ಶವ ಸಂಸ್ಕಾರಕ್ಕೂ ಆನ್​ಲೈನ್ ಬುಕ್ಕಿಂಗ್

ಸಿಲಿಕಾನ್ ಸಿಟಿ ದಿನದಿಂದ ದಿನಕ್ಕೆ ಹೈಟೆಕ್ ಸಿಟಿಯಾಗುತ್ತಿದೆ. ಬಿಬಿಎಂಯಂತೂ ಎಲ್ಲಾ ರೀತಿಯಿಂದಲೂ ಜನರಿಗೆ ಹತ್ತಿರವಾಗುತ್ತಿದೆ. ಸ್ಮಾರ್ಟ್ ಸಿಟಿಯಾಗಲು ಏನ್ ಬೇಕೋ ಅದೆಲ್ಲವನ್ನು ಅಳವಡಿಸಿಕೊಳ್ಳುತ್ತಿದೆ. ಅದ್ರಲೂ ನಗರದ ವ್ಯಾಪ್ತಿಯಲ್ಲಿ ಶವಸಂಸ್ಕಾರಕ್ಕೆ ಆನ್​ಲೈನ್ ಮೂಲಕ ವ್ಯವಸ್ಥೆ ಮಾಡಲು ಬಿಬಿಎಂಪಿ ಮುಂದಾಗಿದೆ.

---

ದಿನದಿಂದ ದಿನಕ್ಕೆ ಬೆಂಗಳೂರಿನ ಜನಸಂಖ್ಯೆ ಜಾಸ್ತಿಯಾಗುತ್ತಿದೆ. ಅದು ಎಷ್ಟರ ಮಟ್ಟಿಗೆ ಅಂದ್ರೆ, ಶವಸಂಸ್ಕಾರಕ್ಕೂ ಕೆಲವೊಮ್ಮೆ ಕ್ಯೂ ನಿಲ್ಬೇಕಾಗುತ್ತೆ. ಮೊದಲೇ ಕುಟುಂಬ ಸದಸ್ಯರ ಕಳಕೊಂಡು ದುಃಖವಿರುತ್ತದೆ. ಇಂತಹ ಸಮಯದಲ್ಲಿ ಅಂತ್ಯಕ್ರಿಯೆಗೆ ಸರತಿ ಸಾಲು. ನಿಜಕ್ಕೂ ಬೇಸರದ ಸಂಗತಿ. ಇದಕ್ಕೆಲ್ಲ ಫುಲ್​ಸ್ಟಾಪ್ ಹೇಳಲು ಬಿಬಿಎಂಪಿ ಮುಂದಾಗಿದೆ. ಸ್ಮಶಾನ ಕೂಡ ಸ್ಮಾರ್ಟ್ ಆಗ್ತಿದೆ. ಇನ್ನುಮುಂದೆ ಆನ್​ಲೈನ್ ಬುಕ್ಕಿಂಗ್ ಮೂಲಕ ಶವಸಂಸ್ಕಾರ ಮಾಡಬಹುದು.

" ಶವ ಸಂಸ್ಕಾರಕ್ಕೂ ಆ್ಯಪ್ ಬಿಡುಗಡೆ ಮಾಡಲು ಬಿಬಿಎಂಪಿ ಮುಂದಾಗಿದೆ. ಸ್ಮಾರ್ಟ್ ಫೋನ್ ಒಂದಿದ್ದರೆ ಸಾಕೂ ಎಲ್ಲಿಂದಾದರು ಕುಳಿತು ನೀವು ಶವಸಂಸ್ಕಾರಕ್ಕೆ ಆನ್​ಲೈನ್ ಬುಕ್ ಮಾಡಬಹುದು"

-  ಮಂಜುನಾಥ್ ಪ್ರಸಾದ್, ಬಿಬಿಎಂಪಿ ಆಯುಕ್ತರು

ಹಲವು ಜನರಿಗೆ ಶವಸಂಸ್ಕಾರಕ್ಕೂ ಆ್ಯಪ್ ಬಿಡುಗಡೆ ಮಾಡ್ತಾರೆ. ಆದ್ರೆ ಅದು ಹೇಗೆ ಕೆಲಸ ಮಾಡುತ್ತದೆಯೆಂಬ ಗೊಂದಲವಿರುತ್ತದೆ. ಹಾಗಿದ್ರೆ ಈ ಆ್ಯಪ್ ಹೇಗಿರುತ್ತೆ. ಅದು ಕೆಲಸ ಮಾಡುವ ರೀತಿ ಹೇಗಿರುತ್ತದೆಂಬ, ಇದರಲ್ಲಿ ಜನರಿಗೆ ಸಿಗುವ ಆಯ್ಕೆಗಳೇನು..? ಇದು ಜನರಿಗೆ ಹೇಗೆ ಉಪಯೋಗಕಾರಿಯಾಗಲಿದೆಯೆಂಬ ವಿವರ ಇಲ್ಲಿದೆ ನೋಡಿ.

