Stock News: ‘ரெப்போ’ குறைப்பு தாக்கம் - சென்செக்ஸ் 500 புள்ளிகள் உயர்வு!

ரிசர்வ் வங்கியின் வட்டிக் குறைப்பு நடவடிக்கையின் எதிரொலியாக, மும்பை மற்றும் தேசிய பங்குச் சந்தைகளில் புதிய எழுச்சி நிலவுகிறது. வர்த்தகத்தின் இடையே சென்செக்ஸ் 500 புள்ளிகள் உயர்ந்தன.

மும்பை பங்குச் சந்தையில் இன்று (டிச.5) காலை வர்த்தகம் தொடங்கிய பின்னர் எழுச்சி ஏற்பட்டது. அதன்படி, சென்செக்ஸ் 318.71 புள்ளிகள் உயர்ந்து 85,584.03 ஆக இருந்தது. அதேவேளையில், தேசிய பங்குச் சந்தையில் நிஃப்டி 95 புள்ளிகள் உயர்ந்து 26,128.75 ஆக இருந்தது.

"வங்கிகளின் குறுகிய கால கடனுக்கான ரெப்போ வட்டி விகிதம் 25 அடிப்படைப் புள்ளிகள் குறைக்கப்பட்டு, 5.5 சதவீதத்தில் இருந்து 5.25% ஆக குறைத்தது இந்திய ரிசர்வ் வங்கி. இதன்மூலம் வீடு, வாகன மற்றும் வர்த்தகக் கடன்களுக்கான வட்டி விகிதம் குறைய வாய்ப்பு ஏற்பட்டுள்ளது. இதன் தாக்கத்தால், இந்திய பங்குச் சந்தை வெகுவாக மீண்டுள்ளது," என்று வர்த்தக நிபுணர்கள் கூறினர்.

மும்பை பங்குச் சந்தையில் இன்றைய வர்த்தகத்தில் பெரும்பாலான நிறுவனப் பங்குகள் ஏறுமுகம் கண்டிருந்தன. எனினும், ரிலையன்ஸ் இண்டஸ்ட்ரீஸ், நெஸ்லே இந்தியா, எடர்னல் லிட், டாடா மோட்டார்ஸ், சன் பார்மா, இந்துஸ்தான் யூனிலீவர் முதலானவை மட்டும் சரிவை சந்தித்தன.

இன்று பிற்பகல் 1.15 மணியளவில் சென்செக்ஸ் 429.67 புள்ளிகள் உயர்ந்து 85,694.99 ஆகவும், நிஃப்டி 148.40 புள்ளிகள் உயர்ந்து 26,182.15 ஆகவும் இருந்தது.

காரணம் என்ன?

அமெரிக்க பங்குச் சந்தையில் கலவையான போக்கு நிலவியது. ஆசிய பங்குச் சந்தைகளைப் பொறுத்தவரையில் தற்போது தென் கொரியா மற்றும் ஷாங்காயில் ஏற்றமும், ஜப்பான் மற்றும் ஹாங்காங்கில் சரிவும் காணப்படுகிறது. ரெப்போ வட்டி விகிதம் 25 அடிப்படைப் புள்ளிகள் குறைக்கப்பட்டு, 5.5 சதவீதத்தில் இருந்து 5.25% ஆக குறைத்தது இந்திய ரிசர்வ் வங்கி. இதன்மூலம் வீடு, வாகன மற்றும் வர்த்தகக் கடன்களுக்கான வட்டி விகிதம் குறைய வாய்ப்பு ஏற்பட்டுள்ளது. இதன் தாக்கத்தால், இந்திய பங்குச் சந்தை வெகுவாக மீண்டு எழுச்சி கண்டுள்ளது.

ஏற்றம் காணும் பங்குகள்:

என்டிபிசி

பாரதி ஏர்டெல்

ஹெச்டிஎஃப்சி பேங்க்

டைடன் கம்பெனி

எஸ்பிஐ

மாருதி சுசுகி

கோடக் மஹிந்திரா பேங்க்

அதானி போர்ட்ஸ்

டாடா ஸ்டீல்

எல் அண்ட் டி

பஜாஜ் ஃபின்சர்வ்

பவர் கிரிட் கார்ப்பரேஷன்

அல்ட்ராடெக் சிமென்ட்ஸ்

எம் அண்ட் எம்

பஜாஜ் ஃபைனான்ஸ்

ஏசியன் பெயின்ட்ஸ்

இண்டஸ்இண்ட் பேங்க்

டிசிஎஸ்

இன்போசிஸ்

டெக் மஹிந்திரா

ஐசிஐசிஐ பேங்க்

ஆக்சிஸ் பேங்க்

ஹெச்சிஎல் டெக்னாலஜிஸ்

ஐடிசி

இறங்கு முகம் காணும் பங்குகள்:

ரிலையன்ஸ் இண்டஸ்ட்ரீஸ்

நெஸ்லே இந்தியா

எடர்னல் லிட்

டாடா மோட்டார்ஸ்

சன் பார்மா

இந்துஸ்தான் யூனிலீவர்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.89.91 ஆக இருந்தது.