Stock News: சென்செக்ஸ் 700+ புள்ளிகள் உயர்வு - புதிய எழுச்சி ஏன்?

வெளிநாட்டு முதலீடுகளின் வரத்து அதிகரிப்பு உள்ளிட்ட காரணங்களால், இந்திய பங்குச் சந்தையில் புதிய எழுச்சி நிலவுகிறது. சென்செக்ஸ் 700+ புள்ளிகள் உயர்ந்தன.

மும்பை பங்குச் சந்தையில் இன்று (நவ.12) காலை வர்த்தகம் தொடங்கும்போது சென்செக்ஸ் 464.66 புள்ளிகள் உயர்ந்து 84,335.98 ஆக இருந்தது. அதேவேளையில், தேசிய பங்குச் சந்தையில் நிஃப்டி 134.70 புள்ளிகள் உயர்ந்து 25,829.65 ஆக இருந்தது.

இன்று காலை முதலே மும்பை மற்றும் தேசிய பங்குச் சந்தைகளில் பச்சை விளக்கு பிரகாசமாக எரிவது முதலீட்டாளர்களுக்கு உத்வேகம் அளித்துள்ளது. பெரும்பாலான நிறுவனப் பங்குகள் ஏற்றம் கண்டுள்ளன. அதேவேளையில், எல்அண்ட்டி, எம் அண்ட் எம், மாருதி சுசுகி, கோடக் மஹிந்திரா பேங்க், ஹிந்துஸ்தான் யூனிலீவர், டாடா மோட்டார்ஸ், டாடா ஸ்டீல் ஆகிய நிறுவனப் பங்குகள் சரிவை சந்தித்தன.

இன்று பிற்பகல் 12.40 மணியளவில் சென்செக்ஸ் 717.20 புள்ளிகள் உயர்ந்து 84,588.52 ஆகவும், நிஃப்டி 220.60 புள்ளிகள் உயர்ந்து 25,915.55 ஆகவும் இருந்தது.

காரணம் என்ன?

அமெரிக்க பங்குச் சந்தை உயர்வுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தென் கொரியா மற்றும் ஹாங்காங்கில் ஏற்றமும், ஜப்பான் மற்றும் ஷாங்காயில் சரிவும் நிலவுகிறது. சர்வதேச பங்குச் சந்தைகளில் நிலவும் போக்குடன் வெளிநாட்டு முதலீடுகளின் வரத்து அதிகரிப்பு மற்றும் இந்தியா - அமெரிக்கா இடையிலான வர்த்தக பேச்சுவார்த்தையில் முன்னேற்றம் உள்ளிட்ட காரணங்களால் இந்திய பங்குச் சந்தையில் எழுச்சி நிலவுகிறது.

ஏற்றம் காணும் பங்குகள்:

ஆக்சிஸ் பேங்க்

நெஸ்லே இந்தியா

எஸ்பிஐ

ஐடிசி

டைடன் கம்பெனி

என்டிபிசி

ரிலையன்ஸ் இண்டஸ்ட்ரீஸ்

பவர் கிரிட் கார்ப்பரேஷன்

ஏசியன் பெயின்ட்ஸ்

பஜாஜ் ஃபின்சர்வ்

பஜாஜ் ஃபைனான்ஸ்

இண்டஸ்இண்ட் பேங்க்

எடர்னல் லிட்

பாரதி ஏர்டெல்

ஹெச்சிஎல் டெக்னாலஜிஸ்

டெக் மஹிந்திரா

இன்போசிஸ்

சன் பார்மா

ஐசிஐசிஐ பேங்க்

அல்ட்ராடெக் சிமென்ட்ஸ்

டிசிஎஸ்

ஹெச்டிஎஃப்சி பேங்க்

அதானி போர்ட்ஸ்

இறங்கு முகம் காணும் பங்குகள்:

எல் அண்ட் டி

எம் அண்ட் எம்

மாருதி சுசுகி

கோடக் மஹிந்திரா பேங்க்

ஹிந்துஸ்தான் யூனிலீவர்

டாடா மோட்டார்ஸ்

டாடா ஸ்டீல்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.88.57 ஆக இருந்தது.