---

ಮನೆಯಿಂದಲೇ ಶವಸಂಸ್ಕಾರದ ಬುಕ್ಕಿಂಗ್ ವ್ಯವಸ್ಥೆ ಮಾಡೋ ವ್ಯವಸ್ಥೆಯನ್ನ ಬಿಬಿಎಂಪಿ ನೀಡಲಿದೆ. ಬುಕ್ಕಿಂಗ್ ವೇಳೆ ಸತ್ತ ವ್ಯಕ್ತಿಯ ಹೆಸರು, ವಿಳಾಸ, ನಿಧನಹೊಂದಿದ ಸಮಯ ಮತ್ತು ಸಾವಿನ ಕಾರಣ ನೀಡಬೇಕಾಗುತ್ತೆ. ಇನ್ನೂ ಈ ಆ್ಯಪ್​ನಲ್ಲಿ ಬೆಂಗಳೂರಿನಲ್ಲಿರೋ 400 ಸ್ಮಶಾನ ಹಾಗೂ 11 ವಿದ್ಯುತ್ ಚಿತ್ತಾಗಾರದ ಮಾಹಿತಿ ಸಿಗಲಿದೆ. ಈ ಆ್ಯಪ್ ಬಳಸಿ ಬುಕಿಂಗ್ ಮಾಡಿದ್ರೆ ಶವ ಸ್ಮಶಾನ ಸೇರಿಸೊ ಮುನ್ನ ಗುಂಡಿ ಅಗೆತದ ಸ್ಥಳ, ಅಳತೆ ಪ್ರತಿಯೊಂದು ಸಿದ್ಧವಾಗಿರುತ್ತದೆ. ಇತ್ತ ವಿದ್ಯುತ್ ಚಿತ್ತಾಗಾರದಲ್ಲೂ ವಿದ್ಯುತ್ ಸಂಪರ್ಕದ ಲಭ್ಯತೆಯನ್ನ ಮೊದಲೇ ಖಚಿತ ಪಡಿಸುತ್ತಾರೆ. ಈ ವಿನೂತನ ಆ್ಯಪ್​ ಸದ್ಯದಲ್ಲೇ ಬಿಡುಗಡೆ ಆಗಲಿದೆ.

ಇದನ್ನು ಓದಿ: ಸರಕು ಸಾಗಣಿಕೆಯ ಚಿಂತೆ ನಿಮಗೇಕೆ- ಪೋರ್ಟರ್​ ಆ್ಯಪ್​ನಲ್ಲಿ ಸಿಗುತ್ತೆ ಉತ್ತರ

ಹಲವು ರೀತಿ ಸ್ಮಾರ್ಟ್ ಆಗುತ್ತಿರುವ ಬಿಬಿಎಂ, ಸ್ಮಾರ್ಟ್ ಜನರೊಂದಿಗೆ ಸ್ಮಾರ್ಟ್ ಆಗಿರುವ ಆಯ್ಕೆಗಳನ್ನು ನೀಡುತ್ತಿದೆ. ಒಟ್ಟಿನಲ್ಲಿ ಶವಸಂಸ್ಕಾರ ಕ್ಯೂ ಸಿಸ್ಟಂನಿಂದ ಆನ್​ಲೈನ್ ಸಿಸ್ಟಂಗೆ ರೆಡಿಯಾಗ್ತಿದೆ. ಆದ್ರೆ , ಸತ್ತವರ ಮನೆಯವರು ಈ ಆ್ಯಪ್​ನ್ನು ಎಷ್ಟರಮಟ್ಟಿಗೆ ಬಳಕೆ ಮಾಡಿಕೊಳ್ತಾರೆ..? ದುಃಖದಲ್ಲಿರುವರಿಗೆ ಒಂದಿಷ್ಟಾದ್ರು ಕಷ್ಟವನ್ನು ಕಮ್ಮಿ ಮಾಡುವಲ್ಲಿ ಈ ಆ್ಯಪ್ ಯಶಸ್ವಿಯಾಗಲಿದೆ ಎಂಬುವುದು ಬಿಬಿಎಂಪಿ ಲೆಕ್ಕಚಾರವಾಗಿದೆ.

ಇದನ್ನು ಓದಿ:

1. ಆನ್​ಲೈನ್​ ಉದ್ಯಮದಲ್ಲಿ ಲಾಭಕ್ಕಾಗಿ ಪೈಪೋಟಿ- ಗ್ರಾಹಕರಿಗೆ "ಹಬ್ಬದೂಟ"ದ ಸಂಭ್ರಮ..

2. 

2. ಬೈಕ್ ಏರಿ ಮಹಿಳಾಮಣಿಗಳ ಹಿಮಾಲಯ ಸವಾರಿ!

3. ಎಲ್ಲರಿಗೂ ಮಾದರಿ, ಭಾರತದಲ್ಲಿರುವ ಮೆಕ್ಸಿಕೋ ರಾಯಭಾರಿ!