சென்னை ப்ரான்ட் Fipola செயல்பாடுகள் நிறுத்தம் - வென்டர்கள் பாக்கி; சம்பள நிலுவை என நீளும் காரணங்கள்...
சென்னையைச் சேர்ந்த இறைச்சி சில்லறை விற்பனை நிறுவனம் பிபோலா, தனது செயல்பாடுகளை நிறுத்திக்கொண்ட பிறகு, வெண்டர்கள், வாடகை மற்றும் டெலிவரி பங்குதாரர்களுக்கு சேர வேண்டிய தொகையை கொடுக்கவில்லை.
சென்னையைச் சேர்ந்த இறைச்சி சில்லறை விற்பனை நிறுவனமான வென்டர்களுக்கு சேர வேண்டிய தொகையை அளிக்காதது தொடர்பாக அந்நிறுவனத்துக்கு பெங்களூருவில் வழக்கறிஞர் நோட்டீஸ் அனுப்பியுள்ளனர். சொத்துக்களை விற்று, கடனில் ஒரு பகுதியை அடைக்கும் முயற்சியில் இந்த ஸ்டார்ட் அப் ஈடுபட்டிருப்பதாக, பத்திரிகை செய்திகள் தெரிவிக்கின்றன.
ஃபிபோலா பெயர் கொண்ட இந்த வழக்கறிஞர் நோட்டீஸ் ஒன்று யுவர்ஸ்டோரி வசம் உள்ளது. ஃபிபோலா நிறுவனர் சுஷில் கனுகோலுவை இது குறித்து யுவர்ஸ்டோரி தொடர்பு கொண்ட போது அவர் கருத்து தெரிவிக்க மறுத்துவிட்டார்.
இந்நிறுவனம் ஊழியர்களுக்கு இரண்டு மாதங்களாக சம்பளம் கொடுக்கவில்லை என்றும், பிஎப் தொகையை செலுத்தவில்லை என்றும் விஷயம் அறிந்தவர்கள் யுவர்ஸ்டோரியிடம் கூறினர். 2022 பிப்ரவரியில் அளித்த பேட்டியில், ஃபிபோலா 850 ஊழியர்களைக் கொண்டிருப்பதாக தெரிவித்திருந்தது.
சென்னை, பெங்களூரு, கோவை, வேலூர், புதுச்சேரி ஆகிய நகரங்களில் 48 விற்பனை நிலையங்களைக் கொண்டிருந்ததோடு, செயலி வாயிலாக மளிகைப் பொருட்களையும் டெலிவரி செய்து வந்த Fipola இந்த மாதத் துவக்கத்தில் மூடப்பட்டது.
இந்த நடவடிக்கையை அதன் நிறுவனர் MediaNews4u.com-க்கு அளித்துள்ள பேட்டியில் உறுதி செய்துள்ளார்.
“பாதகமான சந்தை சூழலால் நிறுவனத்தால் நிதி திரட்ட முடியவில்லை என்று நிறுவனர் கனுகோலு கூறியிருந்தார். நிறுவன சொத்துகளை விற்கத்துவங்கியிருப்பதாகவும், ஏப்ரல் மாத வாக்கில் சேனல் பார்ட்னர்கள், வெண்டர்கள் மற்றும் இதர தரப்பினருக்கு தொகை வழங்கப்படும்,” என்றும் கூறியிருந்தார்.
2022 ஆகஸ்ட்டில், ஃபிபோலா பிரபல நடிகை நயன்தாராவை தனது விளம்பரத் தூதராக அறிவித்தது குறிப்பிடத்தக்கது.
2016ல் துவக்கப்பட்ட சென்னையைச் சேர்ந்த Fipola, புதிய மற்றும் பதப்படுத்தப்பட்ட இறைச்சி மற்றும் கடல் உணவுகளை விற்பனை செய்தது. ஃபிபோலா எக்ஸ்குலிஸ்வ் கேப் மற்றும் கிரில் ஹவுஸ் ஆகிய சேவைகளையும் வழங்கி வந்தது. ஸ்விக்கி மற்றும் ஜொமேட்டோவில் இந்த சேவைகள் நிறுத்தப்பட்டன.
நேரடி விற்பனை பிராண்ட்கள் மற்றும் கோடக் பிரைவட் ஈக்விட்டி ஆதரவு பெற்ற Licious, பிரெஷ்டுஹோம், டெண்டர்கட்ஸ் உள்ளிட்ட நிறுவனங்கள் இந்த பிரிவில் உள்ளன.
2022 மார்ச் மாதம் கெவின்கேர் நிறுவனர் சி.கே.ரங்கநாதனிடம் இருந்து 3 மில்லியன் டாலர் நிதி திரட்டியதாகவும், பல சுற்றுகளில் 12.8 மில்லியன் டாலர் திரட்டியதாகவும் Tracxn தகவல் தெரிவிக்கிறது.
ஃபிபோலா ரூ.200 கோடியை தொட்டிருப்பதாகவும், இந்த நிதியாண்டு 4 மடங்கு வளர்ச்சி காணும் என்றும் நிறுவனர் கனுகோலா கூறியதாக, 2022 மார்ச் செய்திகள் தெரிவித்தன.
தொகுப்பு: சைபர் சிம்மன்
சிறிய இறைச்சி கடைகளின் விற்பனை மற்றும் வருமானத்தை பெருக்க உதவும் 'Happy Chops' - Tendercuts-இன் புதிய முயற்சி!
Edited by Induja Raghunathan