Stock News: பேரிழப்புக்குப் பின் மீண்டது இந்திய பங்குச் சந்தை - காரணம் என்ன?

மும்பை மற்றும் தேசிய பங்குச் சந்தையில் நேற்று பெரும் வீழ்ச்சி ஏற்பட்ட நிலையில், இன்று சென்செக்ஸ் மற்றும் நிஃப்டி புள்ளிகள் ஓரளவு ஏற்றத்துடன் மீண்டுள்ளன.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 495.86 புள்ளிகள் உயர்ந்து 76,998.54 ஆக இருந்தது. அதேவேளையில், தேசிய பங்குச் சந்தையில் நிஃப்டி 148.70 புள்ளிகள் உயர்ந்து 24,025 ஆக இருந்தது.

“ட்ரம்பின் போர் நிறுத்த முறிவு அறிவிப்பின் எதிரொலியாக நேற்று (ஜூலை 8) ஒரே நாளில் இந்திய பங்குச்சந்தையில் ரூ.8 லட்சம் கோடி அளவில் முதலீட்டாளர்களுக்கு இழப்பு ஏற்பட்டது. ஈரானில் போர் மேகம் மீண்டும் வலுத்தாலும் கூட, வெளிநாட்டு முதலீட்டு வரத்து சற்றே அதிகரித்ததால் இந்திய பங்குச் சந்தையில் மீட்சி ஏற்பட்டது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் எஸ்பிஐ, ஆக்சிஸ் பேங்க், பாரதி ஏர்டெல், டைடன் கம்பெனி உள்ளிட்ட நிறுவனப் பங்குகள் ஏற்றம் கண்டிருந்தன. என்டிபிசி, பஜாஜ் ஃபைனான்ஸ், டிசிஎஸ், இன்போசிஸ் உள்ளிட்ட நிறுவனப் பங்குகள் சரிவை சந்தித்தன.

இன்று முற்பகல் 10.45 மணியளவில் சென்செக்ஸ் 465.46 புள்ளிகள் உயர்ந்து 76,969.06 ஆகவும், நிஃப்டி 148.20 புள்ளிகள் உயர்ந்து 24,030.25 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளில் கலவையான போக்கு நிலவுகிறது. கச்சா எண்ணெய் விலை பேரலுக்கு 78 டாலராக அதிகரித்துள்ளது. ட்ரம்ப்பின் அதிரடி முடிவுகளால் ஈரானில் போர் மேகம் மீண்டும் வலுத்தாலும் கூட, வெளிநாட்டு முதலீட்டு வரத்து சற்றே அதிகரித்ததால் இந்திய பங்குச் சந்தையில் மீட்சி ஏற்பட்டது.

ஏறுமுகம் காணும் பங்குகள்:

எஸ்பிஐ

ஆக்சிஸ் பேங்க்

பாரதி ஏர்டெல்

டைடன் கம்பெனி

இந்துஸ்தான் யூனிலீவர்

இண்டஸ்இண்ட் பேங்க்

அல்ட்ராடெக் சிமென்ட்ஸ்

பவர் கிரிட் கார்ப்பரேஷன்

பஜாஜ் ஃபின்சர்வ்

டெக் மஹிந்திரா

எல் அண்ட் டி

எம் அண்ட் எம்

ஏசியன் பெயின்ட்ஸ்

ரிலையன்ஸ் இண்டஸ்ட்ரீஸ்

கோடக் மஹிந்திரா பேங்க்

ஐடிசி

நெஸ்லே இந்தியா

சன் பார்மா

அதானி போர்ட்ஸ்

எடர்னல்

ஐசிஐசிஐ பேங்க்

ஹெச்டிஎஃப்சி பேங்க்

இறங்கு முகம் காணும் பங்குகள்:

டாடா மோட்டார்ஸ்

டாடா ஸ்டீல்

மாருதி சுசுகி

ஹெச்சிஎல் டெக்னாலஜிஸ்

என்டிபிசி

பஜாஜ் ஃபைனான்ஸ்

டிசிஎஸ்

இன்போசிஸ்

ரூபாய் மதிப்பு:

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.95.55 ஆக இருந்தது.