Stock News: சென்செக்ஸ் 400+ புள்ளிகள் உயர்வு - ஐடிசி பங்குகள் கடும் வீழ்ச்சி!

மும்பை பங்குச் சந்தையில் சென்செக்ஸ் 400+ புள்ளிகள் உயர்ந்தன. நிஃப்டி புள்ளிகளும் ஏற்றம் கண்டுள்ளன. இதனிடையே, ஐடிசி நிறுவனப் பங்குகள் கடும் வீழ்ச்சியை சந்தித்துள்ளது.

மும்பை பங்குச் சந்தையில் இன்று (ஜன.2) காலை வர்த்தகம் தொடங்கும்போது சென்செக்ஸ் 158.19 புள்ளிகள் உயர்ந்து 85,346.79 ஆக இருந்தது. அதேவேளையில், தேசிய பங்குச் சந்தையில் நிஃப்டி 55.8 புள்ளிகள் உயர்ந்து 26,202.35 ஆக இருந்தது.

உள்ளூர் முதலீட்டாளர்கள் காட்டி வரும் ஆர்வம் காரணமாக இந்திய பங்குச் சந்தையில் புத்தெழுச்சி ஏற்பட்டுள்ளது. அதே வேளையில், சிகரெட் மீதான கூடுதல் வரி எதிரொலியால், ஐடிசி நிறுவனப் பங்குகள் இன்று இரண்டாவது நாளாக கடும் வீழ்ச்சி கண்டது.

சிகரெட், புகையிலைப் பொருட்கள் மீது விதிக்கப்பட்ட கூடுதல் கலால், செஸ்வரி பிப்ரவரி 1-ம் தேதி அமலுக்கு வருகிறது. தாக்கத்தால் சிகரெட் தயாரிப்பு நிறுவனங்களின் பங்குகள் வீழ்ச்சி அடைந்துள்ளன. ஐடிசி நிறுவனத்துக்கு நேற்று ஒநே ஆளில் ரூ.50,000 கோடி இழப்பு ஏற்பட்டது.

மும்பை பங்குச் சந்தையின் இன்றைய வர்த்தகத்தில் ஐடிசி, எல் அண்ட் டி, அல்ட்ராடெக் சிமென்ட்ஸ், பாரதி ஏர்டெல், நெஸ்லே இந்தியா ஆகிய நிறுவனப் பங்குகள் சரிவை சந்தித்துள்ளன. ஏனைய பெரும்பாலான நிறுவனப் பங்குகள் ஏற்றம் கண்டுள்ளன.

இன்று பிற்பகல் 12.15 மணியளவில் சென்செக்ஸ் 428.20 புள்ளிகள் உயர்ந்து 85,616.80 ஆகவும், நிஃப்டி 137.35 புள்ளிகள் உயர்ந்து 26,283.90 ஆகவும் இருந்தது.

காரணம் என்ன?

அமெரிக்க பங்குச் சந்தைக்கு நேற்று விடுமுறை. ஆசிய பங்குச் சந்தைகளைப் பொறுத்தவரையில் ஹாங்காங்கில் மட்டுமே ஏற்றம் நிலவுகிறது. தென் கொரியா, ஷாங்காயில் சரிவு நிலவுகிறது. சர்வதேச அளவில் கலவையான போக்கு நிலவினாலும் கூட, உள்ளூர் முதலீட்டாளர்கள் காட்டி வரும் ஆர்வம் காரணமாக இந்திய பங்குச் சந்தையில் புத்தெழுச்சி ஏற்பட்டுள்ளது. அதே வேளையில், சிகரெட் மீதான கூடுதல் வரி எதிரொலியால், ஐடிசி நிறுவனப் பங்குகள் இன்று இரண்டாவது நாளாக கடும் வீழ்ச்சி கண்டது.

ஏற்றம் காணும் பங்குகள்:

அதானி போர்ட்ஸ்

எஸ்பிஐ

டாடா ஸ்டீல்

ஆக்சிஸ் பேங்க்

மாருதி சுசுகி

டாடா மோட்டார்ஸ்

ஏசியன் பெயின்ட்ஸ்

டைடன் கம்பெனி

இண்டஸ்இண்ட் பேங்க்

பவர் கிரிட் கார்ப்பரேஷன்

ரிலையன்ஸ் இண்டஸ்ட்ரீஸ்

என்டிபிசி

கோடக் மஹிந்திரா பேங்க்

ஹெச்சிஎல் டெக்னாலஜிஸ்

இந்துஸ்தான் யூனிலீவர்

எம் அண்ட் எம்

ஹெச்டிஎஃப்சி பேங்க்

எடர்னல் லிட்

சன் பார்மா

ஐசிஐசிஐ பேங்க்

இன்போசிஸ்

டிசிஎஸ்

பஜாஜ் ஃபின்சர்வ்

பஜாஜ் ஃபைனான்ஸ்

டெக் மஹிந்திரா

இறங்கு முகம் காணும் பங்குகள்:

ஐடிசி

எல் அண்ட் டி

அல்ட்ராடெக் சிமென்ட்ஸ்

பாரதி ஏர்டெல்

நெஸ்லே இந்தியா

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.90.11 ஆக இருந்தது.