Stock News: ஆண்டின் கடைசி நாளில் பங்குச் சந்தையில் பச்சை விளக்கு!

கடந்த 5 வர்த்தக தினங்களாக சிவப்பு விளக்கு மட்டுமே ஒளிரும் வகையில் சரிவை சந்தித்து வந்த இந்திய பங்குச் சந்தையில், ஆண்டின் கடைசி நாளான இன்று பச்சை விளக்கு பிரகாசிக்க ஆரம்பித்துள்ளது. சென்செக்ஸ், நிஃப்டி புள்ளிகள் ஏற்றம் கண்டுள்ளன.

மும்பை பங்குச் சந்தையில் இன்று (டிச.31) காலை வர்த்தகம் தொடங்கும்போது சென்செக்ஸ் 254.38 புள்ளிகள் உயர்ந்து 84,929.46 ஆக இருந்தது. அதேவேளையில், தேசிய பங்குச் சந்தையில் நிஃப்டி 89.15 புள்ளிகள் உயர்ந்து 26,028 ஆக இருந்தது.

“சர்வதேச சந்தைகளின் போக்கு பாதகமாகவே இருக்கிறது. எனினும், உள்ளூர் முதலீட்டாளர்கள் பங்குகளை வாங்குவதில் இன்று மிகுந்த ஆர்வம் காட்டி வருகின்றனர். இதனால், இந்திய பங்குச் சந்தையில் மீட்சிப் போக்கு நிலவுகிறது,” என வர்த்தக நிபுணர்கள் தெரிவித்துள்ளனர்.

மும்பை பங்குச் சந்தையின் இன்றைய வர்த்தகத்தில் ஆக்சிஸ் பேங்க், மாருதி சுசுகி, பாரதி ஏர்டெல், டாடா மோட்டார்ஸ், அதானி போர்ட்ஸ், எஸ்பிஐ, டாடா ஸ்டீல் உள்ளிட்ட நிறுவனப் பங்குகள் ஏற்றம் கண்டுள்ளன. சன் பார்மா, ஐசிஐசிஐ பேங்க், இன்போசிஸ், டிசிஎஸ், பஜாஜ் ஃபின்சர்வ், பஜாஜ் ஃபைனான்ஸ் உள்ளிட்ட நிறுவனப் பங்குகள் சரிவை சந்தித்துள்ளன.

இன்று முற்பகல் 11.45 மணியளவில் சென்செக்ஸ் 328.38 புள்ளிகள் உயர்ந்து 85,003.46 ஆகவும், நிஃப்டி 126.80 புள்ளிகள் உயர்ந்து 26,065.65 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஹாங்காங்கில் மட்டுமே சரிவு நிலவுகிறது. தென் கொரியா, ஜப்பான், ஷாங்காயில் ஏற்றம் காணப்படுகிறது. சர்வதேச அளவில் பாதகமான சூழல் நிலவினாலும் கூட, உள்ளூர் முதலீட்டாளர்கள் பங்குகளை வாங்குவதில் ஆர்வம் காட்டுவதால் இந்திய பங்குச் சந்தையில் ஏற்றம் நிலவுகிறது.

ஏற்றம் காணும் பங்குகள்:

ஆக்சிஸ் பேங்க்

மாருதி சுசுகி

பாரதி ஏர்டெல்

டாடா மோட்டார்ஸ்

அதானி போர்ட்ஸ்

எஸ்பிஐ

டாடா ஸ்டீல்

ஏசியன் பெயின்ட்ஸ்

எல் அண்ட் டி

டைடன் கம்பெனி

இண்டஸ்இண்ட் பேங்க்

அல்ட்ராடெக் சிமென்ட்ஸ்

நெஸ்லே இந்தியா

பவர் கிரிட் கார்ப்பரேஷன்

ரிலையன்ஸ் இண்டஸ்ட்ரீஸ்

என்டிபிசி

கோடக் மஹிந்திரா பேங்க்

ஐடிசி

ஹெச்சிஎல் டெக்னாலஜிஸ்

இந்துஸ்தான் யூனிலீவர்

இறங்கு முகம் காணும் பங்குகள்:

எம் அண்ட் எம்

ஹெச்டிஎஃப்சி பேங்க்

எடர்னல் லிட்

சன் பார்மா

ஐசிஐசிஐ பேங்க்

இன்போசிஸ்

டிசிஎஸ்

பஜாஜ் ஃபின்சர்வ்

பஜாஜ் ஃபைனான்ஸ்

டெக் மஹிந்திரா

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.85 ஆக இருந்தது.