24 ಕಿಮೀ ಚಾರಣ ಮಾಡಿ ಹಳ್ಳಿಯ ಜನರನ್ನು ಭೇಟಿಯಾದ ಅರುಣಾಚಲ ಪ್ರದೇಶದ ಮುಖ್ಯಮಂತ್ರಿ

ಈ ವಾರದ ಆರಂಭದಲ್ಲಿ, ಅರುಣಾಚಲ ಪ್ರದೇಶದ ಮುಖ್ಯಮಂತ್ರಿ ಪೆಮಾ ಖಂಡು ಸಮುದ್ರ ಮಟ್ಟದಿಂದ 14,500 ಅಡಿ ಎತ್ತರದಲ್ಲಿರುವ ಹಳ್ಳಿಯ ನಿವಾಸಿಗಳನ್ನು ಭೇಟಿ ಮಾಡಲು ಸುಮಾರು 11 ಗಂಟೆಗಳ ಕಾಲ 24 ಕಿ.ಮೀ ಚಾರಣ ಮಾಡಿದರು.

ದುರ್ಗಮ ಹಾದಿ ಮತ್ತು ಬೆಟ್ಟಗಳ ಮೂಲಕ ಲುಗುಥಾಂಗ್‌ಗೆ ಚಾರಣ ಮಾಡುವಾಗ ಅವರ ಜತೆ ಭದ್ರತಾ ಅಧಿಕಾರಿ ಮತ್ತು ಕೆಲವು ಗ್ರಾಮಸ್ಥರಿದ್ದರು, ಅವರ ಕ್ಷೇತ್ರವಾದ ಲುಘುತಾಂಗ್‌ ತವಾಂಗ್ ಜಿಲ್ಲೆಯಲ್ಲಿದೆ, ವರದಿ ಹಿಂದುಸ್ತಾನ್ ಟೈಮ್ಸ್.

ಈ ಚಾರಣದ ಅನುಭವವನ್ನು ತಮ್ಮ ಟ್ವೀಟ್ಟರ್‌ ಖಾತೆಯಲ್ಲಿ ಹಂಚಿಕೊಂಡ ಮುಖ್ಯಮಂತ್ರಿಗಳು,

“24 ಕಿ.ಮೀ. ಚಾರಣ; ಪ್ರಕೃತಿ ತಾಯಿ ಮತ್ತು ಶುದ್ಧವಾದ ತಾಜಾ ಗಾಳಿಯ ನಡುವೆ; ತವಾಂಗ್‌ ಜಿಲ್ಲೆಯ ಕರ್ಪು-ಲಾ(16,000 ಅಡಿ) ದಿಂದ ಲುಗುಥಾಂಗ್‌(14,500 ಅಡಿ) ದಾಟಿದ್ದು ಸ್ವರ್ಗದ ಅನುಭವ ನೀಡಿದೆ,” ಎಂದು ಟ್ವೀಟ್‌ ಮಾಡಿದ್ದಾರೆ.

"ಪ್ರತಿ ಪ್ರಮುಖ ಕಾರ್ಯಕ್ರಮದ ಪ್ರಯೋಜನಗಳು ಸಮಾಜದ ಕೊನೆಯ ವ್ಯಕ್ತಿಯನ್ನು ತಲುಪಬೇಕು ಎಂಬುದನ್ನು ಖಚಿತಪಡಿಸಿಕೊಳ್ಳಲು ಲುಗುಥಾಂಗ್ ಗ್ರಾಮಸ್ಥರೊಂದಿಗೆ ವಿಮರ್ಶೆ ಸಭೆ ನಡೆಸಿದೆ," ಎಂದು ಖಂಡು ಹಿಂದಿರುಗಿದ ನಂತರ ಗುರುವಾರ ಟ್ವೀಟ್ ಮಾಡಿದ್ದಾರೆ.

