Stock News: தொடரும் பங்குச் சந்தை சரிவு - இறங்கிய பங்குகள் எவை?

மூன்றாவது நாளாக இன்று மும்பை மற்றும் தேசிய பங்குச் சந்தை வர்த்தகத்தில் வீழ்ச்சி நிலவுகிறது. பல்வேறு நிறுவனப் பங்குகள் சரிவை சந்தித்துள்ளன.

மும்பை பங்குச் சந்தையில் இன்று (டிச.3) காலை வர்த்தகம் தொடங்கும்போது சென்செக்ஸ் 165.35 புள்ளிகள் சரிந்து 84,972.92 ஆக இருந்தது. அதேவேளையில், தேசிய பங்குச் சந்தையில் நிஃப்டி 77.85 புள்ளிகள் சரிந்து 25,954.35 ஆக இருந்தது.

சர்வதேச பங்குச் சந்தைகளின் கலவையான போக்கு நிலவினாலும் கூட, வெளிநாட்டு முதலீடுகளின் வரத்து குறைவு மற்றும் லாப நோக்கத்துக்காக முதலீட்டாளர் தங்கள் வசம் உள்ள பங்குகளை விற்பதில் ஆர்வம் காட்டுவதாலும் இந்திய பங்குச் சந்தைகளில் வீழ்ச்சி நிலவுவதாக வர்த்தக நிபுணர்கள் கூறினர்.

மும்பை பங்குச் சந்தையில் இன்றைய வர்த்தகத்தில் டிசிஎஸ், இன்போசிஸ், டெக் மஹிந்திரா, ஐசிஐசிஐ பேங்க், ஹெச்டிஃப்சி பேங்க், ஆக்சிஸ் பேங்க், ஹெச்சிஎல் டெக்னாலஜிஸ், ஐடிசி ஆகிய நிறுவனப் பங்குகள் ஏற்றம் கண்டிருந்தன. இதர பெரும்பாலான நிறுவனப் பங்குகள் சரிவை சந்தித்தன.

இன்று பிற்பகல் 12.20 மணியளவில் சென்செக்ஸ் 190.10 புள்ளிகள் சரிந்து 84,948.17 ஆகவும், நிஃப்டி 82.20 புள்ளிகள் சரிந்து 25,950.00 ஆகவும் இருந்தது.

காரணம் என்ன?

அமெரிக்க பங்குச் சந்தை ஏற்றத்துடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் தற்போது தென் கொரியா மற்றும் ஜப்பானில் ஏற்றமும், ஹாங்காங் மற்றும் ஷாங்காயில் சரிவும் நிலவுகிறது. சர்வதேச பங்குச் சந்தைகளின் கலவையான போக்கு, வெளிநாட்டு முதலீடுகளின் வரத்து குறைவு, லாப நோக்கத்துக்காக உள்ளூர் முதலீட்டாளர்கள் பங்குகளை விற்பதில் காட்டி வரும் ஆர்வம் உள்ளிட்ட காரணங்களால் இந்திய பங்குச் சந்தைகளில் வீழ்ச்சி நிலவுகிறது.

ஏற்றம் காணும் பங்குகள்:

டிசிஎஸ்

இன்போசிஸ்

டெக் மஹிந்திரா

ஐசிஐசிஐ பேங்க்

ஹெச்டிஃப்சி பேங்க்

ஆக்சிஸ் பேங்க்

ஹெச்சிஎல் டெக்னாலஜிஸ்

ஐடிசி

இறங்கு முகம் காணும் பங்குகள்:

எஸ்பிஐ

ஏசியன் பெயின்ட்ஸ்

என்டிபிசி

மாருதி சுசுகி

பாரதி ஏர்டெல்

இண்டஸ்இண்ட் பேங்க்

கோடக் மஹிந்திரா பேங்க்

இந்துஸ்தான் யூனிலீவர்

டைடன் கம்பெனி

அதானி போர்ட்ஸ்

ரிலையன்ஸ் இண்டஸ்ட்ரீஸ்

டாடா ஸ்டீல்

எல் அண்ட் டி

பஜாஜ் ஃபின்சர்வ்

நெஸ்லே இந்தியா

டாடா மோட்டார்ஸ்

பவர் கிரிட் கார்ப்பரேஷன்

அல்ட்ராடெக் சிமென்ட்ஸ்

எடர்னல் லிட்

எம் அண்ட் எம்

சன் பார்மா

பஜாஜ் ஃபைனான்ஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.23 ஆக இருந்தது.