பெங்களூருவில் சங்கமிக்கும் தமிழக தொழில்முனைவோர் - ஜூலை 4 Tamilpreneur நடத்தும் ‘Grand Sangamam 2026'

தொழில்முனைவோர்கள், முதலீட்டாளர்கள், ஸ்டார்ட் அப் சூழல் தலைவர்கள் மற்றும் வர்த்தக துறையினர் ஒன்று கூடும் வகையில் ஜூலை 4 ம் தேதி பெங்களூருவில் கிராண்ட் சங்கமம் 2026 நிகழ்ச்சியை Tamilpreneur நடத்துகிறது.

Thursday June 18, 2026 , 3 min Read

தொழில்முனைவோர்கள், முதலீட்டாளர்கள், ஸ்டார்ட் அப் சூழல் தலைவர்கள் மற்றும் வர்த்தக துறையினர் ஒன்று கூடும் வகையில் ஜூலை 4ம் தேதி பெங்களூருவில் 'கிராண்ட் சங்கமம் 2026' நிகழ்ச்சியை தமிழ்பிரனர் (Tamilpreneur) நடத்த இருக்கிறது. ’எல்லைகளை கடந்து...’ எனும் கருப்பொருளின் கீழ் பெங்களூரு ஒயிட்பீல்டில் உள்ள ‘ஷெரட்டன் கிராண்ட்’ ஓட்டலில் இந்த நிகழ்ச்சி நடைபெறுகிறது.

இந்தியாவின் துடிப்புமிக்க தொழில்முனைவு சூழல்களில் ஒன்றாக தமிழ்நாடு விளங்கினாலும், தேசிய அளவில் வளர்ச்சியை நாடும் ஸ்டார்ட் அப்’களுக்கு பெங்களூரு பரவலான சந்தை, வர்த்தக வாடிக்கையாளர்கள், முதலீட்டாளர்கள் வலைப்பின்னல், வியூக கூட்டுறவு வாய்ப்புகளை வழங்குவதால் இந்த நிகழ்ச்சி பெங்களூருவில் நடைபெறுகிறது.

கிராண்ட் சங்கமம் நிகழ்ச்சியை பெங்களூருவில் நடத்துவதன் மூலம் தமிழ்பிரனர், தமிழ் நிறுவனர்கள் பிராந்திய எல்லைகளை கடந்து, வலுவான வர்த்தக தொடர்புகளை உருவாக்கிக் கொண்டு, வளர்ச்சி வாய்ப்புகளை கண்டறிய வழி செய்கிறது.

தொழில்முனைவு பயணம்

கடந்த ஆண்டுகளில் கிராண்ட் சங்கமம் நிகழ்ச்சி, ஜோஹோ, பிரெஷ்வொர்க்ஸ், ராமராஜ் காட்டன், எம்2பி பின்டெக் உள்ளிட்ட நிறுவனங்களின் தலைவர்கள் பங்கேற்கும் மேடையாக உருவாகி இருக்கிறது.

நிறுவனர்கள் இணை நிறுவனர்களை கண்டறிய வாய்ப்பளிக்கும் மேடையாக உருவாகியுள்ளது. முதலீட்டாளர்கள் பிரகாசமான ஸ்டார்ட் அப்’களை கண்டறியவும், தொழில்முனைவோர் நீண்ட கால உறவுகளை வளர்க்கவும் உதவி செய்கிறது.

சிறப்பு விருந்தினர்

இந்த ஆண்டு ஐபிஎஸ் அதிகாரியும், அரசியல்வாதியுமான கே.அண்ணாமலை சிறப்பு விருந்தினராக பங்கேற்க இருப்பதாகவும் அறிவிக்கப்பட்டுள்ளது. மேலும், ரோல்ஸ் ராய்ஸ் இந்தியா, சிராட்டே வென்சர்ஸ், ஜாவா கேபிடல், kalvium, GoZen உள்ளிட்ட நிறுவனங்களின் தொழில்முனைவோர், முதலீட்டாளர்கள் மற்றும் ஸ்டார்ட் அப் துறையினர் பங்கேற்கின்றனர்.

கிராண்ட் சங்கமம் 2026 நிகழ்ச்சியின் முக்கிய அம்சங்களில் ஒன்றாக வென்சர் முதலீட்டாளர்கள் மற்றும் ஸ்டார்ட் அப் முதலீட்டாளர்களுடனான நேரடி அணுகல் வசதி அமைகிறது.