ಲಗುಥಾಂಗ್‌ ತವಾಂಗ್‌ ಜಿಲ್ಲೆಯ ಥಿಂಗಬು ತೆಹ್ಸಿಲ್‌ನಲ್ಲಿದೆ, ಮತ್ತು 2011 ರ ಜನಗಣತಿಯ ಪ್ರಕಾರ ಇಲ್ಲಿ 11 ಮನೆಯಲ್ಲಿ ವಾಸಿಸುವ 58 ಜನರಿದ್ದಾರೆ. ಮುಖ್ಯಮಂತ್ರಿಗಳ ಮುಕ್ತೋ ಕ್ಷೇತ್ರದ ವ್ಯಾಪ್ತಿಗೆ ಬರುವ ತವಾಂಗ್ ಜಿಲ್ಲೆಯ ಈ ಗ್ರಾಮವು ತನ್ನ ಗಡಿಯನ್ನು ಚೀನಾ ಮತ್ತು ಭೂತಾನ್‌ನೊಂದಿಗೆ ಹಂಚಿಕೊಳ್ಳುತ್ತದೆ.

ALSO READ

5 ಗಂಟೆಯಲ್ಲಿ ಸೇತುವೆ ನಿರ್ಮಿಸಿ ಹಳ್ಳಿಗರ ಕಷ್ಟಕ್ಕೆ ಅಂತ್ಯ ಹಾಡಿದ ಕೇರಳದ ಯುವಕರು

ಈ ಹಳ್ಳಿಗೆ ಯಾವುದೇ ರೀತಿಯ ರಸ್ತೆ ಸಂಪರ್ಕವು ಇಲ್ಲ. ಇಲ್ಲಿನ ನಿವಾಸಿಗಳು ಅಲೆಮಾರಿ ಬುಡಕಟ್ಟು ಜನಾಂಗಕ್ಕೆ ಸೇರಿದವರು ಮತ್ತು ಅವರು ಯಾಕ್ ಅನ್ನು ಬೆಳೆಸುವ ಮೂಲಕ ತಮ್ಮ ಜೀವನೋಪಾಯವನ್ನು ಕಂಡುಕೊಳ್ಳುತ್ತಾರೆ.

“ಮುಖ್ಯಮಂತ್ರಿಗಳು ಯಾವತ್ತೂ ಆ ಹಳ್ಳಿಗೆ ಹೋಗಿರಲಿಲ್ಲ, ಹಾಗಾಗಿ ಸ್ಥಳೀಯರನ್ನು ಭೇಟಿ ಮಾಡಲು ಅಲ್ಲಿಗೆ ಹೋದರು. ಹಳ್ಳಿಗರ ಮನೆಯಲ್ಲಿ ೨ ರಾತ್ರಿ ಕಳೆದು ಸಪ್ಟೆಂಬರ್‌ 8 ರಂದು ಅವರು ಮರಳಿದರು,” ಎಂದು ಸಿಎಂಒನ ಅಧಿಕಾರಿಯೊಬ್ಬರು ದಿ ನ್ಯೂ ಇಂಡಿಯನ್‌ ಎಕ್ಸ್ಪ್ರೆಸ್‌ ಗೆ ತಿಳಿಸಿದರು.

ತಮ್ಮ ತಂದೆ ಮತ್ತು ಮಾಜಿ ಮುಖ್ಯಮಂತ್ರಿ ದಿವಂಗತ ಡೋರ್ಜಿ ಖಂಡು ಅವರ ನೆನಪಿಗಾಗಿ ಜಂಗ್‌ಚಬ್ ಸ್ತೂಪ ಅವರ ಪವಿತ್ರ ಸಮಾರಂಭದಲ್ಲಿ ತವಾಂಗ್‌ನ ಗ್ಯಾಂಡೆನ್ ನಮ್‌ಗ್ಯಾಲ್ ಲಾಟ್ಸೆ ಮಠದ ಸನ್ಯಾಸಿಗಳು ಮತ್ತು ಗ್ರಾಮಸ್ಥರು ಸೇರಿದಂತೆ ಖಂಡು ಭಾಗವಹಿಸಿದ್ದರು.

ಏಪ್ರಿಲ್ 30, 2011 ರಂದು ಲುಗುಥಾಂಗ್ ಗ್ರಾಮದ ಬಳಿ ಹೆಲಿಕಾಪ್ಟರ್ ಅಪಘಾತದಲ್ಲಿ ಅವರ ತಂದೆ ಮೃತಪಟ್ಟಿದ್ದರು. ಅಪಘಾತದ ಸ್ಥಳದಲ್ಲಿ ಅವರ ದೇಹವು ಇತರರೊಂದಿಗೆ ಪತ್ತೆಯಾಗಿತ್ತು.