தது. அதேவேளையில், தேசிய பங்குச் சந்தையில் நிஃப்டி 65.9 புள்ளிகள் சரிந்து 26,074.85 ஆக இருந்தது.

“இந்தியா மீது அமெரிக்கா கூடுதல் வரிவிதிக்கலாம் என்ற அச்சம் அதிகரித்துள்ளது. இதனால், முதலீட்டாளர்கள் கலக்கத்துடன் நிதானம் காக்க ஆரம்பித்துள்ளனர். இதன் எதிரொலியாக இந்திய பங்குச் சந்தைகளில் வீழ்ச்சி நீடிக்கிறது,” என வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய வர்த்தகத்தில் அதானி போர்ட்ஸ், இந்துஸ்தான் யூனிலீவர், ஐசிஐசிஐ பேங்க், எடர்னல் லிட், ஐடிசி, பஜாஜ் ஃபைனான்ஸ், ஹெச்சில் டெக்னாலஜிஸ் ஆகிய நிறுவனப் பங்குகள் ஏற்றம் கண்டிருந்தன. ஏனைய பெரும்பாலான நிறுவனப் பங்குகள் சரிவை சந்தித்தன.

இன்று நண்பகல் 12 மணியளவில் சென்செக்ஸ் 654.46 புள்ளிகள் சரிந்து 84,306.68 ஆகவும், நிஃப்டி 237.70 புள்ளிகள் சரிந்து 25,903.05 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஹாங்காங் மற்றும் தென் கொரியாவில் ஏற்றமும், ஜப்பான் மற்றும் ஷாங்காயில் சரிவும் நிலவுகிறது. சர்வதேச போக்குடன், இந்தியா மீது அமெரிக்கா கூடுதல் வரிவிதிக்கலாம் என்ற அச்சமும் இந்திய பங்குச் சந்தைகளில் எதிரொலிக்கிறது.

ஏற்றம் காணும் பங்குகள்:

அதானி போர்ட்ஸ்

இந்துஸ்தான் யூனிலீவர்

ஐசிஐசிஐ பேங்க்

எடர்னல் லிட்

ஐடிசி

பஜாஜ் ஃபைனான்ஸ்

ஹெச்சில் டெக்னாலஜிஸ்

இறங்கு முகம் காணும் பங்குகள்:

இண்டஸ்இண்ட் பேங்க்

பஜாஜ் ஃபின்சர்வ்

எஸ்பிஐ

சன் பார்மா

ஏசியன் பெயின்ட்ஸ்

பாரதி ஏர்டெல்

டிசிஎஸ்

டைடன் கம்பெனி

அல்ட்ராடெக் சிமென்ட்ஸ்

ஆக்சிஸ் பேங்க்

டெக் மஹிந்திரா

மாருதி சுசுகி

எல் அண்ட் டி

டாடா ஸ்டீல்

ரிலையன்ஸ் இண்டஸ்ட்ரீஸ்

இன்போசிஸ்

என்டிபிசி

கோடக் மஹிந்திரா பேங்க்

பவர் கிரிட் கார்ப்பரேஷன்

எம் அண்ட் எம்

நெஸ்லே இந்தியா

ஹெச்டிஎஃப்சி பேங்க்

டாடா மோட்டாரஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.91 ஆக இருந்தது.