இந்த நிகழ்ச்சியில் டெமோ டே எனும் பிரத்யேக நிகழ்ச்சியும் நடைபெற உள்ளது. இதில் தேர்ந்தெடுக்கப்பட்ட ஸ்டார்ட் அப்கள் தங்கள் வர்த்தகத்தை காட்சிப்படுத்தி, முதலீட்டாளர்களுடன் தொடர்பு கொண்டு, நிதி வாய்ப்புகளை ஆராயலாம்.

நிகழ்ச்சியில் பங்கேற்கும் முதலீட்டாளர்கள் வருமாறு:

ஆக்சல் ஆடம்ஸ், புளும் வென்சர்ஸ், சிராட்டே வென்சர்ஸ், அணைகட் கேபிடல், ரெயின்மேட்டர், ஜாவா கேபிடல், ஸ்பெஷல் இன்வெஸ்ட், பீஸ்பில் பிராகரஸ், மேல் வென்சர்ஸ், கேபிடல் ஏ வென்சர்ஸ்.

இந்த நிகழ்ச்சி, தொழில்முனைவோர், இணை நிறுவனர்கள், வாடிக்கையாலர்கள், வழிகாட்டிகள், முதலீட்டாளர்களை சந்திப்பதற்கான மேடையாக அமைகிறது. ஆர்வம் உள்ள தொழில்முனைவோர், ஆரம்ப நிலை ஸ்டார்ட் அப், வளர்ச்சி நிலை தொழில்முனைவோர் உள்ளிட்டோருக்கு இந்த நிகழ்ச்சி சரியான மேடையாக அமையும்.

என்சைன் இன்சூரன்ஸ் புரோக்கர்ஸ் மற்றும் ஜார்விஸ் லேப்ஸ் இதன் முக்கிய ஸ்பான்சராக விளங்குகின்றன.

அமர்வுகள்

இந்த ஆண்டு ’கிராண்ட் சங்கமம்’ தொழில்முனைவு எதிர்கால வாய்ப்புகள் மற்றும் சவால்களில் கவனம் செலுத்த உள்ளது. ஸ்டார்ட் அப் நிதி திரட்டல், முதலீட்டாளர் தயார் நிலை, ஏஐ மற்றும் எதிர்கால வர்த்தகம், பிராந்திய சந்தையை கடந்து வளர்ச்சி, ஸ்டார்ட்-அப்’களை வளர்த்தெடுப்பது, தலைமை, திறன் கலாச்சாரம், நிறுவனர் வலைப்பின்னல் உள்ளிட்ட கருப்பொருள்களில் அமர்வுகள் நிகழ உள்ளன.

நிதி திரட்டல், பெங்களூரு/தமிழ்நாடு முதலீட்டாளர்கள், தற்சார்பு இந்தியா உள்ளிட்ட அமர்வுகளும் இடம்பெறுகின்றன.

யுவர்ஸ்டோரி தமிழ் ‘கிராண்ட் சங்கமம்’ நிகழ்ச்சியின் மீடியா பார்ட்னராக உள்ளது.

Tamilpreneur பின்னணி

’தமிழ்பிரனர்’ - 2019ல் தமிழில் ஸ்டார்ட் அப் செய்திகளை வெளியிடும் ஒரு இன்ஸ்டாகிராம் பக்கமாக துவங்கி, தொழில்முனைவோர்களை நேர்காணல் செய்யும் பாட்காஸ்டாக வளர்ந்தது. அதன் பிறகு, தொழில்முனைவோருக்கான ஆதரவு தேவை என்பதை உணர்ந்து, கற்றல் மற்றும் வலைப்பின்னலை அடிப்படையாகக் கொண்ட மேடையை 2021ல் உருவாக்கியது. இந்த மேடையில் பத்தாயிரத்திற்கும் மேலான தொழில்முனைவோர் உள்ளனர்.

தமிழ்பிரனர் சூழல், ஏற்கனவே ரூ.150 கோடி அளவிக்கு ஸ்டார்ட் அப் நிதி மற்றும் வளர்ச்சி வாய்ப்புகளை சாத்தியமாக்கியுள்ளது.

தமிழ்பிரனர் தாக்கம்; நிதி அளித்தல் மற்றும் வலைப்பின்னல் தொடர்புகளை கடந்து அமைகிறது. இதன் வெற்றிக்கதைகளில் ஒன்றாக சுகாதார நலன் ஸ்டார்ட் அப் Blod.in அமைகிறது. இந்நிறுவனம் நாஸ்டாக்கில் பட்டியலிடப்பட்ட லைடஸ் டெக்னாலஜிஸ் நிறுவனத்தால் 2025ல் கையகப்படுத்தப்பட்டது.