Stock News: மீளும் ரூபாய் மதிப்பு தாக்கம் - சென்செக்ஸ் 400+ புள்ளிகள் உயர்வு!

சர்வதேச சந்தைகளின் சாதகமான போக்கு உள்ளிட்ட காரணங்களால், வாரத்தின் முதல் நாளான இன்று மும்பை மற்றும் தேசிய பங்குச் சந்தையில் நல்ல எழுச்சி நிலவுகிறது.

மும்பை பங்குச் சந்தையில் இன்று (டிச.22) காலை வர்த்தகம் தொடங்கும்போது சென்செக்ஸ் 482.7 புள்ளிகள் உயர்ந்து 85,412.06 ஆக இருந்தது. அதேவேளையில், தேசிய பங்குச் சந்தையில் நிஃப்டி 160.2 புள்ளிகள் உயர்ந்து 26,126.60 ஆக இருந்தது.

“வெளிநாட்டு முதலீடுகளின் வரத்து வெகுவாக அதிகரித்துள்ளது மற்றும் அமெரிக்க டாலருக்கு நிகரான ரூபாய் மதிப்பு குறிப்பிடத்தக்க அளவில் மீண்டு வருவது உள்ளிட்ட காரணங்களால் இந்திய பங்குச் சந்தைகளில் ஏற்றம் நிலவுகிறது,” என வர்த்தக நிபுணர்கள் தெரிவித்துள்ளனர்.

மும்பை பங்குச் சந்தையின் இன்றைய வர்த்தகத்தில் ஒரு சில நிறுவனப் பங்குகளைத் தவிர பெரும்பாலான நிறுவனப் பங்குகளும் ஏற்றம் கண்டுள்ளன.

இன்று பிற்பகல் 12.50 மணியளவில் சென்செக்ஸ் 415.43 புள்ளிகள் உயர்ந்து 85,344.79 ஆகவும், நிஃப்டி 157.05 புள்ளிகள் உயர்ந்து 26,123.45 ஆகவும் இருந்தது.

காரணம் என்ன?

அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது ஷாங்காய், தென் கொரியா, ஜப்பான், ஹாங்காங், என அனைத்திலும் ஏற்றமே காணப்படுகிறது. சர்வதேச சந்தைகளின் சாதகமான போக்குடன், வெளிநாட்டு முதலீடுகளின் வரத்து வெகுவாக அதிகரித்துள்ளது மற்றும் அமெரிக்க டாலருக்கு நிகரான ரூபாய் மதிப்பு குறிப்பிடத்தக்க அளவில் மீண்டு வருவதும் இந்திய பங்குச் சந்தைகளில் எழுச்சிக்கு காரணம்.

ஏற்றம் காணும் பங்குகள்:

ரிலையன்ஸ் இண்டஸ்ட்ரீஸ்

எல் அண்ட் டி

ஹிந்துஸ்தான் யூனிலீவர்

ஐடிசி

கோடக் மஹிந்திரா பேங்க்

டைடன் கம்பெனி

எம் அண்ட் எம்

அதானி போர்ட்ஸ்

நெஸ்லே இந்தியா

ஹெச்டிஎஃப்சி பேங்க்

பவர் கிரிட் கார்ப்பரேஷன்

இன்போசிஸ்

டாடா மோட்டார்ஸ்

எடர்னல் லிட்

மாருதி சுசுகி

டிசிஎஸ்

பஜாஜ் ஃபைனான்ஸ்

அல்ட்ராடெக் சிமென்ட்ஸ்

இண்டஸ்இண்ட் பேங்க்

சன் பார்மா

டாடா ஸ்டீல்

டெக் மஹிந்திரா

பாரதி ஏர்டெல்

என்டிபிசி

ஐசிஐசிஐ பேங்க்

ஹெச்சிஎல் டெக்னலாஜிஸ்

இறங்கு முகம் காணும் பங்குகள்:

பஜாஜ் ஃபின்சர்வ்

ஆக்சிஸ் பேங்க்

ஏசியன் பெயின்ட்ஸ்

எஸ்பிஐ

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.59 ஆக இருந்தது.