ரூ.150 கோடி சொகுசு பங்களா; ரத்தன் டாடா வீட்டில் உள்ள வசதிகள் என்னென்ன தெரியுமா?

ரத்தன் டாடாவின் ரூ.150 கோடி மதிப்புள்ள வீட்டில் 15 பார்க்கிங் ஸ்பாட்கள், இன்ஃபினிட்டி பூல், பார்பெக்யூ சோன் உள்ளிட்ட வசதிகள் உள்ளன. இதுகுறித்த முழு விவரங்களைக் காணலாம்...

டாடா சன்ஸ் குழுமத்தின் முன்னாள் தலைவர் ரத்தன் டாடா தனது ஓய்விற்குப்பிறகு எளிமையான வாழ்க்கை முறையை பின்பற்றி வருகிறார். ஆனால், இன்று வரை அவர் வசித்து வரும் மும்பை கொலாபா பகுதியில் உள்ள ஆடம்பர சொகுசு வீடு ரூ.150 கோடி மதிப்புள்ளதாகும்.

ரத்தன் டாடா அமைதியான, எளிமையான வாழ்க்கை முறையைக் கடைப்பிடித்து வந்தாலும், அவரது வீட்டில் இல்லாத வசதிகளே இல்லை எனச் சொல்லும் அளவிற்கு பல்வேறு சிறப்பம்சங்கள் உள்ளன.

ஆடம்பர மாளிகை:

2012ம் ஆண்டு டாடா சன்ஸ் குழுமத்தின் தலைவர் பதவியில் இருந்து விலகிய பின்னர், ரத்தன் டாடா தனது ஓய்வு காலத்தை கொலாபாவில் உள்ள சொகுசு இல்லத்தில் கழித்துவருகிறார். தற்போதைய நிலவரப்படி அந்த வீட்டின் மதிப்பு 150 கோடி ரூபாய் ஆகும்.

ரத்தன் டாடாவின் கொலாபா மாளிகை மும்பையின் ஆடம்பரமான பகுதிகளில் ஒன்றாகும். மேலும், டாடா குழுமத்திலிருந்து ஓய்வு பெற்ற பிறகு அவர் வசிக்கும் இல்லத்திற்கு 'கேபின்ஸ்' என பெயரிடப்பட்டுள்ளது. மும்பையில் உள்ள ரத்தன் டாடாவின் வீடு, கொலாபாவில் உள்ள மிக நேர்த்தியான மாளிகைகளில் ஒன்றாகக் கருதப்படுகிறது.

சிறப்பு வசதிகள் என்னென்ன?

கேபின்ஸ் இல்லம் ஒட்டுமொத்தமாக 13,000 சதுர அடி பரப்பளவில் பரந்து விரிந்து மூன்று மாடி கட்டிடமாக அமைக்கப்பட்டுள்ளது. பிரம்மாண்டமான மாளிகையில் 4 படுக்கையறைகள், உடற்பயிற்சி கூடம், பெரிய அளவில் பிரம்மாண்டமாக அலங்கரிக்கப்பட்ட பூஜை அறை ஆகியன உள்ளன. இந்த ஆடம்பரத்திற்கு எல்லாம் மகுடம் வைத்தார் போல், மொட்டை மாடியில் பிரம்மாண்டமான இன்ஃபினிட்டி ஸ்விம்மிங் பூல் உள்ளது. அத்துடன் விசாலமான பார், பார்பிக்யூ ஏரியாவும் உள்ளது.

ரத்தன் டாடாவின் வீட்டின் காற்றோட்டமான சன் டெக்கில் ஒரே நேரத்தில் 50 பேர் வரை தங்கலாம், மேலும், அடித்தள கார் பார்க்கிங்கில் 15க்கும் மேற்பட்ட கார்களை ஒரே நேரத்தில் பார்க் செய்யலாம்.

இத்துடன் அதிநவீன வசதிகளுடன் கூடிய மீட்டிங் ஹால், நூலகம், உயர் தொழில்நுட்ப உபகரணங்களும் உள்ளன. ரத்தன் டாடா பல ஆண்டுகளாக இந்த வீட்டில் வசித்து வருவது குறிப்பிடத்தக்கது.

தகவல் உதவி: டிஎன்ஏ

1826 people loved this story

---

31.17 ஏக்கர் பரப்பளவு; 2,400 கோடி ரூபாய் மதிப்பு - கூகுள் சிஇஓ சுந்தர் பிச்சையின் பிரம்மாண்ட வீடு!