Stock News: பங்குச் சந்தையில் எழுச்சி - சென்செக்ஸ் 600+ புள்ளிகள் உயர்வு!

தீபாவளிக்குப் பிந்தைய வர்த்தகத்தில், இந்தியப் பங்குச் சந்தையில் பெரும் எழுச்சி ஏற்பட்டுள்ளது. மும்பை மற்றும் தேசிய பங்குச் சந்தையில் குறிப்பிடத்தக்க ஏற்றம் நிலவுகிறது.

மும்பை பங்குச் சந்தையில் இன்று (அக்.23) காலை வர்த்தகம் தொடங்கும்போது சென்செக்ஸ் 734.36 புள்ளிகள் உயர்ந்து 85,160.70 ஆகவும், தேசிய பங்குச் சந்தையில் நிஃப்டி 198.3 புள்ளிகள் உயர்ந்து26,066.90 ஆகவும் இருந்தது.

சர்வதேச பங்குச் சந்தைகளில் வீழ்ச்சி நிலவினாலும் கூட, அது எந்த விதத்திலும் இந்திய பங்குச் சந்தையில் தாக்கம் தரவில்லை. சென்செக்ஸ், நிஃப்டி புள்ளிகள் வெகுவாக ஏற்றம் கண்டுள்ளன. இன்றைய வர்த்தகத்தில் பெரும்பாலான நிறுவனப் பங்குகள் உயர்ந்துள்ளன. அதேவேளையில், ஐசிஐசிஐ பேங்க், அல்ட்ராடெக் சிமென்ட்ஸ், அதானி போர்ட்ஸ், பாரதி ஏர்டெல் மற்றும் எடர்னல் லிட் ஆகிய நிறுவனப் பங்குகள் மட்டுமே சரிவை சந்தித்துள்ளன.

இன்று பிற்பகல் 1.05 மணியளவில் சென்செக்ஸ் 636.12 புள்ளிகள் உயர்ந்து 85,062.46 ஆகவும், நிஃப்டி 172.05 புள்ளிகள் உயர்ந்து 26,040.65 ஆகவும் இருந்தது.

காரணம் என்ன?

அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் தென் கொரியா, ஜப்பான், ஹாங்காங் மற்றும் ஷாங்காய் என அனைத்திலும் சரிவுப் போக்குதான் நிலவுகிறது. இது, இந்திய பங்குச் சந்தையில் எதிரொலிக்கவில்லை. இந்தியா - அமெரிக்கா இடையிலான வர்த்தகப் பேச்சுவார்த்தையில் முன்னேற்றம் ஏற்பட்டுள்ளதன் தாக்கத்தால் மும்பை மற்றும் தேசிய பங்குச் சந்தையில் எழுச்சி நிலவுகிறது.

ஏற்றம் காணும் பங்குகள்:

டெக் மஹிந்திரா

பவர் கிரிட் கார்ப்பரேஷன்

டாடா மோட்டார்ஸ்

எஸ்பிஐ

டிசிஎஸ்

எல் அண்ட் டி

கோடக் மஹிந்திரா பேங்க்

டாடா ஸ்டீல்

ஹெச்சிஎல் டெக்னாலஜிஸ்

இன்போசிஸ்

இண்டஸ்இண்ட் பேங்க்

ஆக்சிஸ் பேங்க்

பஜாஜ் ஃபைனான்ஸ்

பஜாஜ் ஃபின்சர்வ்

ஏசியன் பெயின்ட்ஸ்

எம் அண்ட் எம்

மாருதி சுசுகி

ஐடிசி

ஹெச்டிஎஃப்சி பேங்க்

நெஸ்லே இந்தியா

ரிலையன்ஸ் இண்டஸ்ட்ரீஸ்

சன் பார்மா

என்டிபிசி

டைடன் கம்பெனி

ஹிந்துஸ்தான் யூனிலீவர்

இறங்கு முகம் காணும் பங்குகள்:

ஐசிஐசிஐ பேங்க்

அல்ட்ராடெக் சிமென்ட்ஸ்

அதானி போர்ட்ஸ்

பாரதி ஏர்டெல்

எடர்னல் லிட்

ரூபாய் மதிப்பு

இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.87.91 ஆக இருந்தது.