Stock News: ஜிடிபி உயர்வு தாக்கம் - சென்செக்ஸ், நிஃப்டி புதிய உச்சம்!
இந்திய பொருளாதார வளர்ச்சி (ஜிடிபி) இரண்டாவது காலாண்டான ஜூலை - செப்டம்பர் காலக்கட்டத்தில் 8.2 சதவீதம் ஆக இருக்கிறது. இது, இன்று காலை வர்த்தக எழுச்சிக்கு முக்கிய காரணம் என்று வர்த்தக நிபுணர்கள் கூறினர்.
ஜிடிபி வளர்ச்சி விகித தாக்கத்தால் மும்பை மற்றும் தேசிய பங்குச் சந்தை வர்த்தகத்தில் இன்று காலை புதிய எழுச்சி ஏற்பட்டது.
மும்பை பங்குச் சந்தையில் இன்று (டிச.1) காலை வர்த்தகம் தொடங்கும்போது சென்செக்ஸ் 452.35 புள்ளிகள் உயர்ந்து 86,159.02 என்ற புதிய சாதனை உச்சம் அடைந்தது. அதேவேளையில், தேசிய பங்குச் சந்தையில் நிஃப்டியும் 122.85 புள்ளிகள் உயர்ந்து 26,325.80 என்ற புதிய உச்சம் தொட்டது.
இந்திய பொருளாதார வளர்ச்சி (ஜிடிபி) இரண்டாவது காலாண்டான ஜூலை - செப்டம்பர் காலக்கட்டத்தில் 8.2 சதவீதம் ஆக இருக்கிறது. இது, எதிர்பார்த்ததை விட உயர்வான வளர்ச்சி என்பதால், முதலீட்டாளர்கள் புது நம்பிக்கையுடன் பங்குகளை வாங்குவதில் ஆர்வம் காட்டி வருகின்றனர். இதுவும், இன்று காலை வர்த்தக எழுச்சிக்கு முக்கியக் காரணம் என்று வர்த்தக நிபுணர்கள் கூறினர்.
மும்பை பங்குச் சந்தையில் இன்றைய வர்த்தகத்தில் எல் அண்ட் டி, பஜாஜ் ஃபின்சர்வ், என்டிபிசி, நெஸ்லே இந்தியா, இன்போசிஸ், ஐசிஐசிஐ பேங்க், டாடா மோட்டார்ஸ் உள்ளிட்ட நிறுவனப் பங்குகள் ஏற்றம் கண்டுள்ளன. பாரதி ஏர்டெல், எம் அண்ட் எம், என்டிபிசி, டெக் மஹிந்திரா, ஆக்சிஸ் பேங்க், டிசிஎஸ் உள்ளிட்ட நிறுவனப் பங்குகள் சரிவை சந்தித்துள்ளன.
இன்று முற்பகல் 11.50 மணியளவில் சென்செக்ஸ் 37.70 புள்ளிகள் சரிந்து 85,668.98 ஆகவும், நிஃப்டி 15.65 புள்ளிகள் சரிந்து 26,187.30 ஆகவும் இருந்தது.
காரணம் என்ன?
அமெரிக்க பங்குச் சந்தை வெள்ளிக்கிழமை ஏற்றத்துடன் நிறைவு பெற்றது. ஆசிய பங்குச் சந்தைகளைப் பொறுத்தவரையில் தற்போது தென் கொரியா மற்றும் ஜப்பானில் சரிவும், ஹாங்காங் மற்றும் ஷாங்காயில் ஏற்றமும் நிலவுகிறது. வெளிநாட்டு முதலீடுகளின் வரத்து அதிகரிப்பு, இந்தியாவில் ஜிடிபி உயர்வின் தாக்கம் உள்ளிட்ட காரணங்களால் இந்திய பங்குச் சந்தையில் பாசிட்டிவ் போக்கு நீடித்து, பின்னர் சற்றே சரிவை சந்தித்தது.
ஏற்றம் காணும் பங்குகள்:
எல் அண்ட் டி
பஜாஜ் ஃபின்சர்வ்
என்டிபிசி
நெஸ்லே இந்தியா
இன்போசிஸ்
ஹெச்சிஎல் டெக்னாலஜிஸ்
ஐசிஐசிஐ பேங்க்
டாடா மோட்டார்ஸ்
பவர் கிரிட் கார்ப்பரேஷன்
மாருதி சுசுகி
டாடா ஸ்டீல்
அல்ட்ராடெக் சிமென்ட்ஸ்
எடர்னல் லிட்
அதானி போர்ட்ஸ்
கோடக் மஹிந்திரா பேங்க்
எஸ்பிஐ
ஹிந்துஸ்தான் யூனிலீவர்
ரிலையன்ஸ் இண்டஸ்ட்ரீஸ்
ஹெச்டிஎஃப்சி பேங்க்
இறங்கு முகம் காணும் பங்குகள்:
பாரதி ஏர்டெல்
எம் அண்ட் எம்
என்டிபிசி
டெக் மஹிந்திரா
ஆக்சிஸ் பேங்க்
டிசிஎஸ்
ஐடிசி
ஏசியன் பெயின்ட்ஸ்
இண்டஸ்இண்ட் பேங்க்
சன் பார்மா
பஜாஜ் ஃபைனான்ஸ்
டைடன் கம்பெனி
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.48 ஆக இருந்தது.
Edited by Induja Raghunathan