Stock News: கைகொடுத்த வங்கி பங்குகள் - மீளும் இந்திய பங்குச் சந்தை!

வங்கி நிறுவனப் பங்குகள் மீதான முதலீட்டாளர்களின் ஆர்வம் உள்ளிட்ட காரணங்களால், இந்திய பங்குச் சந்தை இன்று மீண்டெழுந்துள்ளது.

மும்பை பங்குச் சந்தையில் இன்று (நவ.3) காலை வர்த்தகம் தொடங்கும்போது சென்செக்ஸ் 261.39 புள்ளிகள் சரிந்து 83,677.32 ஆகவும், தேசிய பங்குச் சந்தையில் நிஃப்டி 62.9 புள்ளிகள் சரிந்து 25,659.20 ஆகவும் இருந்தது.

இன்று காலை சரிவுடன் தொடங்கிய வர்த்தகம் பின்னர் கொஞ்சம் கொஞ்சமாக மீளத் தொடங்கியது. வங்கி நிறுவனப் பங்குகள், ரியல் எஸ்டேட் சார்ந்த நிறுவனப் பங்குகள் இன்றைய வர்த்தகத்தில் கைகொடுத்தன. எஸ்பிஐ, இண்டஸ்ட்இண்ட் பேங்க், கோடக் மஹிந்திரா பேங்க், ஹெச்டிஎஃப்சி பேங்க், ஆக்சிஸ் பேங்க், ஐசிஐசிஐ பேங்க் உள்ளிட்ட நிறுவனப் பங்குகள் ஏற்றம் கண்டன.

அதேவேளையில், ரிலையன்ஸ் இண்டஸ்ட்ரீஸ், இன்போசிஸ், டெக் மஹிந்திரா, அதானி போர்ட்ஸ், டிசிஎஸ், ஐடிசி உள்ளிட்ட நிறுவனப் பங்குகள் சரிவை சந்தித்தன.

இன்று பிற்பகல் 1.45 மணியளவில் சென்செக்ஸ் 38.21 புள்ளிகள் உயர்ந்து 83,976.92 ஆகவும், நிஃப்டி 33.60 புள்ளிகள் உயர்ந்து 25,755.70 ஆகவும் இருந்தது.

காரணம் என்ன?

அமெரிக்க பங்குச் சந்தை ஏற்றத்துடன் நிறைவுற்றது. ஆசிய பங்குச் சந்தைகளைப் பொறுத்தவரையில் தென் கொரியா, ஜப்பான், ஹாங்காங் மற்றும் ஷாங்காய் என அனைத்திலும் ஏற்றம் நிலவுகிறது. சர்வதேச பங்குச் சந்தைகளில் நிலவும் சாதகமான போக்கு உள்ளிட்ட காரணங்களால் இந்திய பங்குச் சந்தை மீளத் தொடங்கியிருக்கிறது.

ஏற்றம் காணும் பங்குகள்:

எம் அண்ட் எம்

எஸ்பிஐ

எடர்னல் லிட்

இண்டஸ்ட்இண்ட் பேங்க்

டாடா மோட்டார்ஸ்

கோடக் மஹிந்திரா பேங்க்

பவர் கிரிட் கார்ப்பரேஷன்

ஹெச்டிஎஃப்சி பேங்க்

ஆக்சிஸ் பேங்க்

சன் பார்மா

பஜாஜ் ஃபைனான்ஸ்

டாடா ஸ்டீல்

பஜாஜ் ஃபின்சர்வ்

பாரதி ஏர்டெல்

ஐசிஐசிஐ பேங்க்

இறங்கு முகம் காணும் பங்குகள்:

ரிலையன்ஸ் இண்டஸ்ட்ரீஸ்

அல்ட்ராடெக் சிமென்ட்ஸ்

இன்போசிஸ்

டைடன் கம்பெனி

ஏசியன் பெயின்ட்ஸ்

டெக் மஹிந்திரா

இந்துஸ்தான் யூனிலீவர்

ஹெச்சிஎல் டெக்னாலஜிஸ்

அதானி போர்ட்ஸ்

என்டிபிசி

நெஸ்லே இந்தியா

எல் அண்ட் டி

டிசிஎஸ்

ஐடிசி

மாருதி சுசுகி

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.88.78 ஆக இருந்தது.