Stock News: ரிலையன்ஸ், ஐசிஐசிஐ தாக்கம்; சென்செக்ஸ் 500+ புள்ளிகள் சரிவு!

வாரத்தின் தொடக்க நாளான இன்று மும்பை மற்றும் தேசிய பங்குச் சந்தையில் கடும் வீழ்ச்சி நிலவுகிறது.

மும்பை பங்குச் சந்தையில் இன்று (ஜன.19) காலை வர்த்தகம் தொடங்கும்போது சென்செக்ஸ் 320.69 புள்ளிகள் சரிந்து 83,249.66 ஆக இருந்தது. அதேவேளையில், தேசிய பங்குச் சந்தையில் நிஃப்டி 124.60 புள்ளிகள் சரிந்து 25,573.40 ஆக இருந்தது.

“கிரீன்லாந்து விவகாரத்தில் தங்களை எதிர்க்கும் நாடுகள் மீதான அமெரிக்காவின் கூடுதல் வரி விதிப்பு, ரிலையன்ஸ் இண்டஸ்ட்ரீஸ் மற்றும் ஐசிஐசிஐ பேங்க் நிறுவனங்களின் காலாண்டு முடிவுகளின் எதிர்மறை தாக்கம் உள்ளிட்ட காரணங்களால் இந்திய பங்குச் சந்தைகளில் வீழ்ச்சி நிலவுகிறது,” என வர்த்தக நிபுணர்கள் கூறுகின்றனர்.

மும்பை பங்குச் சந்தையின் இன்றைய வர்த்தகத்தில் டெக் மஹிந்திரா, மாருதி சுசுகி, டாடா ஸ்டீல், ஐடிசி, ஆக்சிஸ் பேங்க், நெஸ்லே இந்தியா, அல்ட்ராடெக் சிமென்ட்ஸ் உள்ளிட்ட நிறுவனப் பங்குகள் ஏற்றம் கண்டிருந்தன. எஸ்பிஐ, பாரதி ஏர்டெல், இன்போசிஸ், ஹெச்டிஎஃப்சி பேங்க், அதானி போர்ட்ஸ், ஐசிஐசிஐ பேங்க், டாடா மோட்டார்ஸ், ரிலையன்ஸ் இண்டஸ்ட்ரீஸ் உள்ளிட்ட நிறுவனப் பங்குகள் வீழ்ச்சியை சந்தித்தன.

இன்று நண்பகல் 12 மணியளவில் சென்செக்ஸ் 558.70 புள்ளிகள் சரிந்து 83,011.66 ஆகவும், நிஃப்டி 174.05 புள்ளிகள் சரிந்து 25,520.30 ஆகவும் இருந்தது.

காரணம் என்ன?

அமெரிக்க பங்குச் சந்தை வெள்ளிக்கிழமை சற்றே சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஜப்பான், ஷாங்காங்கில் சரிவும், தென் கொரியா மற்றும் ஷாங்காயில் ஏற்றமும் நிலவுகிறது. கிரீன்லாந்து விவகாரத்தில் தங்களை எதிர்க்கும் நாடுகள் மீதான அமெரிக்காவின் கூடுதல் வரி விதிப்பு, ரிலையன்ஸ் இண்டஸ்ட்ரீஸ் மற்றும் ஐசிஐசிஐ பேங்க் நிறுவனங்களின் காலாண்டு முடிவுகளின் எதிர்மறை தாக்கம் உள்ளிட்ட காரணங்களால் இந்திய பங்குச் சந்தைகளில் வீழ்ச்சி நிலவுகிறது.

ஏற்றம் காணும் பங்குகள்:

டெக் மஹிந்திரா

பஜாஜ் ஃபைனான்ஸ்

கோடக் மஹிந்திரா பேங்க்

இந்துஸ்தான் யூனிலீவர்

மாருதி சுசுகி

ஏசியன் பெயின்ட்ஸ்

பஜாஜ் ஃபின்சர்வ்

ஹெச்சிஎல் டெக்னாலஜிஸ்

சன் பார்மா

டாடா ஸ்டீல்

ஐடிசி

பவர் கிரிட் காப்பரேஷன்

ஆக்சிஸ் பேங்க்

நெஸ்லே இந்தியா

அல்ட்ராடெக் சிமென்ட்ஸ்

இறங்கு முகம் காணும் பங்குகள்:

எஸ்பிஐ

பாரதி ஏர்டெல்

இண்டஸ்இண்ட் பேங்க்

இன்போசிஸ்

எம் அண்ட் எம்

எல் அண்ட் டி

என்டிபிசி

ஹெச்டிஎஃப்சி பேங்க்

டைடன் கம்பெனி

அதானி போர்ட்ஸ்

டிசிஎஸ்

எடர்னல்

ஐசிஐசிஐ பேங்க்

டாடா மோட்டார்ஸ்

ரிலையன்ஸ் இண்டஸ்ட்ரீஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.74 ஆக இருந்தது.