Stock News: ஐடி பங்குகளுக்கு மவுசு - சென்செக்ஸ் 700+ புள்ளிகள் உயர்வு!

ஐடி பங்குகளுக்கு இன்று மவுசு கூடிய நிலையில், மும்பை பங்குச் சந்தையில் சென்செக்ஸ் 700+ புள்ளிகள் உயர்ந்தன.

மும்பை பங்குச் சந்தையில் இன்று காலையில் வர்த்தகம் தொடங்கும்போது சென்செக்ஸ் 694.83 புள்ளிகள் உயர்ந்து 77,423.82 ஆக இருந்தது. அதேவேளையில், தேசிய பங்குச் சந்தையில் நிஃப்டி 195.95 புள்ளிகள் உயர்ந்து 24,154.85 ஆக இருந்தது.

“ஈரான் - அமெரிக்க மோதல் பதற்றம் நீடித்தாலும் கூட, சர்வதேச சந்தைகளில் ஏற்றம் நிலவுகிறது. அத்துடன், டிசிஎஸ் காலாண்டு வருவாய் வெகுவாக உயர்ந்ததால், ஐடி நிறுவனப் பங்குகளுக்கு மவுசு கூடியுள்ளது. இதனால், இந்திய பங்குச் சந்தையில் எழுச்சி நீடிக்கிறது,” என்று நிபுணர்கள் கூறுகின்றனர்.

மும்பை பங்குச் சந்தையின் இன்றைய முற்பகல் வர்த்தகத்தில் பாரதி ஏர்டெல், எடர்னல் ஆகிய நிறுவனப் பங்குகள் மட்டுமே சரிவை சந்தித்தன. ஏனைய நிறுவனப் பங்குகள் அனைத்தும் ஏற்றம் கண்டிருந்தன.

இன்று முற்பகல் 11 மணியளவில் சென்செக்ஸ் 721.33 புள்ளிகள் உயர்ந்து 77,463.15 ஆகவும், நிஃப்டி 220.10 புள்ளிகள் உயர்ந்து 24,182.90 ஆகவும் இருந்தது.

காரணம் என்ன?

அமெரிக்க பங்குச் சந்தை உயர்வுடன் நிறைவுற்றது. ஆசிய பங்குச் சந்தைகளில் சாதகப் போக்கு நிலவுகிறது. ஈரான் - அமெரிக்க மோதல் பதற்றம் நீடித்தாலும் கூட, சர்வதேச சந்தைகளில் ஏற்றம் நிலவுகிறது. அத்துடன், டிசிஎஸ் காலாண்டு வருவாய் வெகுவாக உயர்ந்ததால், ஐடி நிறுவனப் பங்குகளுக்கு மவுசு கூடியுள்ளது. இதனால், இந்திய பங்குச் சந்தையில் எழுச்சி நீடிக்கிறது

ஏறுமுகம் காணும் பங்குகள்:

டாடா மோட்டார்ஸ்

டாடா ஸ்டீல்

மாருதி சுசுகி

ஹெச்சிஎல் டெக்னாலஜிஸ்

என்டிபிசி

பஜாஜ் ஃபைனான்ஸ்

டிசிஎஸ்

இன்போசிஸ்

எஸ்பிஐ

ஆக்சிஸ் பேங்க்

டைடன் கம்பெனி

இந்துஸ்தான் யூனிலீவர்

இண்டஸ்இண்ட் பேங்க்

அல்ட்ராடெக் சிமென்ட்ஸ்

பவர் கிரிட் கார்ப்பரேஷன்

பஜாஜ் ஃபின்சர்வ்

டெக் மஹிந்திரா

எல் அண்ட் டி

எம் அண்ட் எம்

ஏசியன் பெயின்ட்ஸ்

ரிலையன்ஸ் இண்டஸ்ட்ரீஸ்

கோடக் மஹிந்திரா பேங்க்

ஐடிசி

நெஸ்லே இந்தியா

சன் பார்மா

அதானி போர்ட்ஸ்

ஐசிஐசிஐ பேங்க்

ஹெச்டிஎஃப்சி பேங்க்

இறங்கு முகம் காணும் பங்குகள்:

பாரதி ஏர்டெல்

எடர்னல்

ரூபாய் மதிப்பு:

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.95.35 ஆக இருந்தது.