Stock News: இந்திய பங்குச் சந்தையில் கைகொடுக்கும் ஐடி நிறுவன பங்குகள்!

ஐடி நிறுவனப் பங்குகளின் எழுச்சி காரணமாக, மும்பை மற்றும் தேசிய பங்குச் சந்தையில் ஓரளவு ஏற்றம் நிலவுகிறது.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 75.71 புள்ளிகள் உயர்ந்து 77,726.62 ஆக இருந்தது. அதேவேளையில், தேசிய பங்குச் சந்தையில் நிஃப்டி 26.90 புள்ளிகள் உயர்ந்து 24,275.85 ஆக இருந்தது.

“கச்சா எண்ணெய் விலை சற்று சரிந்தாலும் கூட, மேற்கு ஆசியாவில் மீண்டும் பதற்றம் தொற்றியுள்ளது. எனினும், ஐடி நிறுவனப் பங்குகளில் எழுச்சியால் இந்திய பங்குச் சந்தை வர்த்தகம் ஓரளவு தாக்குப் பிடிக்கிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் டெக் மஹிந்திரா, இன்போசிஸ், ஹெச்சிஎல் டெக்னாலஜிஸ், டிசிஎஸ் உள்ளிட்ட நிறுவனப் பங்குகள் ஏற்றம் கண்டுள்ளன. டைடன் கம்பெனி, மாருதி சுசுகி, பாரதி ஏர்டெல், ஐடிசி, டாடா ஸ்டீல் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 11.30 மணியளவில் சென்செக்ஸ் 14.75 புள்ளிகள் உயர்ந்து 77,669.35 ஆகவும், நிஃப்டி 14.70 புள்ளிகள் உயர்ந்து 24,264.90 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளில் கலவையான போக்கு நிலவுகிறது. கச்சா எண்ணெய் விலை சற்று சரிந்தாலும் கூட, மேற்கு ஆசியாவில் மீண்டும் பதற்றம் தொற்றியுள்ளது. எனினும், ஐடி நிறுவனப் பங்குகளில் எழுச்சியால் இந்திய பங்குச் சந்தை வர்த்தகம் ஓரளவு தாக்குப் பிடிக்கிறது.

ஏறுமுகம் காணும் பங்குகள்:

டெக் மஹிந்திரா

இன்போசிஸ்

ஹெச்சிஎல் டெக்னாலஜிஸ்

டிசிஎஸ்

நெஸ்லே இந்தியா

எம் அண்ட் எம்

சன் பார்மா

ரிலையன்ஸ் இண்டஸ்ட்ரீஸ்

பவர் கிரிட் கார்ப்பரேஷன்

என்டிபிசி

ஹெச்டிஎஃப்சி பேங்க்

டாடா மோட்டார்ஸ்

எல் அண்ட் டி

எஸ்பிஐ

இறங்கு முகம் காணும் பங்குகள்:

டைடன் கம்பெனி

மாருதி சுசுகி

பாரதி ஏர்டெல்

ஐடிசி

டாடா ஸ்டீல்

கோடக் மஹிந்திரா பேங்க்

ஐசிஐசிஐ பேங்க்

ஆக்சிஸ் பேங்க்

எடர்னல்

பஜாஜ் ஃபைனான்ஸ்

இந்துஸ்தான் யூனிலீவர்

பஜாஜ் ஃபின்சர்வ்

அதானி போர்ட்ஸ்

அல்ட்ராடெக் சிமென்ட்ஸ்

ஏசியன் பெயின்ட்ஸ்

ரூபாய் மதிப்பு:

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.95.69 ஆக இருந்தது.