Stock News: Q2 முடிவுகளின் தாக்கம் - இந்திய பங்குச் சந்தையில் பாசிட்டிவ் போக்கு!

பல்வேறு நிறுவனங்களில் இரண்டாவது காலாண்டு முடிவுகளில் நிகர லாபம் வெகுவாக உயர்ந்திருப்பதன் தாக்கத்தால், மும்பை மற்றும் தேசிய பங்குச் சந்தைகளில் பாசிட்டிவ் போக்கு நிலவுகிறது.

மும்பை பங்குச் சந்தையில் இன்று (நவ.17) காலை வர்த்தகம் தொடங்கும்போது சென்செக்ஸ் 234.42 புள்ளிகள் உயர்ந்து 84,797.20 ஆக இருந்தது. அதேவேளையில், தேசிய பங்குச் சந்தையில் நிஃப்டி 56.10 புள்ளிகள் உயர்ந்து 25,966.15 ஆக இருந்தது.

“பல்வேறு நிறுவனங்களின் இரண்டாவது காலாண்டு (Q2) முடிவுகள் தற்போது வெளியாகி இருக்கின்றன. இந்த முடிவுகள் வருவாய் ரீதியில் நல்ல முன்னேற்றத்தைக் காட்டுகின்றன. கடந்த 6 காலாண்டுகளில் இல்லாத அளவுக்கு இம்முறை 10.8 சதவீதம் அளவில் நிகர லாபம் உயர்ந்துள்ளது. இந்தச் சாதகத் தன்மை இப்போது இந்திய பங்குச் சந்தைகளில் எதிரொலிக்கிறது,” என்று பொருளாதார வல்லுநர் வி.கே.விஜயக்குமார் தெரிவித்துள்ளார்.

இன்றைய வர்த்தகத்தில் ஐசிஐசிஐ பேங்க், இண்டஸ்இண்ட் பேங்க், எல் அண்ட் டி, பாரதி ஏர்டெல், ஹெச்டிஎஃப்சி பேங்க், டெக் மஹிந்திரா உள்ளிட்ட நிறுவனப் பங்குகள் ஏற்றம் கண்டிருந்தன. அதேவேளையில், சன் பார்மா, டிசிஎஸ், இன்போசிஸ், அதானி போர்ட்ஸ், ரிலையன்ஸ் இண்டஸ்ட்ரீஸ், டாடா ஸ்டீல் உள்ளிட்ட நிறுவனப் பங்குகள் சரிவை சந்தித்தன.

இன்று பிற்பகல் 12.30 மணியளவில் சென்செக்ஸ் 238.96 புள்ளிகள் உயர்ந்து 84,801.74 ஆகவும், நிஃப்டி 62.65 புள்ளிகள் உயர்ந்து 25,972.70 ஆகவும் இருந்தது.

காரணம் என்ன?

அமெரிக்க பங்குச் சந்தை வெள்ளிக்கிழமை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தற்போது தென் கொரியாவில் மட்டும் ஏற்றம் நிலவுகிறது. ஹாங்காங், ஜப்பான் மற்றும் ஷாங்காயில் சரிவுப் போக்கே காணப்படுகிறது. எனினும், பல்வேறு நிறுவனங்களின் இரண்டாவது காலாண்டு வருவாய் முடிவுகளின் சாதகத் தன்மை, உள்ளூர் முதலீட்டாளர்கள் காட்டி வரும் ஆர்வம் காரணமாக இந்திய பங்குச் சந்தையில் எழுச்சி நிலவுகிறது.

ஏற்றம் காணும் பங்குகள்:

ஐசிஐசிஐ பேங்க்

இண்டஸ்இண்ட் பேங்க்

எல் அண்ட் டி

பாரதி ஏர்டெல்

மாருதி சுசுகி

ஹெச்சிஎல் டெக்னாலஜிஸ்

டைடன் கம்பெனி

கோடக் மஹிந்திரா பேங்க்

ஹெச்டிஎஃப்சி பேங்க்

டெக் மஹிந்திரா

எம் அண்ட் எம்

எடர்னல் லிட்

ஆக்சிஸ் பேங்க்

எஸ்பிஐ

என்டிபிசி

பஜாஜ் ஃபைனான்ஸ்

பவர் கிரிட் கார்ப்பரேஷன்

ஐடிசி

இறங்கு முகம் காணும் பங்குகள்:

சன் பார்மா

டிசிஎஸ்

நெஸ்லே இந்தியா

இன்போசிஸ்

ஹிந்துஸ்தான் யூனிலீவர்

பஜாஜ் ஃபின்சர்வ்

அதானி போர்ட்ஸ்

ரிலையன்ஸ் இண்டஸ்ட்ரீஸ்

ஏசியன் பெயின்ட்ஸ்

டாடா ஸ்டீல்

அல்ட்ராடெக் சிமென்ட்ஸ்

டாடா மோட்டார்ஸ்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.88.58 ஆக இருந்தது.